નેશનલ ટેસ્ટીંગ એજન્સીએ પરીક્ષા પ્રણાલીમાં સુધારો કરવા માટે કાર્યવાહી ઝડપી બનાવી છે. શિક્ષણ મંત્રાલયે સોમવારે જાહેરાત કરી કે એનટીએએ ૫૦ થી વધુ કર્મચારીઓને દૂર કર્યા છે અને અનેક મુખ્ય હોદ્દાઓ માટે વ્યાવસાયિકોની ભરતી કરવાની પ્રક્રિયા પણ શરૂ કરી છે. નોંધનીય છે કે આ સમાચાર એવા સમયે આવ્યા છે જ્યારે એનટીએએ યુજીસી નીટ પરીક્ષાના ત્રણ વિષયોની પ્રશ્નપત્રોમાં અનેક ભૂલો મળી આવ્યા બાદ ફરીથી પરીક્ષા લેવાનો આદેશ જારી કર્યો છે.
ભારત સરકારના શિક્ષણ મંત્રાલયે સોમવારે સોશિયલ મીડિયા પ્લેટફોર્મ એકસ પર એક પોસ્ટમાં માહિતી આપી હતી કે કેન્દ્રીય શિક્ષણ મંત્રી પ્રહલાદ જોશીએ ઉચ્ચ શિક્ષણ વિભાગના સચિવ,એનટીએના નિયામક અને અન્ય વરિષ્ઠ અધિકારીઓ સાથે બેઠક યોજી હતી. શિક્ષણ મંત્રાલયે જણાવ્યું હતું કે, “મંત્રીને તાજેતરના વિકાસ, ખાસ કરીને એનટીએ દ્વારા સમગ્ર સિસ્ટમને સુધારવા માટે અત્યાર સુધી લેવામાં આવેલા પગલાં વિશે માહિતી આપવામાં આવી હતી.” તેમને જાણ કરવામાં આવી છે કે એનટીએ માંથી ૫૦ થી વધુ કર્મચારીઓને દૂર કરવામાં આવ્યા છે.”
શિક્ષણ મંત્રાલય દ્વારા આપવામાં આવેલી માહિતી અનુસાર, ચીફ ટેકનોલોજી ઓફિસર, ચીફ ફાઇનાન્શીયલ ઓફિસર, ચીફ ઇન્ફર્મેશન સિક્્યુરિટી ઓફિસર, જનરલ મેનેજર (પરીક્ષા સુરક્ષા), અને જનરલ મેનેજર સહિત ૧૦ નવી વ્યાવસાયિક જગ્યાઓ માટે જાહેરાતો બહાર પાડવામાં આવી છે અને ભરતી પ્રક્રિયા ચાલી રહી છે. શિક્ષણ મંત્રાલય અનુસાર, સાયબર સુરક્ષા, સાયકોમેટ્રિક્સ, પ્રશ્નપત્રની તૈયારી અને અન્ય વિશિષ્ટ ક્ષેત્રો માટે ખાનગી ક્ષેત્રના વિષય નિષ્ણાતોની પણ ભરતી કરવામાં આવી રહી છે. એ નોંધવું જોઈએ કે દ્ગ્છ એ અગાઉ ચાર નવા જનરલ મેનેજર અને ૧૬ યુવા વ્યાવસાયિકોની નિમણૂકો માટે જાહેરાતો જારી કરી હતી.
માહિતી અનુસાર, કેન્દ્રીય શિક્ષણ મંત્રી પ્રહલાદ જોશીએ બેઠકમાં અધિકારીઓને હાલના પરીક્ષા પ્રોટોકોલનું કડક પાલન કરવાનો નિર્દેશ આપ્યો. તેમણે અધિકારીઓને કન્સલ્ડ ઓપરેશન્સ ફ્રેમવર્ક, અલગ રૂમ, એર-ગેપ્ડ સિસ્ટમ્સ અને સાધનોના અમલીકરણની ખાતરી કરવા પણ નિર્દેશ આપ્યો.એનટીએને યુદ્ધના ધોરણે સબમિશન પ્રક્રિયામાં વ્યાપક ફેરફારો લાગુ કરવાનો નિર્દેશ આપવામાં આવ્યો છે. તેણે neet ને બધી પરીક્ષા પ્રક્રિયાઓનું સંપૂર્ણ ઓડિટ કરવા અને સુધારાત્મક પગલાં અંગે અહેવાલ સબમિટ કરવાનો પણ નિર્દેશ આપ્યો છે
