તમિલનાડુના ડિંડીગુલ જિલ્લામાં પ્રખ્યાત પલાની મુરુગન મંદિરની જમીન હડપ કરવાના પ્રયાસની તપાસ કરી રહેલી સીબી-સીઆઈડીએ ત્રણ વ્યક્તિઓની ધરપકડ કરી છે. આ ત્રણેય વ્યક્તિઓ પર મંદિરના પાર્કિંગ લોટને માત્ર ૨ કરોડ (આશરે ઇં૨૦ મિલિયન) માં પોતાના નામે બનાવટી દસ્તાવેજાનો ઉપયોગ કરીને રજીસ્ટર કરાવવાનો આરોપ છે.
ધરપકડ કરાયેલા વ્યક્તિઓની ઓળખ તિરુપુર જિલ્લાના મદાથુકુલામ તાલુકાના પપ્પનકુલમના ૬૦ વર્ષીય વેલ્લાઇથુરાઇ; ડિંડીગુલ જિલ્લાના પલાની તાલુકાના ગૌંડનકુલમ, એસીસી રોડના ૬૫ વર્ષીય
અનવર્દીન; અને વિલ્લુપુરમ જિલ્લાના કામરાજર નગર ૨જી ક્રોસ સ્ટ્રીટના સલામેડુના ૫૬ વર્ષીય મુરુગાદોસ તરીકે થઈ છે. સીબી-સીઆઈડીએ ભારતીય દંડ સંહિતાની કલમ ૩૧૮(૪), ૩૩૬(૩), ૩૪૦(૨), ૪૯, અને ૬૧(૨) હેઠળ ત્રણેય આરોપીઓ સામે કેસ નોંધ્યો છે.
નોંધનીય છે કે કૌભાંડ પ્રકાશમાં આવ્યા બાદ, તમિલનાડુ સરકારે રજિસ્ટ્રી રદ કરી હતી અને તે સમયે ફરજ પરના સબ-રજિસ્ટ્રાર જસ્ટીન મણિકંદનને સસ્પેન્ડ કરી દીધા હતા. ગયા મંગળવારે,સીબી સીઆઇડી ટીમે જસ્ટીનની પણ ઘણા કલાકો સુધી પૂછપરછ કરી હતી. આ કથિત ૧૦૦ કરોડના જમીન કૌભાંડની વધુ તપાસ ચાલુ છે.
વધુમાં, મદુરાઈમાં સેન્ટ્રલ ક્રાઈમ બ્રાન્ચે અરુલમિગુ મીનાક્ષી સુંદરેશ્વર મંદિરના સંયુક્ત કમિશનરની ફરિયાદના આધારે ૧૯ લોકો સામે fri નોંધી છે. ફરિયાદ અનુસાર, આરોપીઓએ કથિત રીતે મદુરાઈના ચોકીકુલમમાં એક મૂલ્યવાન મંદિરની મિલકતના લીઝને છેતરપિંડીથી ટ્રાન્સફર કરવાનું અને ગેરકાયદેસર મોર્ટગેજ ડીડ અને પાવર-ઓફ-એટર્ની નોંધણી મેળવવાનું કાવતરું ઘડ્યું હતું.
નોંધનીય છે કે આ મિલકત મૂળ રૂપે ૧૯૩૦ માં મંદિરની સખાવતી અને ધાર્મિક સેવાઓને ટેકો આપવા માટે કરવામાં આવેલી રજિસ્ટર્ડ વસિયતનામા હેઠળ મંદિરને દાનમાં આપવામાં આવી હતી. તપાસકર્તાઓનો આરોપ છે કે કેટલાક ખાનગી વ્યક્તિઓએ, મહેસૂલ અને સબ-રજિસ્ટ્રાર વિભાગના ભૂતપૂર્વ અધિકારીઓ સાથે મળીને, ગેરકાયદેસર વ્યવહાર પૂર્ણ કરવા માટે મહેસૂલ રેકોર્ડમાં છેડછાડ કરી હતી. અગાઉ, હિન્દુઓ માટે પવિત્ર આ ટેકરીને વકફ મિલકત હોવાનો દાવો કરવામાં આવતો હતો. આના કારણે તમિલનાડુના મદુરાઈમાં હિન્દુ સમુદાય દ્વારા ઉગ્ર વિરોધ પ્રદર્શનો થયા હતા.
