ભુવનેશ્વરના કલિંગા સ્ટેડિયમ ખાતે રાષ્ટ્રીય આંતર-રાજ્ય એથ્લેટિક્સ ચેમ્પિયનશિપ ૨૦૨૬ માં, કેરળની ૨૫ વર્ષીય મહિલા ખેલાડી, એન્સી સોજને લાંબા કૂદકામાં ઐતિહાસિક પ્રદર્શન કર્યું. નેશનલ ઇન્ટર-સ્ટેટ સિનિયર એથ્લેટિક્સ ચેમ્પિયનશિપમાં લોંગ જમ્પ ઇવેન્ટમાં એન્સી સોજને ૬.૮૮ મીટરના કૂદકા સાથે નવો રાષ્ટ્રીય રેકોર્ડ બનાવ્યો છે. એન્સી સોજને રાંચીમાં ફેડરેશન કપમાં ૬.૭૬ મીટરના કૂદકા સાથે ૨૦૨૬ એશિયન ગેમ્સ માટે જગ્યા બનાવી લીધી હતી. એન્સી સોજને હવે દિગ્ગજ ભારતીય મહિલા ખેલાડી અંજુ બોબી જ્યોર્જના ૨૨ વર્ષ જૂના ૬.૮૩ મીટરના રાષ્ટ્રીય રેકોર્ડને તોડી નાખ્યો છે.
એન્સી સોજને છેલ્લા કેટલાક વર્ષોથી સતત સારું પ્રદર્શન કરી રહી છે. સોજને નેશનલ ઇન્ટર-સ્ટેટ સિનિયર એથ્લેટિક્સ ચેમ્પિયનશિપમાં પોતાના પાંચમા પ્રયાસમાં ૬.૮૩ મીટરના કૂદકા સાથે નવો રાષ્ટ્રીય રેકોર્ડ હાંસલ કર્યો હતો. અંજુ બોબી જ્યોર્જે ૨૦૦૪ એથેન્સ ઓલિમ્પિકમાં ૬.૮૩ મીટરના આંકડો તોડીને રાષ્ટ્રીય રેકોર્ડ બનાવ્યો હતો. છેલ્લા ૨૦ વર્ષમાં એન્સી સોજન એશિયાની બીજી મહિલા ખેલાડી છે જેણે લાંબા કૂદકામાં ૬.૮૫ મીટરથી વધુ કૂદકો માર્યો છે. આ સિદ્ધિ સાથે, એન્સી સોજન એશિયાની ૮મી શ્રેષ્ઠ મહિલા લાંબા કૂદકા મારનાર ખેલાડી બની છે.
કેરળની ૨૫ વર્ષીય મહિલા ખેલાડી, એન્સી સોજન, ૨૦૨૩ એશિયન ગેમ્સમાં ૬.૬૩ મીટરના કૂદકા સાથે સિલ્વર મેડલ જીત્યો હતો. ત્યારબાદ તેણીએ ૨૦૨૫ એશિયન એથ્લેટિક્સ ચેમ્પિયનશિપમાં સિલ્વર મેડલ જીત્યો હતો. હવે બધાની નજર જાપાનમાં યોજાનારી એશિયન ગેમ્સમાં એન્સી સોજનના પ્રદર્શન પર છે, જ્યાં તેણીને ગોલ્ડ મેડલ જીતવાની અપેક્ષા છે. આગામી વર્લ્ડ એથ્લેટિક્સ ચેમ્પિયનશિપમાં પણ તેના પર મોટી આશાઓ ટકેલી છે, જ્યાં તેણી મેડલની દાવેદાર બની છે.
