પશ્ચિમ બંગાળ વિધાનસભા ચૂંટણીના બીજા તબક્કામાં, સાત જિલ્લાઓમાં ૧૪૨ વિધાનસભા બેઠકો માટે આજે મારામારી તોડફોડ વચ્ચે ભારે મતદાન થયું છે સાંજના છ વાગ્યા સુધીમાં એકદરે ૯૦ ટકા મતદાન થયું છે.પશ્ચિમ બંગાળ વિધાનસભા ચૂંટણી માટે ચાલી રહેલા બીજા અને અંતિમ તબક્કાના મતદાન દરમિયાન મતદારોમાં ભારે ઉત્સાહ જોવા મળી રહ્યો છે. બપોરે ૩ઃ૦૦ વાગ્યા સુધીમાં રાજ્યમાં કુલ ૭૮.૬૮% મતદાન નોંધાયું છે. મતદારોએ ૧,૪૪૮ ઉમેદવારોનું ભાવી ઇવીએમ મશીનમાં સીલ કર્યું છે મતદાન દરમિયાન કડક સુરક્ષા વ્યવસ્થા કરવામાં આવી હતી. અર્ધલશ્કરી દળોની ૨,૩૪૩ કંપનીઓ તૈનાત કરવામાં આવી હતી અને ૩૦૦ થી વધુ નિરીક્ષકો પણ તૈનાત કરવામાં આવ્યા હતા.
પશ્ચિમ બંગાળના મુખ્યમંત્રી અને ભવાનીપુરથી ટીએમસી ઉમેદવાર મમતા બેનર્જીએ ચૂંટણી પ્રક્રિયા અને કેન્દ્રીય દળોને દોષી ઠેરવતા કહ્યું, “ગઈ રાતથી, તેઓએ અત્યાચાર શરૂ કરી દીધા છે અને અમારા ઘણા લોકોની ધરપકડ કરવામાં આવી છે. આ કોર્ટનો તિરસ્કાર છે. મેં પહેલાં ક્યારેય લોકશાહીનો આ પ્રકારનો દેખાવ જાયો નથી… તૃણમૂલ જીતી રહી છે.” તેમણે કહ્યું, સીઆરપીએફ આવો અત્યાચાર કરી શકે નહીં. કોઈપણ બૂથ પર રાજ્ય પોલીસની હાજરી નથી. તેઓએ (કેન્દ્રીય દળો) બધું જ પોતાના કબજામાં લઈ લીધું છે. તેઓએ સરહદની સુરક્ષા કરવી જાઈએ, પરંતુ તેના બદલે તેઓ એક ચોક્કસ રાજકીય પક્ષનું રક્ષણ કરી રહ્યા છે.” મમતાએ કહ્યું, “મેં પહેલાં ક્્યારેય આવું કંઈ જોયું નથી. હું ૧૯૮૪ થી ચૂંટણી લડી રહી છું, પરંતુ આ અત્યાચાર ભયાનક છે. સીઆરપીએફ કર્મચારીઓ અને કેન્દ્રીય નિરીક્ષકો લોકોને માર મારી રહ્યા છે; તેઓએ મહિલાઓ અને બાળકોને પણ બક્ષ્યા નથી.” આ અત્યાચાર ગઈ રાતથી શરૂ થયો. અમારા ઘણા લોકોને અટકાયતમાં લેવામાં આવ્યા છે.” તેમણે કહ્યું, “અમારી જીત નિશ્ચિત છે, તૃણમૂલ કોંગ્રેસ જીતી રહી છે.”
મતદાન દરમિયાન ઉત્તર દમ દમ નગરપાલિકાના વોર્ડ નંબર ૬ માં તૃણમૂલના એક નેતા પર ભાજપ કાર્યકરને માર મારવાનો આરોપ છે. એવો આરોપ છે કે ઉત્તર દમ દમ યુવા પ્રમુખ પીકુએ ભાજપ કાર્યકર અર્પણ પાલ પર હુમલો કર્યો હતો. ભાજપ કાર્યકર કહે છે કે જ્યારે પીકુ આવ્યો ત્યારે તે બૂથ સેન્ટરથી લગભગ ૧૦૦ મીટર દૂર ઉભો હતો, તેને એક કળણવાળા વિસ્તારમાં લઈ ગયો અને ઝાડની ડાળીથી તેને ગંભીર રીતે માર માર્યો.
કોલકાતાના એન્ટાલી વિધાનસભા મતવિસ્તારમાં અશાંતિના અહેવાલો છે. ભાજપના ઉમેદવાર પ્રિયંકા તિબ્રેવાલે ટીએમસી પોલિંગ એજન્ટો અંગે હંગામો મચાવ્યો. પ્રિયંકાએ બૂથની અંદર બેઠેલા ટીએમસી એજન્ટોને બહાર ફેંકી દીધા, જેના પછી પરિસ્થિતિ વધુ વણસી. એક મહિલા ટીએમસી સમર્થકે પ્રિયંકા તિબ્રેવાલે સાથે દલીલ કરવાનું શરૂ કર્યું, અને બંનેએ સેન્ટ્રલ ફોર્સના કર્મચારીઓ સામે શબ્દોની આપ-લે કરી. પ્રિયંકા તિબ્રેવાલે કહ્યું કે પોલિંગ એજન્ટો બૂથની અંદર બેસી શકતા ન હતાં
ઉત્તર ૨૪ પરગણામાં ભાજપના ઉમેદવાર આવતાની સાથે જ ટીએમસીના સભ્યોએ હોબાળો શરૂ કરી દીધો. રત્ના દેબનાથ લોકોના જૂથ સાથે મતદાન મથક પર પહોંચ્યા, જેના કારણે ટીએમસીના સભ્યોએ સૂત્રોચ્ચાર કર્યા અને હોબાળો મચાવ્યો. તેમણે આરોપ લગાવ્યો કે તે મતદારોને ડરાવવા માટે બહારના લોકો સાથે આવી હતી. જ્યારે પરિસ્થિતિ કાબુ બહાર થઈ ગઈ, ત્યારે કેન્દ્રીય દળોએ હસ્તક્ષેપ કરવો પડ્યો. ટીએમસી અને ભાજપના કાર્યકરો એકબીજા સાથે અથડાયા. ઘણા પ્રયાસો પછી જ તેઓ અલગ થઈ ગયા.
દક્ષિણ ૨૪ પરગણા જિલ્લાની ફાલતા બેઠક પર ફરીથી મતદાન થઈ શકે છે. ભાજપે મતદાનમાં ગેરરીતિનો આરોપ લગાવ્યો છે, જેના પગલે ચૂંટણી પંચે કહ્યું છે કે જા કોઈ ગેરરીતિ થઈ છે, તો ફરીથી મતદાન કરવામાં આવશે.
ભાજપ ઉમેદવાર સુવેન્દુ અધિકારી એક મતદાન મથકે નિરીક્ષણ માટે આવ્યા હતા. ત્યાં તેમને ટીએમસી સમર્થકોએ ઘેરી લીધા હતા. દક્ષિણ ૨૪ પરગણામાં મતદાન હિંસાથી પ્રભાવિત થયું છે. ભાજપના ઉમેદવાર વિકાસ સરદારે ટીએમસી કાર્યકરો પર ખૂની હુમલો કરવાનો આરોપ લગાવ્યો છે. ભાજપના ઉમેદવારે આરોપ લગાવ્યો છે કે ટીએમસી સભ્યોએ તેમની કારને નુકસાન પહોંચાડ્યું હતું અને તેમના સુરક્ષા ગાર્ડની રાઇફલ પણ છીનવી લીધી હતી.
મમતા બેનર્જીની ભવાનીપુર બેઠક પર બમ્પર મતદાન થયું છે ભવાનીપુરમાં મમતા સામે ભાજપના સુવેન્દુ અધિકારી ચૂંટણી લડી રહ્યા છે. ગત ચૂંટણીમાં, સુવેન્દુએ નંદીગ્રામમાં મમતાને હરાવ્યા હતા. આ વખતે પણ, સુવેન્દુ ફરીથી મમતાને હરાવવાનો દાવો કરી રહ્યા છે. દરમિયાન, કોલકાતા પોર્ટ દક્ષિણ કોલકાતાની બીજી હાઇ-પ્રોફાઇલ બેઠક છે
અહેવાલો અનુસાર, હાવડા-બાલી વિધાનસભા મતવિસ્તારમાં મતદાન દરમિયાન તણાવ ફાટી નીકળ્યો. ડોન બોસ્કો લીલુઆહ સોહન લાલ વિદ્યાલય મતદાન મથક પર જ્યારે ઈવીએમ મશીન તૂટી પડ્યું. મશીનોએ
મતદાન પ્રક્રિયામાં વિક્ષેપ પાડ્યો અને મતદારો ઉશ્કેરાઈ ગયા, જેના કારણે પરિસ્થિતિ વધુ ગંભીર બની ગઈ. પરિસ્થિતિ ખરાબ થઈ ગઈ હતી. બૂથ નંબર ૧૫૨, ૧૫૩ અને ૧૫૪ પર પણ ખલેલ અને હોબાળાના અહેવાલો પ્રકાશમાં આવ્યા છે. સેન્ટ્રલ હાવડા જૈન વિદ્યાલય સ્થિત બૂથ નંબર ૧૩૧ પર ઈવીએમ મશીન ખરાબ થયાના અહેવાલો પણ છે.
પરિસ્થિતિને કાબુમાં લેવા માટે, તૈનાત કેન્દ્રીય સુરક્ષા દળોએ લાઠીચાર્જ કરવો પડ્યો. હાવડા પોલીસ કમિશનરેટના અધિકારીઓએ તાત્કાલિક હસ્તક્ષેપ કરીને પરિસ્થિતિને કાબુમાં લીધી. આ ઘટનામાં બે લોકોની ધરપકડ કરવામાં આવી હતી. ઘટના સ્થળે મોટી પોલીસ દળ તૈનાત કરવામાં આવ્યું હતું. વહીવટીતંત્રે ખાતરી આપી છે કે પરિસ્થિતિ હવે નિયંત્રણમાં છે અને મતદાન પ્રક્રિયા સરળતાથી ચાલી રહી છે. તેને પૂર્ણ કરવા માટે જરૂરી પગલાં લેવામાં આવી રહ્યા છે. કેન્દ્રીય દળોએ બૂથ નંબર ૧૫૨ પરથી એક યુવકની ધરપકડ કરી હતી, જે કથિત રીતે બૂથમાં ખલેલ પહોંચાડવાનો પ્રયાસ કરી રહ્યો હતો. કરી રહ્યો હતો. અન્ય એક યુવકની પણ ધરપકડ કરવામાં આવી છે.
પ્રિયંકા તિબ્રેવાલ, કોલકાતા એન્ટાલી મતવિસ્તારના ભાજપ ઉમેદવાર. કોલકાતાના એક મતદાન મથક પર મતદાન અધિકારીઓ અને સુરક્ષા કર્મચારીઓ વચ્ચે ઘર્ષણ થયું. અહેવાલો દર્શાવે છે કે બૂથ નાના હોવાથી તેમના મતદાન એજન્ટોને બહાર મોકલવામાં આવ્યા હતા, જેના કારણે તેમણે પોતાની નારાજગી વ્યક્ત કરી હતી. ટીએમસીના ચૂંટણી એજન્ટોએ પણ દલીલમાં ભાગ લીધો હતો, જેના કારણે બંનેને બહાર મોકલવામાં આવ્યા હતા.
આ વખતે, પશ્ચિમ બંગાળમાં બે તબક્કાનું મતદાન થયું. જ્યારે પ્રથમ તબક્કામાં ૯૩.૧૯ ટકા મતદાન થયું હતું, ત્યારે બીજા તબક્કામાં પણ ૯૦ ટકાથી વધુ મતદાન થયું છે આ સંદર્ભમાં, બંગાળમાં સરેરાશ મતદાન ૯૦ ટકાથી વધુ રહ્યું છે, જે બંગાળની અગાઉની બધી ચૂંટણીઓ કરતા વધારે છે.
૨૦૨૬ પહેલા બંગાળમાં સૌથી વધુ મતદાન ૨૦૧૧ માં નોંધાયું હતું, જ્યારે રાજ્યમાં ૮૪.૩૩ ટકા મતદાન નોંધાયું હતું. આ એવી ચૂંટણી હતી જેણે ૩૪ વર્ષ શાસન કર્યા પછી બંગાળમાં ડાબેરી મોરચાના વર્ચસ્વનો અંત લાવ્યો, અને તૃણમૂલ કોંગ્રેસ પહેલી વાર સત્તામાં આવી. ત્યારબાદ મમતા બેનર્જી બંગાળના મુખ્યમંત્રી બન્યા.
રસપ્રદ વાત એ છે કે, બંગાળમાં અગાઉ ૧૯૯૬ અને ૨૦૦૬માં ૮૦ ટકાથી વધુ મતદાન થયું હતું. મમતા બેનર્જીની ચૂંટણી જીત પછી, બંગાળમાં મતદાન સતત ૮૦ ટકાથી વધુ રહ્યું, પરંતુ મતદાનનો રેકોર્ડ અતૂટ રહ્યો.
૨૦૨૧માં બંગાળમાં આઠ તબક્કામાં મતદાન થયું હતું, જ્યારે ૨૦૨૬માં તે ફક્ત બે તબક્કામાં પૂર્ણ થયું હતું. જો આપણે ૨૦૨૬ના પહેલા અને બીજા તબક્કાના મતદાનની સરખામણી ૨૦૨૧માં સમાન બેઠકો પર થયેલા મતદાન સાથે કરીએ, તો સ્પષ્ટ થાય છે કે ૨૦૨૬માં બંને તબક્કામાં અગાઉના સમય કરતાં વધુ મતદાન થયું હતું. ૨૦૨૬ના પહેલા તબક્કામાં ૯૩.૧૯ ટકા મતદાન થયું હતું, જ્યારે બીજા તબક્કામાં લગભગ ૯૦ ટકા મતદાન થયું હતું. તેની સરખામણીમાં, ૨૦૨૧ માં, સમાન સંખ્યામાં બેઠકો (૨૦૨૬ ના પ્રથમ તબક્કામાં ૧૫૨ બેઠકો) પર ૮૩.૧૮ ટકા મતદાન થયું હતું અને (બીજા તબક્કામાં ૧૪૨ બેઠકો) પર ૮૧.૦૮ ટકા મતદાન થયું હતું. આ જ કારણ છે કે, જ્યારે બંગાળમાં ૨૦૨૬ માં ૯૦ ટકાથી વધુ મતદાન થયું હતું, ત્યારે ૨૦૨૧ માં કુલ ૮૨.૧૭ ટકા મતદાન થયું હતું.
