જ્યારે ઇંગ્લેન્ડના વિસ્ફોટક વિકેટકીપર-બેટ્સમેન ફિલ સોલ્ટનું ઇન્ડીયન પ્રીમિયર લીગ (આઇપીએલ ૨૦૨૬) માં મેદાન પર યોગદાન મર્યાદિત હોઈ શકે છે, તેમણે ટ્રોફી જીતવાનો રેકોર્ડ બનાવ્યો છે જે કોઈ વિદેશી ખેલાડીએ ક્યાંરેય હાંસલ કર્યો નથી. રોયલ ચેલેન્જર્સ બેંગ્લોર સાથે આઇપીએલ ૨૦૨૬નો ખિતાબ જીતીને, ફિલ સોલ્ટ સતત ત્રણ સિઝનમાં ત્રણ આઇપીએલ ટ્રોફી જીતનાર પ્રથમ વિદેશી ક્રિકેટર બન્યો. સોલ્ટ આઇપીએલ ૨૦૨૬માં ફક્ત છ મેચ રમ્યો હતો. તેની છેલ્લી મેચ ૧૮ એપ્રિલે હતી, અને તે પછી, તે ઈજાને કારણે આખી સિઝનમાંથી બહાર થઈ ગયો હતો. જાકે, ટીમના ભાગ રૂપે, તેને વિજેતા મેડલ મળ્યો, આમ ઇતિહાસ રચાયો.
ફિલ સોલ્ટ ૨૦૨૪માં કોલકાતા નાઈટ રાઇડર્સની વિજેતા ટીમનો ભાગ હતો. ત્યારબાદ તેણે ૨૦૨૫ અને ૨૦૨૬માં રોયલ ચેલેન્જર્સ બેંગ્લોર સાથે સતત બે આઇપીએલ ટાઇટલ જીત્યા,આઇપીએલ ટ્રોફીની હેટ્રિક પૂર્ણ કરી. સોલ્ટ હવે આઇપીએલ ઇતિહાસમાં સતત ત્રણ ટાઇટલ જીતનારા ફક્ત ત્રણ ખેલાડીઓમાં જાડાયો છે. તેની સાથે ભારતીય સ્પીનર કર્ણ શર્મા અને સુયશ શર્મા પણ જાડાયા છે. જાકે, સોલ્ટ આ સિદ્ધિ મેળવનાર પ્રથમ વિદેશી ખેલાડી છે.
સોલ્ટ અને સુયશ શર્મા બંને ૨૦૨૪ માં કેકેઆર અને ૨૦૨૫-૨૬ માં ઇઝ્રમ્ માટે ટાઇટલ વિજેતા ટીમનો ભાગ હતા. જાકે, બંને ખેલાડી બધી ફાઇનલમાં રમ્યા ન હતા. ફિલ સોલ્ટ ઇંગ્લેન્ડ સાથે આંતરરાષ્ટ્રીય ફરજને કારણે ૨૦૨૪ ની ફાઇનલ ચૂકી ગયો હતો, જ્યારે ૨૦૨૬ માં, ઇજાને કારણે તે ટુર્નામેન્ટની છેલ્લી ૧૦ મેચમાંથી બહાર રહ્યો હતો. બીજી તરફ, સુયશ શર્માને ઘણી વખત પ્લેઇંગ ઇલેવનમાં સામેલ કરવામાં આવ્યો ન હતો. આમ છતાં, બંને ખેલાડીઓએ સતત ત્રણ આઇપીએલ ટાઇટલ જીતવાનો દુર્લભ રેકોર્ડ હાંસલ કર્યો. નોંધનીય છે કે, સુયશ શર્મા આઇપીએલઇતિહાસમાં આ સિદ્ધિ મેળવનાર પ્રથમ અનકેપ્ડ ખેલાડી પણ બન્યો.જા આરસીબી આગામી સિઝનમાં ટાઇટલ જીતવાનું ચાલુ રાખે છે, તો ફિલ સોલ્ટ અને સુયશ શર્મા સતત ચાર આઇપીએલ ટ્રોફી જીતનારા પ્રથમ ખેલાડી બની શકે છે. વધુમાં, વિરાટ કોહલી, રજત પાટીદાર, રોમારિયો શેફર્ડ, કૃણાલ પંડ્યા, ભુવનેશ્વર કુમાર અને જાશ હેઝલવુડ જેવા ખેલાડીઓ પણ જા ૨૦૨૭ ની ફાઇનલમાં વિજેતા ટીમનો ભાગ રહે તો તેઓ સતત ત્રણ ફાઇનલ જીતવાનો રેકોર્ડ હાંસલ કરી શકે છે. જાકે, સતત ત્રણ ટાઇટલ જીતવાનો અનોખો રેકોર્ડ હજુ પણ કર્ણ શર્માનો છે. તેણે ત્રણ અલગ અલગ ફ્રેન્ચાઇઝી સાથે આઇપીએલ ટ્રોફી જીતી હતી. કર્ણ ૨૦૧૬ માં સનરાઇઝર્સ હૈદરાબાદ, ૨૦૧૭ માં મુંબઈ ઇન્ડીયન્સ અને ૨૦૧૮ માં ચેન્નાઈ સુપર કિંગ્સની ટાઇટલ વિજેતા ટીમોનો ભાગ હતો. તેણે ૨૦૨૧ માં ચેન્નાઈ સુપર કિંગ્સ સાથે આઇપીએલ ટ્રોફી પણ જીતી હતી. આનાથી તેના કુલ ચાર આઇપીએલ ટાઇટલ થઈ ગયા છે, જાકે તેણે સમગ્ર ૨૦૨૧ સીઝનમાં એક પણ મેચ રમી ન હતી.
