હવામાન વિભાગે જણાવ્યું છે કે ઉત્તર પશ્ચિમ, મધ્ય અને પશ્ચિમ ભારત સહિત દેશના મોટા ભાગોમાં નવેમ્બરમાં મહત્તમ તાપમાન સામાન્ય કરતાં ઓછું રહેવાની ધારણા છે.આઇએમડીના ડિરેક્ટર જનરલ મૃત્યુંજય મહાપાત્રાએ જણાવ્યું હતું કે દેશના મોટાભાગના ભાગોમાં મહત્તમ તાપમાન સામાન્યથી નીચે રહેવાની ધારણા છે. જ્યારે પશ્ચિમ હિમાલય ક્ષેત્ર, ઉત્તરપૂર્વ ભારત અને દક્ષિણ દ્વીપકલ્પના ભાગોમાં દિવસનું તાપમાન સામાન્યથી ઉપર રહેવાની ધારણા છે.મહાપાત્રાએ જણાવ્યું હતું કે મધ્ય અને પૂર્વીય વિષુવવૃત્તીય પ્રશાંત મહાસાગરમાં લા નીનાની સ્થિતિ નબળી છે. તેમણે કહ્યું કે લા નીનાની સ્થિતિ ડિસેમ્બર ૨૦૨૫ થી ફેબ્રુઆરી ૨૦૨૬ સુધી ચાલુ રહેવાની ધારણા છે.આઇએમડી વડાએ જણાવ્યું હતું કે ઉત્તરપશ્ચિમ ભારત અને દક્ષિણ દ્વીપકલ્પના કેટલાક વિસ્તારો સિવાય, જ્યાં નવેમ્બરમાં સામાન્યથી ઓછો વરસાદ થવાની ધારણા છે, દેશના મોટાભાગના ભાગોમાં સામાન્યથી વધુ વરસાદ પડવાની ધારણા છે.તાજેતરના દિવસોમાં રાજસ્થાનમાં અંધકારમય આકાશ અને તૂટક તૂટક વરસાદને કારણે લોકોને અસુવિધા થઈ રહી છે. છેલ્લા બે થી ત્રણ દિવસથી, કોટા અને ઉદયપુર વિભાગ સહિત રાજ્યના કેટલાક ભાગોમાં સતત ઝરમર વરસાદ અને સૂર્યપ્રકાશનો અનુભવ થઈ રહ્યો છે, ભેજમાં વધારો થયો છે અને દિવસના તાપમાનમાં ઘટાડો થયો છે. જાકે ,આઇએમડીએ ૫ નવેમ્બરથી પશ્ચિમ રાજસ્થાનમાં શુષ્ક હવામાનની આગાહી કરી છે, જે થોડી રાહત આપશે.ત્રણ હવામાન પ્રણાલીઓની સંયુક્ત અસરોને કારણે મધ્યપ્રદેશમાં હવામાન ખરાબ રહ્યું છે. પરિણામે, રાજ્યમાં આ મહિને વરસાદ પડી શકે છે. હવામાનશાસ્ત્રીઓ કહે છે કે નવેમ્બર ચોમાસાના વિદાય અને શિયાળાની શરૂઆત વચ્ચેનો સંક્રમણ સમયગાળો છે. મહાપાત્રાએ સમજાવ્યું, “નબળા લા નીના અને સક્રિય પશ્ચિમી વિક્ષેપના સંયોજનથી આગામી થોડા અઠવાડિયામાં તાપમાન અને વરસાદની પેટર્નમાં નોંધપાત્ર ફેરફાર થશે.નવેમ્બરમાં ઉત્તર ભારતમાં તાપમાનમાં ઘટાડો થવાથી ઠંડીમાં વધારો થઈ શકે છે. દિલ્હી અને ઉત્તર પ્રદેશ સહિત દેશભરના વિસ્તારોમાં પણ ધુમ્મસ રહેવાની શક્યતા છે.
