ઇઝરાયલી સેનાએ દક્ષિણ લેબનોનમાં ૨૫૦ હિઝબુલ્લાહ આતંકવાદીઓને માર્યા હોવાનો દાવો કર્યો છે. ઇઝરાયલી સેના અનુસાર, આ આતંકવાદીઓ ઇઝરાયલ-લેબનોન યુદ્ધવિરામ પછી માર્યા ગયા હતા. આઇડીએફએ એક પોસ્ટમાં જણાવ્યું હતું કે તે દક્ષિણ લેબનોનમાં ઇઝરાયલી નાગરિકો અને સૈનિકો માટેના ખતરાઓને દૂર કરવા માટે સતત કાર્યવાહી કરી રહી છે.
ઇઝરાયલી સૈન્યએ જણાવ્યું હતું કે યુદ્ધવિરામ કરાર શરૂ થયો ત્યારથી,આઇડીએફ દળો અને ઇઝરાયલી નાગરિકો માટે ખતરો ઉભો કરતા હિઝબુલ્લાહ આતંકવાદી સંગઠનના ૨૨૦ થી વધુ આતંકવાદીઓ અને કમાન્ડરો માર્યા ગયા છે. આ સમયગાળા દરમિયાન,આઇડીએફએ હવાઈ હુમલામાં ઘણા હિઝબુલ્લાહ કમાન્ડ સેન્ટરો અને મુખ્ય લશ્કરી સ્થાપનોનો નાશ કર્યો.
ઇઝરાયલી સૈન્યએ બેરૂતના દક્ષિણ ઉપનગરો અને દક્ષિણ લેબનોનના ઘણા વિસ્તારોને નિશાન બનાવ્યા, જેને યુદ્ધવિરામનું નવું ઉલ્લંઘન ગણાવવામાં આવી રહ્યું છે. લેબનીઝ આરોગ્ય મંત્રાલયે અહેવાલ આપ્યો છે કે બેરૂતના દહીહમાં તાજેતરના ઇઝરાયલી હુમલામાં બે લોકો માર્યા ગયા અને સાત ઘાયલ થયા.
