બિહારમાં નીતિશ સેતુ સમાચારમાં છે. પીએમ મોદીએ તેનું ઉદ્ઘાટન કર્યું. પરંતુ પીએમના ઉદ્ઘાટન પછી, આરજેડી સમર્થકોએ પુલ પર હંગામો મચાવ્યો, જેનો એક વીડિયો સોશિયલ મીડિયા પર વાયરલ થઈ રહ્યો છે.
પ્રધાનમંત્રી નરેન્દ્ર મોદી દ્વારા નીતિશ સેતુના ઉદ્ઘાટન બાદ, આરજેડી સમર્થકોએ પુલ પર હોબાળો મચાવ્યો હતો, જેનો એક વીડિયો હવે સોશિયલ મીડિયા પર ઝડપથી વાયરલ થઈ રહ્યો છે. આ પુલ તેજસ્વી યાદવના વિધાનસભા મતવિસ્તાર રાઘોપુરને પણ જાડે છે.પીએમ મોદી ગયા પછી, સ્થાનિક આરજેડી સમર્થકોએ પીએમ મોદીના પોસ્ટરો ફાડવાનું શરૂ કર્યું. ઉદ્ઘાટન સમારોહને લઈને પુલ પર મોટી સંખ્યામાં પોસ્ટરો લગાવવામાં આવ્યા હતા. “તેજશ્વી યાદવ ઝિંદાબાદ” ના નારા લગાવતા યુવાનોએ પુલ પરના પોસ્ટરો ફાડી નાખ્યા. આરજેડી સમર્થકોએ આ ઘટનાનો વીડિયો પણ બનાવ્યો અને તેને સોશિયલ મીડિયા પર પોસ્ટ કર્યો.
કચ્છી દરગાહ-બિદુપુર પુલનું નામ નીતિશ સેતુ રાખવામાં આવ્યું ત્યારથી સતત રાજકીય ચર્ચા ચાલી રહી છે. તેજસ્વી યાદવ પુલનું નામ અક્ષયવત રાયના નામ પર રાખવાની માંગ કરી રહ્યા છે. તેજસ્વી યાદવે એ પણ પ્રશ્ન ઉઠાવ્યો કે કેન્દ્ર સરકારે પુલના નિર્માણ માટે કોઈ ભંડોળ પૂરું પાડ્યું નથી, અને જ્યારે સરકારે તેમને જાણ કરી હતી કે પુલનું નામ ગુરુ ગોવિંદ સિંહના નામ પર રાખવામાં આવશે ત્યારે નિર્ણય કેમ પાછો ખેંચવામાં આવ્યો? આરજેડી આ પુલના નિર્માણને પોતાની સિદ્ધિ ગણાવી રહી છે.
નોંધનીય છે કે રવિવારે કેન્દ્રીય મંત્રી લલ્લન સિંહે એક સભાને સંબોધિત કરતી વખતે આ પુલના નિર્માણ માટે શ્રેય અંગે આરજેડીના દાવાને નકારી કાઢ્યો હતો. પ્રશાંત કિશોરે પણ આરજેડીના દાવાને નકારી કાઢ્યો હતો અને કહ્યું હતું કે પુલના નિર્માણમાં આરજેડી કે ભાજપનો કોઈ ફાળો નથી. આ પુલ નીતિશ કુમારના પ્રયાસોનું પરિણામ છે.
એકંદરે, નીતિશ સેતુને લઈને બિહારમાં હવે રાજકારણ શરૂ થઈ ગયું છે. હવે જાવાનું એ છે કે નીતિશ કુમાર પોતે આ બાબતે શું કહે છે. નોંધનીય છે કે રવિવારે બિહાર પહોંચ્યા બાદ પીએમ મોદીએ નીતિશ સેતુનું ઉદ્ઘાટન કર્યું હતું.