આઇપીએલ ૨૦૨૬ ફાઇનલમાં હાર્યા પછી, ગુજરાત ટાઇટન્સને ગઈકાલે રાત્રે વધુ મુશ્કેલીઓનો સામનો કરવો પડ્યો. નરેન્દ્ર મોદી સ્ટેડિયમ ખાતે ટાઇટલ મેચ હાર્યાના થોડા સમય પછી, ટીમના ખેલાડીઓ અને સપોર્ટ સ્ટાફને મોટો ઝટકો લાગ્યો જ્યારે તેમની ટીમ બસમાં અચાનક શોર્ટ સર્કિટ થઈ ગઈ. પરિસ્થિતિ એટલી ગંભીર બની ગઈ કે બધા ખેલાડીઓ અને સ્ટાફને તાત્કાલિક બસમાંથી બહાર કાઢવા પડ્યા.
શુભમન ગિલના નેતૃત્વ હેઠળની ગુજરાત ટાઇટન્સ ટીમને ફાઇનલમાં રોયલ ચેલેન્જર્સ બેંગ્લોર સામે પાંચ વિકેટથી હારનો સામનો કરવો પડ્યો હતો.અહેવાલ મુજબ, ફાઇનલ પછી, જ્યારે ટીમ સ્ટેડિયમથી હોટેલ પરત ફરી રહી હતી, ત્યારે બસમાં ટેકનિકલ ખામી સર્જાઈ. શોર્ટ સર્કિટને કારણે બસ બંધ થઈ ગઈ, જેના કારણે ખેલાડીઓ લગભગ એક કલાક સુધી રસ્તા પર ફસાયેલા રહ્યા. જાકે, રાહતની વાત એ છે કે કોઈ પણ ખેલાડી કે સ્ટાફ સભ્યને નુકસાન થયું નથી. ટીમ મેનેજમેન્ટે તાત્કાલિક બધાને સુરક્ષિત રીતે બહાર કાઢ્યા અને બાદમાં તેમને હોટેલ લઈ જવા માટે બીજી બસની વ્યવસ્થા કરી.
ગુજરાત ટાઇટન્સ માટે છેલ્લા કેટલાક દિવસો પડકારોથી ભરેલા રહ્યા છે. ફાઇનલ પહેલા પણ ટીમને અનેક મુશ્કેલીઓનો સામનો કરવો પડ્યો હતો. ખરાબ હવામાનને કારણે, ટીમની અમદાવાદની ચાર્ટર્ડ ફ્લાઇટ લગભગ ત્રણ કલાક મોડી પડી હતી, જેના પરિણામે ટીમ ૩૦ મેના રોજ મોડી પહોંચી હતી. વધુમાં, શુભમન ગિલ અને રજત પાટીદાર વચ્ચે કેપ્ટનનો ફોટોશૂટ વિલંબને કારણે મુલતવી રાખવો પડ્યો હતો.
ગુજરાત ટાઇટન્સે છેલ્લા પાંચ દિવસથી ખૂબ જ વ્યસ્ત સમયપત્રકનો સામનો કરવો પડ્યો હતો. ૨૬ મેના રોજ ધર્મશાલામાં ક્વોલિફાયર ૧ માં તેઓ ઇઝ્રમ્ સામે હારી ગયા. ત્યારબાદ ટીમ ચંદીગઢ ગઈ અને ૨૯ મેના રોજ મુલ્લાનપુરમાં રાજસ્થાન રોયલ્સ સામે ક્વોલિફાયર ૨ રમી, અને ફાઇનલમાં સ્થાન મેળવ્યું. સતત મુસાફરી, દબાણ અને હાઇ-પ્રોફાઇલ મેચો છતાં, ગુજરાત ટાઇટન્સે એક બહાદુર લડત આપી, પરંતુ તેમના ઘરઆંગણે રમાયેલી ફાઇનલમાં ટ્રોફી જીતવામાં નિષ્ફળ રહી.
