રાજકોટ શહેરમાં મહેનત અને લગનનું એક સુંદર ઉદાહરણ સામે આવ્યું છે, જ્યાં ઇલેક્ટ્રીકની નાની દુકાન ચલાવતા પિતાના દીકરાએ ધોરણ ૧૦ની પરીક્ષામાં ૯૯.૯૪ પર્સેન્ટાઇલ મેળવીને અદભૂત સિદ્ધિ હાંસલ કરી છે. વિવેક બુખાની નામના આ વિદ્યાર્થીએ પોતાના ઉત્તમ પરિણામથી પરિવાર સાથે સમગ્ર શહેરને ગર્વ અનુભવાવ્યો છે.
વિવેકનું આ સફળતાનું રહસ્ય માત્ર તેની બુદ્ધિમત્તામાં જ નહીં, પરંતુ તેની સતત મહેનત, સમયનું યોગ્ય આયોજન અને શિસ્તબદ્ધ અભ્યાસમાં રહેલું છે. સામાન્ય પરિવારમાં જન્મેલા વિવેકે પોતાના સપનાઓને સાકાર કરવા માટે ક્્યારેય પરિસ્થિતિઓને અવરોધ બનવા દીધા નથી. તેના પિતા રોજબરોજ મહેનત કરીને પરિવારનું ભરણપોષણ કરે છે, અને આ જ સંઘર્ષે વિવેકને પ્રેરણા આપી છે. પરિણામ જાહેર થતાં જ પરિવારજનોમાં ખુશીની લાગણી છવાઈ ગઈ હતી. માતા-પિતા માટે આ ક્ષણ માત્ર ગૌરવની જ નહીં પરંતુ ભાવુક બનાવનારી પણ હતી. તેમના દીકરાએ કરેલી મહેનત અને ત્યાગનું ફળ મળતાં તેઓની આંખોમાં આનંદના આંસુ આવી ગયા હતા. વિવેકે પોતાની સિદ્ધિ માટે માતા-પિતા, શિક્ષકો અને મિત્રોનો આભાર વ્યક્ત કર્યો છે.
વિવેકના શિક્ષકો પણ તેની સિદ્ધિથી ખૂબ ખુશ છે. તેઓ જણાવે છે કે વિવેક હંમેશા શાંત, એકાગ્ર અને શીખવાની ઉત્સુકતા ધરાવતો વિદ્યાર્થી રહ્યો છે. તે માત્ર પુસ્તકીય જ્ઞાનમાં જ નહીં, પરંતુ દરેક વિષયને સમજવાની ઊંડાણપૂર્વક કોશિશ કરતો હતો. તેની આ જ વૃત્તિએ તેને અન્ય વિદ્યાર્થીઓથી અલગ બનાવ્યો છે. આ સફળતા માત્ર એક વિદ્યાર્થીની વ્યક્તિગત સિદ્ધિ નથી, પરંતુ તે દરેક માટે પ્રેરણારૂપ છે. વિવેકે સાબિત કર્યું છે કે પરિસ્થિતિઓ કે સંસાધનોની મર્યાદાઓ હોવા છતાં જા મનમાં દૃઢ નિશ્ચય અને મહેનત કરવાની તૈયારી હોય, તો કોઈપણ લક્ષ્ય હાંસલ કરી શકાય છે.
આવા યુવાનો દેશનું ભવિષ્ય છે, અને તેમની સિદ્ધિઓ સમાજને નવી દિશા આપે છે. વિવેક બુખાનીની આ સફળતા અનેક વિદ્યાર્થીઓને પ્રેરણા આપશે કે તેઓ પણ પોતાના સપનાઓને સાકાર કરવા માટે મહેનત અને સંકલ્પનો માર્ગ અપનાવે.
