પશ્ચિમ બંગાળમાં ૨૪ જુલાઈના રોજ યોજાનારી રાજ્યસભા પેટાચૂંટણી માટે સોમવારે ભાજપના ત્રણ ઉમેદવારો, સુખેન્દુ શેખર રોય, સુષ્મિતા દેવ અને પ્રકાશ ચિક બરૈકે પોતાના નામાંકન ભર્યા, અધિકારીઓએ જણાવ્યું હતું
તેમણે સમજાવ્યું કે ત્રણેય નેતાઓએ પશ્ચિમ બંગાળ વિધાનસભામાં રિટ‹નગ ઓફિસરને પોતાના ઉમેદવારીપત્રો સુપરત કર્યા હતા. વિધાનસભા ચૂંટણીમાં ટીએમસીની હાર બાદ, રાય, દેવ અને બરૈકે સંસદના ઉપલા ગૃહમાંથી રાજીનામું આપીને પાર્ટી છોડી દીધા બાદ રાજ્યસભાની ત્રણ બેઠકો ખાલી પડી હતી. હવે, લગભગ એક મહિના પછી, તેઓ ભાજપની ટિકિટ પર સંસદમાં પાછા ફરવાના છે.
તેઓ ૯ જુલાઈના રોજ ભાજપમાં જાડાયા અને થોડા કલાકોમાં જ તેમને પશ્ચિમ બંગાળમાંથી રાજ્યસભા પેટાચૂંટણી માટે પક્ષના ઉમેદવાર તરીકે નામાંકિત કરવામાં આવ્યા. વિધાનસભા ચૂંટણીમાં ભાજપની જંગી જીત બાદ તૃણમૂલ કોંગ્રેસના ભૂતપૂર્વ નેતાઓનો ભાજપમાં આ પહેલો મોટો પ્રવેશ હતો, જે દર્શાવે છે કે તૃણમૂલ કોંગ્રેસના નેતાઓના પ્રવેશ પર પાર્ટીનો ચૂંટણી પછીનો પ્રતિબંધ, જેમને તે રાજકીય રીતે વિશ્વસનીય અને ભ્રષ્ટાચારમુક્ત માને છે, તેમના પર લાગુ પડશે નહીં.
ચૂંટણી પંચના જાહેરનામા અનુસાર, ત્રણ ખાલી જગ્યાઓ અલગ-અલગ ચૂંટણીઓ દ્વારા ભરવામાં આવશે, જેમાં દરેક સ્વતંત્ર ચૂંટણી તરીકે લડવામાં આવશે. ત્રણેય પેટાચૂંટણીઓ એક જ સમયપત્રકને અનુસરશે, તેમ છતાં રાજ્યસભાના સભ્યો રાજ્ય વિધાનસભાના સભ્યો દ્વારા સિંગલ ટ્રાન્સફરેબલ વોટ દ્વારા પ્રમાણસર પ્રતિનિધિત્વ દ્વારા ચૂંટાય છે. દરેક ખાલી જગ્યા અલગથી લડવામાં આવતી હોવાથી, ઉમેદવારને ચૂંટણી જીતવા માટે ૧૪૭ ધારાસભ્યોના સમર્થનની જરૂર હોય છે.
૨૯૪ સભ્યોની વિધાનસભામાં ૨૦૭ ધારાસભ્યો સાથે, ભાજપ દરેક ચૂંટણીમાં સરળતાથી આ આંકડો પાર કરી જાય છે અને તેથી તે એકલા હાથે ત્રણેય બેઠકો જીતવાની સ્થિતિમાં છે.
