એશિયા કપ ૨૦૨૫ ની સૌથી મોટી મેચોમાંની એક,ભારત-પાકિસ્તાન, ૧૪ સપ્ટેમ્બરે એકબીજા સામે ટકરાશે. વિશ્વભરના લાખો લોકો આ મેચની રાહ જાઈ રહ્યા છે. દુબઈ ઈન્ટરનેશનલ સ્ટેડિયમમાં યોજાનારી આ મેચમાં કોનો હાથ ઉપર છે, કોની પાસે આ મેચ જીતવાની તાકાત છે તે જાણવા માટે, તમારે પહેલા બંને ટીમો વચ્ચેના આંકડા સમજવા પડશે.ભારત અને પાકિસ્તાન વચ્ચે અત્યાર સુધી કુલ ૧૩ ટી ૨૦ મેચ રમાઈ છે, જેમાંથી ભારતે ૯ મેચ જીતી હતી અને પાકિસ્તાને ૩ જીતી હતી. પાકિસ્તાને એશિયા કપમાં જ ભારત સામે છેલ્લી ૨૦ મેચ જીતી હતી. વર્ષ ૨૦૨૨ માં યોજાયેલી આ મેચમાં તેણે ભારતને ૫ વિકેટથી હરાવ્યું હતું. પરંતુ તે પછી યોજાયેલી બે મેચમાં ટીમ ઇન્ડિયાએ પાકિસ્તાનને હરાવ્યું હતું.એશિયા કપના વનડે ફોર્મેટની વાત કરીએ તો, બંને ટીમો વચ્ચે કુલ ૧૫ મેચ રમાઈ હતી, જેમાં પાકિસ્તાને ૫ જીતી હતી અને ભારતે ૮ મેચ જીતી હતી, ૨ મેચ અનિર્ણિત રહી હતી. તમને જણાવી દઈએ ફોર્મેટમાં એશિયા કપમાં ભારત સામે પાકિસ્તાનનો છેલ્લો વિજય વર્ષ ૨૦૧૪ માં થયો હતો. વર્તમાન સમયની વાત કરીએ તો, ભારતીય ટીમ પાકિસ્તાન કરતા ઘણી મજબૂત છે. ભારત વિશ્વની નંબર ૧ ટી ૨૦ ટીમ છે. વિશ્વના ટોચના ૨ બેટ્સમેન અભિષેક શર્મા અને તિલક વર્મા એશિયા કપમાં રમી રહ્યા છે. તેમના સિવાય સૂર્યકુમાર યાદવ, હાર્દિક પંડ્યા જેવા ખેલાડીઓ પણ ટીમમાં છે. જસપ્રીત બુમરાહ, અર્શદીપ સિંહ પણ ટીમમાં છે. વિશ્વના શ્રેષ્ઠ સ્પિનરોમાંના એક કુલદીપ યાદવ પણ શાનદાર ફોર્મમાં છે. તેમણે યુએઈ સામે માત્ર ૭ રન આપીને ૪ વિકેટ લઈને સનસનાટી મચાવી છે.પાકિસ્તાને એશિયા કપ પહેલા ટી ૨૦ ત્રિકોણીય શ્રેણીમાં પોતાની તાકાત બતાવી છે. તે અફઘાનિસ્તાનને હરાવીને ત્રિકોણીય શ્રેણીનો ચેમ્પિયન બન્યો. પાકિસ્તાને છેલ્લી પાંચ ટી૨૦ મેચમાંથી ચાર જીતી હતી. રસપ્રદ વાત એ છે કે પાકિસ્તાને આ બધી જીત પહેલા બેટિંગ કરીને મેળવી હતી. જો કે, તે દુબઈમાં છેલ્લી પાંચ મેચમાંથી ચાર હારી ગયું છે. હવે જાવાનું એ છે કે ટીમ ઇન્ડિયા સામે તેનું પ્રદર્શન કેવું રહે છે
