નીટ યુજી ૨૦૨૬ પરીક્ષા ફરીથી લેવામાં આવી રહી છે. આ વર્ષની પરીક્ષામાં કોઈપણ પ્રકારની બેદરકારી ટાળવા માટે કડક આદેશો આપવામાં આવ્યા છે. પીએમ મોદી પોતે સમગ્ર પરીક્ષાનું નિરીક્ષણ કરી રહ્યા છે. આ પરીક્ષા નેશનલ ટેસ્ટીગ એજન્સી દ્વારા લેવામાં આવી રહી છે.
એનટીએએ સોમવારે સોશિયલ મીડિયા પ્લેટફોર્મ એકસ પર જણાવ્યું હતું કે ૨૧ જૂને યોજાનારી નીટ યુજી ૨૦૨૬ પરીક્ષા માટે લગભગ ૪૦૦,૦૦૦ ઉમેદવારોએ તેમના પ્રવેશ કાર્ડ ડાઉનલોડ કર્યા છે. “અમને ખબર છે કે તમારામાંથી કેટલાકને તમારા પ્રવેશ કાર્ડ પ્રાપ્ત કરવામાં ટેકનિકલ મુશ્કેલીઓ અથવા સર્વરમાં સમસ્યાનો સામનો કરવો પડી રહ્યો છે,” તેમાં કહેવામાં આવ્યું છે.
એનટીએએ વધુમાં જણાવ્યું હતું કે તેની ટીમો આ સમસ્યાઓના ઉકેલ માટે કામ કરી રહી છે. અમે તમારી સાથે ઉભા છીએ અને ખાતરી કરીશું કે બધા ઉમેદવારોને શકય તેટલી વહેલી તકે તેમના પ્રવેશ કાર્ડ પ્રાપ્ત થાય. કોઈપણ અસુવિધા બદલ અમને દિલગીર છે.”
એનટીએએ નીટ યુજી ૨૦૨૬ પુનઃપરીક્ષા માટે પ્રવેશ કાર્ડ બહાર પાડ્યા છે. ૨૧ જૂન, ૨૦૨૬ ના રોજ પુનઃપરીક્ષામાં બેસનારા ઉમેદવારો સત્તાવાર વેબસાઇટ,પરથી તેમના પ્રવેશ કાર્ડ ડાઉનલોડ કરી શકે છે.
નીટ યુજી પુનઃપરીક્ષા બપોરે ૨ઃ૦૦ થી ૫ઃ૧૫ વાગ્યા સુધી યોજાશે. ઉમેદવારોને સલાહ આપવામાં આવે છે કે તેઓ તેમના પ્રવેશપત્રો અગાઉથી ડાઉનલોડ કરે અને છેલ્લી ઘડીની કોઈપણ સમસ્યાઓ ટાળવા માટે તેમના પરની બધી માહિતી ચકાસે.
પ્રવેશપત્રમાં પરીક્ષા સંબંધિત મહત્વપૂર્ણ માહિતી હોય છે, જેમાં ઉમેદવારનું નામ, અરજી નંબર, રોલ નંબર, પરીક્ષા કેન્દ્ર, રિપોટીગ સમય, પરીક્ષા તારીખ અને અન્ય સૂચનાઓનો સમાવેશ થાય છે.
ઉમેદવારોએ દસ્તાવેજ ડાઉનલોડ કર્યા પછી બધી વિગતો કાળજીપૂર્વક તપાસવી જાઈએ. કોઈપણ સમસ્યાના કિસ્સામાં, તેઓએ સહાય માટે તાત્કાલિક એનટીએ હેલ્પ ડેસ્કનો સંપર્ક કરવો જાઈએ. હેલ્પલાઇન નંબરો ૦૧૧-૬૯૨૨૭૭૦૦, ૦૧૧-૪૦૭૫૯૦૦૦ છે.
