અભિનેતા અનુપ સોનીએ નેટફ્લિકસની રહસ્યમય થ્રિલર “શાકઃ ટ્રસ્ટ નો વન” માંથી એવા દ્રશ્યોની ઝલક શેર કરી જે ફિલ્મના અંતિમ કટમાં શામેલ ન હતા. તેમણે કાઢી નાખવા પર નિરાશા વ્યક્ત કરી. તેમણે આવા દ્રશ્યો બનાવવા માટે જરૂરી સમય, પ્રયત્ન અને સંસાધનો સમજાવ્યા. તેમણે એમ પણ કહ્યું કે ફિલ્મ નિર્માણ દરમિયાન ચોક્કસ ભાગો કાપવા સામાન્ય છે. પરિણીતી ચોપરા અને જેનિફર વિંગેટ અભિનીત ફિલ્મમાં ઇન્સ્પેક્ટર ખુરાનાની ભૂમિકા ભજવનાર અનુપ સોનીએ શનિવારે ઇન્સ્ટાગ્રામ પર આ ન જાયેલા ફૂટેજ શેર કર્યા છે.
આ ક્લિપ્સમાં, અનુપ તેના સહ-અભિનેતા વિકી અરોરા સાથે કેટલાક શક્તિશાળી એક્શન દ્રશ્યોમાં જાવા મળે છે. એક વિડિઓમાં, વિકી ઘાયલ અનુપને પકડે છે, અને પછીના દ્રશ્યમાં, તે અનુપનું ગળું દબાવતો જાવા મળે છે. બીજા ફૂટેજમાં, અનુપ દોડતો, જારથી હાંફતો, કમર સાથે કેમેરા લગાવેલો જાવા મળે છે. વિડીયો શેર કરતા, અનુપે સમજાવ્યું કે કેટલા લોકો આવા દ્રશ્યો બનાવવા માટે સાથે મળીને કામ કરે છે, ભલે તેમાંથી કેટલાક અંતિમ સંસ્કરણમાં શામેલ ન હોય.
અભિનેતા અનુપ સોનીએ દુઃખ સાથે કહ્યું, “‘શાક’ શ્રેણીના ખુરાના સાહેબના કેટલાક દ્રશ્યો છે જે અંતિમ સંસ્કરણમાં સ્થાન મેળવી શક્યા નથી.” આવા સિક્વન્સ બનાવવા માટે ઘણો વિચાર, સમય, પ્રયત્ન અને સંસાધનોની જરૂર પડે છે, જેમાં લેખક, દિગ્દર્શક, એક્શન કોરિયોગ્રાફર, અભિનેતાઓ, સિનેમેટોગ્રાફર, નિર્માતા અને સમગ્ર ક્રૂનો ફાળો હોય છે. નિરાશા છતાં, અનુપ સોનીએ સ્વીકાર્યું કે ક્યારેક ફિલ્મ નિર્માતાઓને વાર્તાના વ્યાપક હિતમાં ચોક્કસ દ્રશ્યો દૂર કરવા પડે છે. તેમણે વધુમાં ઉમેર્યું કે ચોક્કસ સિક્વન્સ દૂર કરવાથી આખરે વાર્તાને ફાયદો થાય છે. તેમણે ઉમેર્યું, “જ્યારે કોઈ સિક્વન્સ અંતિમ કટમાં ન પહોંચે ત્યારે તે થોડું નિરાશાજનક હોઈ શકે છે, પરંતુ ફિલ્મ નિર્માણમાં, આખી વાર્તા મહત્વપૂર્ણ છે, અને કેટલીકવાર અમુક ભાગોને દૂર કરવાથી વાર્તામાં સુધારો થાય છે. તે બધું પ્રક્રિયાનો એક ભાગ છે. અમે આ ફિલ્માંકન કરવા માટે સખત મહેનત કરી.”
રેન્સિલ ડી’સિલ્વા દ્વારા દિગ્દર્શિત, ‘શાકઃ ટ્રસ્ટ નો વન’ સિદ્ધાર્થ પી. મલ્હોત્રા અને સપના મલ્હોત્રા દ્વારા ‘અલકેમી પ્રોડક્શન્સ’ના બેનર હેઠળ નિર્મિત છે. આ મિસ્ટ્રી થ્રિલરમાં પરિણીતી ચોપરા મુખ્ય ભૂમિકામાં છે, જ્યારે જેનિફર વિંગેટ, સોની રાઝદાન, અનુપ સોની, તાહિર રાજ ભસીન, સુમીત વ્યાસ, હરલીન સેઠી અને ધ્રુવ ચૌધરી પણ મુખ્ય ભૂમિકામાં જાવા મળે છે. આ શ્રેણી ૨૪ સપ્ટેમ્બરના રોજ નેટફ્લિકસ પર રિલીઝ થઈ હતી.
