યુએસ પ્રમુખ ડોનાલ્ડ ટ્રમ્પે ફરીથી પનામા કેનાલ અંગે તીખી ટિપ્પણીઓ કરી, કહ્યું કે અમેરિકાએ ક્યારેય આ વ્યૂહાત્મક જળમાર્ગનું નિયંત્રણ પનામાને સોંપવું જાઈતું ન હતું. ટ્રમ્પે આરોપ લગાવ્યો કે પનામા કેનાલ પર નિયંત્રણ મેળવ્યા પછી, પનામાએ જહાજા પર વસૂલવામાં આવતી પરિવહન ફીમાં ઘણી વખત વધારો કર્યો છે, અને હવે ચીન આ મહત્વપૂર્ણ જળમાર્ગ પર પોતાનો પ્રભાવ વધારવાનો પ્રયાસ કરી રહ્યું છે.
ઉત્તર ડાકોટાના મેડોરામાં થિયોડોર રૂઝવેલ્ટ પ્રેસિડેન્શિયલ લાઇબ્રેરીના ઉદ્ઘાટન પ્રસંગે ભીડને સંબોધતા ડોનાલ્ડ ટ્રમ્પે કહ્યું કે અમેરિકાએ પનામા કેનાલ આપીને મોટી ભૂલ કરી છે. ટ્રમ્પનો દાવો છે કે પનામાએ જહાજા પર વસૂલવામાં આવતી ટ્રાન્જિટ ફીમાં ચાર ગણો વધારો કર્યો, પછી ફરીથી વધારો કર્યો, પરંતુ આ છતાં, જહાજ ટ્રાફિકમાં કોઈ ઘટાડો થયો નથી. ડોનાલ્ડ ટ્રમ્પે કહ્યું કે આનાથી ઘણા વર્ષો સુધી પનામાને મોટો નફો થયો.
આ દરમિયાન, ડોનાલ્ડ ટ્રમ્પે ચીનને ચેતવણી પણ આપી હતી કે, “ચીન હવે પનામા કેનાલ પર કબજા કરવાનો પ્રયાસ કરી રહ્યું છે, પરંતુ અમે તે થવા દઈશું નહીં.”
ઉલ્લેખનીય છે કે ૧૯૭૭ ના ટોરિજાસ-કાર્ટર કરારમાં, અમેરિકાએ ધીમે ધીમે પનામા કેનાલનું નિયંત્રણ પનામાને સોંપવાનો નિર્ણય લીધો. ત્યારબાદ, ૧૯૯૯ માં, પનામાએ પનામા કેનાલ પર સંપૂર્ણ નિયંત્રણ મેળવ્યું.
પોતાના ભાષણમાં, ડોનાલ્ડ ટ્રમ્પે જન્મજાત નાગરિકતાના મુદ્દા પર સુપ્રીમ કોર્ટના વલણ પર પણ ટિપ્પણી કરી. તેમણે દાવો કર્યો કે જન્મજાત નાગરિકતાની જાગવાઈ મૂળ ગૃહયુદ્ધ પછી ગુલામોના બાળકોને રક્ષણ આપવા માટે બનાવવામાં આવી હતી, અન્ય દેશોના લોકોના બાળકોને આપમેળે યુએસ નાગરિકતા આપવા માટે નહીં.
જાકે, ડોનાલ્ડ ટ્રમ્પે તાજેતરના કોર્ટના નિર્ણયનું પણ સ્વાગત કર્યું જેણે એÂક્ઝક્યુટિવ એજન્સીઓના વડાઓને દૂર કરવાની યુએસ રાષ્ટ્રપતિની સત્તાનો વિસ્તાર કર્યો. ટ્રમ્પે આ નિર્ણયને ઐતિહાસિક ગણાવ્યો જેણે યુએસ રાષ્ટ્રપતિ પદની સત્તાઓને પુનઃસ્થાપિત કરી, કહ્યું કે તેનાથી રાષ્ટ્રપતિને એવા સમયે આવશ્યક સત્તાઓ મળી જ્યારે તેમની સૌથી વધુ જરૂર હોય.
