અમદાવાદ એરપોર્ટ પર કસ્ટમ્સ વિભાગે મોટી કાર્યવાહી કરીને બેંગકોકથી આવેલા પતિ-પત્ની પાસેથી ૧.૯૨૮ કિલો હાઇડ્રોપોનિક ગાંજા ઝડપી પાડ્યો છે. કસ્ટમ્સની ટીમે એક્સ-રે સ્કેનિંગ દરમિયાન શંકાસ્પદ સામગ્રીની ઓળખ કરી હતી.
પ્રાથમિક વિગતો મુજબ બેંગકોકથી આવેલા દંપતીએ ટ્રોલી બેગમાં ગાંજા છુપાવીને લાવવાનો પ્રયાસ કર્યો હતો. બેગની તપાસ દરમિયાન ખાસ બનાવેલા સ્તરમાં છુપાવવામાં આવેલા નશીલા પદાર્થનો જથ્થો મળી આવ્યો હતો.
કસ્ટમ્સ અધિકારીઓએ એરપોર્ટ પર નિયમિત તપાસ દરમિયાન દંપતીના સામાનનું એક્સ-રે સ્કેનિંગ કર્યું હતું. સ્કેનિંગ દરમિયાન ટ્રોલી બેગમાં અસામાન્ય વસ્તુ જોવા મળતાં અધિકારીઓએ બેગને અલગ કરીને ઝીણવટભરી તપાસ હાથ ધરી હતી.તપાસમાં ટ્રોલી બેગની અંદર ખાસ રીતે બનાવેલા સ્તરમાં નશીલો પદાર્થ છુપાવવામાં આવ્યો હોવાનું સામે આવ્યું હતું. ત્યારબાદ બેગમાંથી કુલ ૧૦ વેક્યૂમ પેકેટ બહાર કાઢવામાં આવ્યા હતા.
અધિકારીઓને મળેલા પેકેટોની તપાસ કરતાં તેમાં હાઇડ્રોપોનિક ગાંજા હોવાનું સામે આવ્યું હતું. કુલ ૧૦ વેક્યૂમ પેકેટમાંથી આશરે ૧.૯૨૮ કિલો ગાંજા મળી આવ્યો હતો.વેક્યૂમ પેકિંગ અને બેગમાં બનાવેલા ખાસ સ્તરનો ઉપયોગ કરીને આ જથ્થો સુરક્ષિત રીતે છુપાવવાનો પ્રયાસ કરવામાં આવ્યો હોવાનું પ્રાથમિક તપાસમાં સામે આવ્યું છે.દંપતી બેંગકોકથી અમદાવાદ પહોંચ્યું હતું. વિદેશથી આવેલા મુસાફરોના સામાનની તપાસ દરમિયાન આ સમગ્ર મામલો સામે આવ્યો હતો. કસ્ટમ્સ વિભાગે ગાંજાનો જથ્થો કબજે કરીને દંપતી સામે આગળની કાર્યવાહી શરૂ કરી છે.
હાઇડ્રોપોનિક ગાંજાના જથ્થા અંગે કસ્ટમ્સ અધિકારીઓ દ્વારા વધુ તપાસ કરવામાં આવી રહી છે. આ જથ્થો ક્યાંથી મેળવવામાં આવ્યો હતો અને તેને અમદાવાદ સુધી લાવવાનો હેતુ શું હતો તે અંગે પણ પૂછપરછ હાથ ધરવામાં આવી છે.કસ્ટમ્સ વિભાગે બંને શખ્સોની પૂછપરછ શરૂ કરી છે. તેમની મુસાફરી, સામાન અને ગાંજાના જથ્થા સાથે જાડાયેલી વિગતો તપાસવામાં આવી રહી છે.
આ મામલે કસ્ટમ્સ વિભાગની વધુ તપાસ બાદ ગાંજાના જથ્થા અંગે અન્ય કોઈ વ્યક્તિ અથવા નેટવર્કની સંડોવણી છે કે નહીં તે પણ સ્પષ્ટ થઈ શકે છે.
