અમદાવાદની મ્યુનિસિપલ કોર્પોરેશન સંચાલિત એલજી હોસ્પિટલમાં સ્વચ્છતા અને મચ્છર નિયંત્રણની વ્યવસ્થાને લઈને સવાલો ઉભા થયા છે. ગુજરાત પ્રદેશ કોંગ્રેસ સમિતિના મહામંત્રી રાજેશ ટી. સોનીએ રાત્રિના સમયે હોસ્પીટલની અચાનક મુલાકાત લીધી હોવાનો દાવો કર્યો છે. તેમના જણાવ્યા પ્રમાણે, જૂની હોસ્પિટલ બિલ્ડિંગના ગાયનેકોલોજી વોર્ડ સહિત અન્ય બે વોર્ડમાં મચ્છરો અને અસ્વચ્છ પરિસ્થિતિ જાવા મળી હતી.રાજેશ ટી. સોનીના દાવા મુજબ, મહિલાઓ સારવાર લઈ રહી હોય તેવા ગાયનેકોલોજી વોર્ડમાં મચ્છરોનો ઉપદ્રવ જાવા મળ્યો હતો. સાથે જ કેટલાક સ્થળે ગંદા ચાદર હોવાની ફરિયાદ પણ સામે આવી હતી. તેમણે સવાલ ઉઠાવ્યો કે સારવાર માટે હોસ્પિટલમાં આવતા દર્દીઓને સ્વચ્છ અને સુરક્ષિત વાતાવરણ મળવું જરૂરી છે. ખાસ કરીને મહિલાઓના વોર્ડમાં મચ્છર અને સ્વચ્છતાની સમસ્યા અંગે તાત્કાલિક ધ્યાન આપવાની માંગ કરવામાં આવી છે. કોંગ્રેસ નેતાએ હોસ્પિટલમાં નિયમિત સફાઈ, સ્વચ્છ ચાદરની વ્યવસ્થા અને અસરકારક મચ્છર નિયંત્રણ માટે પગલાં લેવાની માંગ કરી છે. સાથે જ વોર્ડની આસપાસ નિયમિત ફોગિંગ કરવામાં આવે અને મચ્છરોના પ્રજનન માટે જવાબદાર પરિસ્થિતિઓ દૂર કરવામાં આવે તેવી માગણી પણ કરવામાં આવી છે. તેમણે સંબંધિત અધિકારીઓ અને સફાઈ એજન્સીની જવાબદારી નક્કી કરવાની પણ માંગ કરી છે.
બીજી તરફ,એલજી હોસ્પીટલના સુપ્રિટેન્ડેન્ટે જણાવ્યું હતું કે હોસ્પિટલમાં દરરોજ સફાઈ કરવામાં આવે છે અને વોર્ડની બહાર ફોગિંગની કામગીરી પણ કરવામાં આવે છે. સુપ્રિટેન્ડેન્ટના જણાવ્યા પ્રમાણે, હોÂસ્પટલની બાજુમાં ચાલી રહેલા નવી બિલ્ડિંગના બાંધકામને કારણે મચ્છરોની સમસ્યા ઊભી થઈ શકે છે.આ ઉપરાંત વોર્ડની નજીક ડસ્ટબિન મૂકવામાં આવ્યો હોવા છતાં કેટલાક લોકો તેમાં કચરો નાખવાને બદલે બહાર ફેંકતા હોવાનો પણ તેમણે દાવો કર્યો હતો. હોસ્પિટલ તંત્ર દ્વારા મચ્છરોની સમસ્યા માટે નજીકના બાંધકામ અને કચરાને પણ એક કારણ ગણાવવામાં આવી રહ્યું છે. ત્યારે સવાલ એ છે કે જા બાંધકામ સ્થળ અથવા આસપાસની ગંદકી મચ્છરોના ઉપદ્રવમાં ફાળો આપી રહી હોય તો ત્યાં કોઈ કાર્યવાહી કરવામાં આવશે કે નહીં.‘મેલેરિયા મુક્ત અમદાવાદ’ જેવા અભિયાન વચ્ચે મ્યુનિસિપલ હોસ્પિટલમાં મચ્છરો અને સ્વચ્છતા અંગેની આ ફરિયાદે તંત્રની કામગીરી પર ચર્ચા જગાવી છે. હવે હોસ્પિટલમાં મચ્છર નિયંત્રણ અને સ્વચ્છતા વ્યવસ્થા વધુ અસરકારક બનાવવા માટે કયા પગલાં લેવાય છે તેના પર નજર રહેશે.
