ભારતના મુખ્ય ન્યાયાધીશ સૂર્યકાન્તે શનિવારે કહ્યું કે ન્યાયતંત્ર શાંતિપૂર્ણ વિરોધ પ્રદર્શનના વિદ્યાર્થીઓના મૂળભૂત અધિકારનું રક્ષણ કરવા માટે પ્રતિબદ્ધ છે. તેમણે જણાવ્યું હતું કે જા આ અધિકારના ઉલ્લંઘનના કેસ કોર્ટ સમક્ષ આવશે, તો ન્યાયતંત્ર આંખ આડા કાન કરશે નહીં. સીજેઆઇ પટનામાં ચાણક્ય રાષ્ટ્રીય કાયદા યુનિવર્સિટીની મુલાકાતે હતા. આ દરમિયાન, તેમણે પહેલીવાર વિદ્યાર્થીઓ સાથે “ખુલ્લા ગૃહ” વાર્તાલાપ કર્યો. તેમણે કહ્યું કે તેઓ વિદ્યાર્થીઓ સાથે ઔપચારિક ચર્ચા કરતાં નિખાલસ પ્રશ્નોત્તરી કરવાનું પસંદ કરે છે.
“ખુલ્લા ગૃહ” વાર્તાલાપ દરમિયાન, એક વિદ્યાર્થીએ શાંતિપૂર્ણ વિદ્યાર્થીઓના વિરોધ પ્રદર્શનો પ્રત્યે પોલીસની પ્રતિક્રિયા પર પ્રશ્ન ઉઠાવ્યો.સીજેઆઇએ જણાવ્યું હતું કે કોર્ટ કથિત ભારે પોલીસ કાર્યવાહી સાથે સંકળાયેલા કેસોમાં આંખ આડા કાન કરશે નહીં. તેમણે વિદ્યાર્થીઓના શાંતિપૂર્ણ વિરોધ પ્રદર્શનના અધિકારનું રક્ષણ કરવા માટે ન્યાયતંત્રની પ્રતિબદ્ધતાનો પુનરોચ્ચાર કર્યો.
વાર્તાલાપ દરમિયાન, એક વિદ્યાર્થીએ સીજેઆઇને પૂછ્યું કે કોલેજિયમમાં અસંમતિના મંતવ્યો કેમ રેકોર્ડ કરવામાં આવે છે, પરંતુ તેને શા માટે જાહેર કરવામાં આવતા નથી. જવાબમાં, સીજેઆઇ સૂર્ય કાંતે જણાવ્યું હતું કે આવી માહિતી જાહેર કરવાથી, ભલે સારા ઈરાદાથી હોય, તે સંબંધિત વ્યક્તિને મુશ્કેલ સ્થિતિમાં મૂકી શકે છે. તેમણે ઉમેર્યું હતું કે વ્યક્તિના ગૌરવની વાત આવે ત્યારે પારદર્શિતાની પણ મર્યાદા હોય છે. એ પ્રશ્ન ઉઠાવ્યો હતો કે જા કોલેજિયમની કાર્યવાહીમાં મુખ્ય ન્યાયાધીશ અથવા ન્યાયાધીશ વિશે નકારાત્મક ટિપ્પણીઓ રેકોર્ડ કરવામાં આવે અને જાહેર કરવામાં આવે તો તેઓ તેમના પદ પર કેવી રીતે કાર્ય કરી શકશે.
સીજેઆઇ સૂર્યકાન્તે લીએનએલયુના વાઇસ-ચાન્સેલર અને વરિષ્ઠ ન્યાયશાસ્ત્રી ફૈઝાન મુસ્તફાના પ્રસ્તાવની પણ પ્રશંસા કરી, જેમાં ચાર વર્ષના શૈક્ષણિક અભ્યાસ સાથે પાંચ વર્ષની કાયદાની ડિગ્રી પૂર્ણ કરવાની અને અંતિમ વર્ષમાં ફરજિયાત કોર્ટ એપ્રેન્ટિસશીપ કરવાની માંગ કરવામાં આવી છે.સીજેઆઇએ આ પ્રસ્તાવને “નવો અને સ્વાગતયોગ્ય વિચાર” ગણાવ્યો. તેમણે જણાવ્યું હતું કે આ ન્યાયિક સેવા પરીક્ષાઓ માટે અલગ વર્ષની પ્રેક્ટિસની જરૂરિયાતને દૂર કરવામાં મદદ કરી શકે છે.સીજેઆઇ સૂર્યકાન્તની સાથે પટના હાઇકોર્ટના મુખ્ય ન્યાયાધીશ વી. કામેશ્વર રાવ પણ સીએનએલયુ ગયા હતા, જે યુનિવર્સિટીના ચાન્સેલર પણ છે.
અગાઉ, સીજેઆઇ સૂર્ય કાંતે કહ્યું હતું કે બાળકોમાં ડ્રગ્સના વ્યસનને માત્ર જાહેર આરોગ્યની ચિંતા તરીકે જ નહીં પરંતુ બાળ સુરક્ષાના મુદ્દા તરીકે પણ સમજવાની જરૂર છે. પટનામાં બિહાર લોકભવન ખાતે “બાળપણથી આગળ ડ્રગ્સઃ રક્ષણ, સંભાળ અને પુનઃએકીકરણ” વિષય પરના તેમના પાટલીપુત્ર પ્રજ્ઞા પ્રવાહ વ્યાખ્યાનમાં, તેમણે તાજેતરના લેન્સેટ અભ્યાસનો ઉલ્લેખ કર્યો, જેમાં જણાવાયું છે કે ભારતમાં ઓછામાં ઓછા પાંચ કિશોરોમાંથી એક ડ્રગના દુરુપયોગના મધ્યમથી ગંભીર જાખમમાં છે. તેમણે બાળકોમાં ડ્રગના વ્યસનને દૂર કરવા માટે સંવેદનશીલ અને બાળ-કેન્દ્રિત અભિગમની જરૂરિયાત પર ભાર મૂક્યો. સૂર્યકાંતે કહ્યું કે ડ્રગના વ્યસન સાથે સંઘર્ષ કરી રહેલા બાળકોના શારીરિક અને માનસિક સ્વાસ્થ્ય તેમજ તેમના ગૌરવ અને આત્મસન્માનનું રક્ષણ કરવું આવશ્યક છે. તેમણે જણાવ્યું હતું કે પુનર્વસનનો અર્થ ફક્ત વ્યસનમાંથી મુક્તિ જ નથી, પરંતુ એવું વાતાવરણ પણ બનાવવું છે જ્યાં બાળક શિક્ષણ, સંબંધો, રમત, વિશ્વાસ અને ભવિષ્યમાં ફરીથી વિશ્વાસ મેળવી શકે. તેમણે ભાર મૂક્્યો કે બાળકોએ વર્તમાન મુશ્કેલીઓથી આગળ વધવું જાઈએ. સારા ભવિષ્યની આશા હોવી જાઈએ.