પશ્ચિમ એશિયાની વર્તમાન પરિસ્થિતિ ને ધ્યાનમાં લેતા, સંયુક્ત રાષ્ટÙએ ૨૦૨૬ માટે ભારતના આર્થિક વિકાસ આગાહી ૬.૬ ટકાથી ઘટાડીને ૬.૪ ટકા કરી છે. મંગળવારે યુનાઇટેડ નેશન્સ ડિપાર્ટમેન્ટ ઓફ ઇકોનોમિક એન્ડ સોશિયલ અફેર્સ દ્વારા બહાર પાડવામાં આવેલા એક અહેવાલ મુજબ, ભારત સૌથી ઝડપથી વિકસતા અર્થતંત્રોમાંનું એક છે. અહેવાલમાં જણાવાયું છે કે પશ્ચિમ એશિયા કટોકટીએ વૈશ્વિક અર્થતંત્રને વધુ એક ફટકો આપ્યો છે, જેમાં વૃદ્ધિ ધીમી પડી છે, ફુગાવાના દબાણમાં વધારો થયો છે અને અનિશ્ચિતતા સર્જાઈ છે. યુએન ડીઇએસએના આર્થિક વિશ્લેષણ અને નીતિ વિભાગની ગ્લોબલ ઇકોનોમિક મોનિટરિંગ શાખાના વરિષ્ઠ અર્થશાસ્ત્રી અને ઓફિસર-ઇન-ચાર્જ ઇન્ગો પિટરલે જણાવ્યું હતું કે ભારત વર્તમાન વૈÂશ્વક પડકારોથી “મુક્ત નથી”.
ઇંગો પિટરલે કહ્યું, “ભારત એક મુખ્ય ઉર્જા આયાતકાર છે અને રેમિટન્સ જેવા અન્ય ચેનલો પ્રત્યે પણ સંવેદનશીલ છે, જે કેટલીક મુશ્કેલીઓમાં ફાળો આપે છે. વધુમાં, વૈશ્વિક નાણાકીય કડકતા નાણાકીય નીતિને વધુ જટિલ બનાવશે.” પિટરલે સમજાવ્યું કે પશ્ચિમ એશિયા “આંચકો” બધા દેશોમાં વિકાસ પર બેવડી અસર કરી રહ્યો છે. તે માત્ર વૃદ્ધિ ઘટાડી રહ્યું નથી પરંતુ ફુગાવામાં પણ વધારો કરી રહ્યું છે, જેના કારણે નીતિગત જગ્યા મર્યાદિત થઈ રહી છે. તેમણે કહ્યું, “આ ભારત માટે પણ હશે. પ્રશ્ન એ છે કે કેન્દ્રીય બેંકો અને નાણાકીય સત્તાવાળાઓ આનો કેવી રીતે પ્રતિભાવ આપશે?”
જાકે, અહેવાલમાં જણાવાયું છે કે ભારત મુખ્ય અર્થતંત્રોમાં સૌથી ઝડપથી વિકસતું અર્થતંત્ર રહેશે, જેમાં ઉત્પાદન ૬.૪ ટકાના દરે વધવાની ધારણા છે. આ ૨૦૨૫ માં અંદાજવામાં આવેલા ૭.૫ ટકા કરતા નોંધપાત્ર રીતે ઓછું છે, જે “ઊર્જા આયાત ખર્ચમાં વધારો અને કડક નાણાકીય પરિસ્થિતિ ઓના દબાણ” ને પ્રતિબિંબિત કરે છે. પિટરલે કહ્યું, “ભારતે માળખાકીય રીતે ખૂબ જ મજબૂત વૃદ્ધિનો અનુભવ કર્યો છે, જે મજબૂત ગ્રાહક માંગ, જાહેર રોકાણ અને સેવા નિકાસ દ્વારા સંચાલિત છે. આ મુખ્ય પરિબળો મોટાભાગે ચાલુ રહેશે, તેથી ભારત સ્પષ્ટપણે વિશ્વની સૌથી ઝડપથી વિકસતી અર્થવ્યવસ્થાઓમાં રહેશે.”
અહેવાલમાં અંદાજ છે કે ૨૦૨૭ માં દેશનો વિકાસ દર ૬.૬ ટકા સુધી પહોંચી શકે છે. ભારતના વિકાસ આગાહી અંગેના પ્રશ્નના જવાબમાં, યુએન ડીઇએએસએ ખાતે આર્થિક વિશ્લેષણ અને નીતિ વિભાગના ડિરેક્ટર શાંતનુ મુખર્જીએ જણાવ્યું હતું કે નિકાસ પર આધાર રાખતા દેશો માટે, એ ધ્યાનમાં રાખવું મહત્વપૂર્ણ છે કે જ્યારે આયાત ખર્ચ વધે છે, ત્યારે નિકાસ પણ પ્રભાવિત થઈ શકે છે. રિપોર્ટમાં હવે ૨૦૨૬ માં વૈશ્વિક (કુલ સ્થાનિક ઉત્પાદન) વૃદ્ધિ ૨.૫ ટકા રહેવાનો અંદાજ છે. આ જાન્યુઆરીના અંદાજ કરતા ૦.૨ ટકા ઓછો છે.
