યુએસ સાથે ચાલી રહેલી પરોક્ષ શાંતિ વાટાઘાટોનો બચાવ કરતા, ઈરાનના રાષ્ટ્રપતિ મસૂદ પેઝેશ્કિયાને આરોપોને નકારી કાઢ્યા કે તેમની સરકારે સુપ્રીમ લીડર મોજતબા ખામેનીની મંજૂરી વિના વાટાઘાટો શરૂ કરી હતી. ઇસ્લામિક ડેવલપમેન્ટ કોઓર્ડિનેશન કાઉન્સિલના અધિકારીઓ સાથેની બેઠકમાં, મસૂદ પેઝેશ્કિયાને જણાવ્યું હતું કે ઈરાની સરકાર દ્વારા લેવામાં આવેલ દરેક રાજદ્વારી પગલું એક નિર્ધારિત નિર્ણય લેવાની પ્રક્રિયા પર આધારિત છે અને નવા સુપ્રીમ લીડર મોજતબા ખામેનીના માર્ગદર્શન હેઠળ છે.
ઈરાનના રાષ્ટ્રપતિ મસૂદ પેઝેશ્કિયાને જણાવ્યું હતું કે જા સુપ્રીમ લીડર વાટાઘાટોનો વિરોધ કરે તો ઈરાનમાં તેમની સરકારે ક્યારેય અમેરિકા સાથે કોઈ વાટાઘાટો ન કરી હોત. મસૂદ પેઝેશ્કિયાને કહ્યું, “જા નેતૃત્વએ કોઈ વાટાઘાટો ન કરી હોત, તો અમે તેમનું પાલન કર્યું હોત. જા સુપ્રીમ લીડરએ કહ્યું હોત કે કોઈ મીટિંગ કે વાટાઘાટો નહીં થાય, તો અમે કોઈ મીટિંગ કે વાટાઘાટો ન કરી હોત.”
ઈરાનના રાષ્ટ્રપતિ મસૂદ પેઝેશ્કિયાને જણાવ્યું હતું કે સુપ્રીમ લીડર મોજતબા ખામેનીએ આ મુદ્દો સુપ્રીમ નેશનલ સિક્યુરિટી કાઉન્સિલને મોકલ્યો હતો. તેમણે સ્પષ્ટપણે સૂચના આપી હતી કે આગળની કાર્યવાહી ફક્ત ત્યારે જ થશે જા કાઉન્સિલના ત્રણ-ચતુર્થાંશ સભ્યો વાટાઘાટોની તરફેણમાં મતદાન કરે. આ પ્રસ્તાવને ભારે સમર્થન મળ્યું. ૧૩ માંથી ૧૨ સભ્યોએ માત્ર વાતચીતની તરફેણમાં મતદાન કર્યું જ નહીં, પરંતુ વિગતવાર ચર્ચા પછી તેને મજબૂત સમર્થન પણ આપ્યું.
મસૂદ પેઝેશ્કિયાને કહ્યું, “ઈરાની સરકાર દ્વારા લેવામાં આવેલા બધા પગલાં પૂર્વનિર્ધારિત નીતિઓ અને દેશની રણનીતિ અનુસાર છે. અમારી સમગ્ર પ્રક્રિયા એકતા અને સંકલન સાથે આગળ વધી રહી છે.” ઈરાની રાષ્ટ્રપતિનું આ નિવેદન એવા સમયે આવ્યું છે જ્યારે ઈરાન તેના લાંબા સમયથી સર્વોચ્ચ નેતા, આયાતુલ્લાહ અલી ખામેનીના મૃત્યુ પછી મુશ્કેલ સમયમાંથી પસાર થઈ રહ્યું છે. દરમિયાન, કતારની રાજધાની દોહામાં પણ ઈરાન અને અમેરિકા વચ્ચે પરોક્ષ વાટાઘાટો ચાલુ છે.
