સંસદનું ચોમાસુ સત્ર ૨૦ જુલાઈથી શરૂ થઈ રહ્યું છે. તેની તૈયારીઓ પહેલાથી જ શરૂ થઈ ગઈ છે. ચોમાસુ સત્ર માટે સાંસદોને કડક માર્ગદર્શિકા જારી કરવામાં આવી છે. લોકસભા સચિવાલયે સાંસદોને સંસદ ભવન સંકુલની અંદર દેખાવો, ધરણા, સૂત્રોચ્ચાર, પ્લેકાર્ડ લહેરાવવા, શ†ો વહન કરવા અને ધાર્મિક વિધિઓ કરવાથી દૂર રહેવાની સલાહ આપી છે. સભ્યોને સલાહ આપવામાં આવી છે કે તેઓ સત્ર દરમિયાન સંસદ સંકુલની અંદર સ્માર્ટવોચ કે સ્માર્ટ ચશ્માનો ઉપયોગ ન કરે જેથી સભ્યોની સુરક્ષા, વિશેષાધિકારો અને ગોપનીયતા સાથે ચેડા થાય.સંસદનું ચોમાસુ સત્ર ૨૦ જુલાઈથી શરૂ થશે અને ૧૩ ઓગસ્ટ સુધી ચાલશે. લોકસભા સચિવાલયે અલગ સંસદીય બુલેટિનમાં એમ પણ જણાવ્યું છે કે તેમના ધ્યાનમાં આવ્યું છે કે પોસ્ટરો, પ્લેકાર્ડ અને બેનરો પર વાંધાજનક પ્રકૃતિના છૈં-જનરેટેડ છબીઓ, ફોટોગ્રાફ્સ અને સૂત્રો પ્રદર્શિત કરવામાં આવી રહ્યા છે. સચિવાલયે સભ્યોને સત્ર દરમિયાન સંસદ સંકુલની અંદર આવી પ્રવૃત્તિઓથી દૂર રહેવા અપીલ કરી છે.સચિવાલયે એક બુલેટિનમાં જણાવ્યું હતું કે, “સભ્યોને વિનંતી કરવામાં આવે છે કે તેઓ સંસદ ભવનના પ્રવેશદ્વારની સામે વિરોધ પ્રદર્શન કે ધરણાનું આયોજન ન કરે, કારણ કે આ ગૃહોની બેઠકો દરમિયાન સંસદ ચેમ્બરમાં સાંસદોની અવરજવરમાં ગંભીર અવરોધ ઉભો કરે છે. આ સંદર્ભમાં, સભ્યોનું ધ્યાન લોકસભા અધ્યક્ષના નિર્દેશ ૧૨૪એ(૨) તરફ દોરવામાં આવે છે. સાંસદોની સલામતી સુનિશ્ચિત કરવા માટે સંસદ ભવનના પ્રવેશદ્વારોને અવરોધમુક્ત રાખવા પણ જરૂરી છે. માનનીય સભ્યોનો સહયોગ માંગવામાં આવે છે.”સચિવાલયે સાંસદોને કોઈપણ પ્રકારના પ્રદર્શન, ધરણા, હડતાળ, ઉપવાસ અથવા કોઈપણ ધાર્મિક વિધિઓ કરવા માટે સંસદ ભવનના સંકુલનો ઉપયોગ ન કરવાની પણ અપીલ કરી છે. સચિવાલય દ્વારા જારી કરાયેલા અન્ય એક બુલેટિનમાં જણાવાયું છે કે સંસદ ભવનના સંકુલની અંદરના વિસ્તારો અને માર્ગો સાંસદો માટે ખુલ્લા અને મુક્ત રહે તે સુનિશ્ચિત કરવા માટે સંકુલમાં ઘણી પ્રવૃત્તિઓ પર પ્રતિબંધ છે.આમાં કોઈપણ પ્રકારના હથિયાર, બેનરો, પ્લેકાર્ડ, લાકડીઓ, ભાલા, તલવારો, ડંડા વગેરે લાવવાનો સમાવેશ થાય છે. ભૂતકાળમાં, વિવિધ મુદ્દાઓ પર વિરોધ પક્ષો દ્વારા વિરોધ પ્રદર્શનો, સૂત્રોચ્ચાર અને પ્લેકાર્ડને કારણે સંસદની કાર્યવાહી લાંબા સમય સુધી ખોરવાઈ હતી. આના કારણે અનેક સત્રોમાં વારંવાર સ્થગિત થવું પડ્યું છે, અને દિવસો સુધી નોંધપાત્ર કામકાજ હાથ ધરવામાં આવ્યું નથી.
