છત્તીસગઢના રાયગઢ જિલ્લામાં એક હૃદયદ્રાવક ઘટના પ્રકાશમાં આવી છે. અજાણ્યા હુમલાખોરોએ એક જ પરિવારના ચાર સભ્યોની ક્રૂરતાથી હત્યા કરી હતી. પોલીસ અધિકારીઓએ જણાવ્યું હતું કે આ જઘન્ય ગુનો કુહાડીથી કરવામાં આવ્યો હતો. આ ઘટના ખારસિયા પોલીસ સ્ટેશન વિસ્તારના તુસુકેલા ગામમાં બની હતી. મૃતકોની ઓળખ બુધરામ ઓરાઆેં (૪૫), તેમની પત્ની સહોદ્રા ઓરાઆેં (૪૦), પુત્ર અરવિંદ ઓરાઆેં (૧૨) અને પુત્રી શિવાંગી ઓરાઆેં (૫) તરીકે થઈ છે.ખારસિયા વિસ્તારના પોલીસ સબ-ડિવિઝનલ ઓફિસર પ્રભાત પટેલે જણાવ્યું હતું કે ગુરુવારે સવારે ગામના રાજીવનગર વિસ્તારમાં એક ઘરમાંથી દુર્ગંધ આવી રહી હોવાની માહિતી પોલીસને મળી હતી. ત્યારબાદ પોલીસની એક ટીમ તાત્કાલિક ઘટનાસ્થળે પહોંચી હતી. ઘરની તપાસ કરતાં પોલીસે જાયું કે ચારેય મૃતદેહો ઘરની પાછળના ભાગમાં ગાયના છાણના ઢગલા નીચે છુપાયેલા હતા.મૃતદેહો પર કુહાડીથી બનાવેલા ઊંડા ઘા મળી આવ્યા છે. પોલીસે ઘટનાસ્થળેથી હત્યામાં વપરાયેલી કુહાડી પણ કબજે કરી છે. હાલમાં, મૃતદેહોને પોસ્ટમોર્ટમ માટે મોકલવામાં આવ્યા છે અને પોલીસે કેસ નોંધીને તપાસ શરૂ કરી છે. આ હત્યા પાછળના કારણો અને આરોપીઓ શોધવા માટે પોલીસ દરેક પાસાની તપાસ કરી રહી છે. આ ઘટનાથી સમગ્ર વિસ્તારમાં સનસનાટી અને આતંકનો માહોલ સર્જાયો છે.
