કાવેરી પાણી નિયમન સમિતિ દ્વારા તમિલનાડુ માટે પાણી છોડવાના આદેશ સામે કર્ણાટકના મંડ્યા અને મૈસુરુ જિલ્લામાં વિરોધ પ્રદર્શનો વધુ તીવ્ર બન્યા છે. શ્રીરંગપટ્ટનામાં મૈસુર-બેંગલુરુ હાઇવે પર કુવેમ્પુ સર્કલ ખાતે મશાલ ઝુંબેશ કાઢીને કાર્યકર્તા નનજુંડે ગૌડાના નેતૃત્વમાં ખેડૂતોએ સીડબ્લ્યુઆરસીના આદેશની નિંદા કરી.
રાજ્યમાં પાણીની અછતનો ઉલ્લેખ કરીને, પ્રદર્શનકારીઓએ કર્ણાટક સરકારને કોઈપણ સંજાગોમાં તમિલનાડુને પાણી ન છોડવા વિનંતી કરી. તેમણે ચેતવણી પણ આપી હતી કે જો સરકાર સીડબ્લ્યુઆરસીના પાણી છોડવાના નિર્દેશનું પાલન કરશે, તો તેઓ એક વિશાળ અને ઉગ્ર આંદોલન શરૂ કરશે.
નોંધનીય છે કે કન્નડ સંગઠનોએ સીડબ્લ્યુઆરસીના આદેશ સામે આજે (બુધવારે) કાવેરી ડેલ્ટા જિલ્લાઓ સહિત રાજ્યભરમાં વિરોધ પ્રદર્શનની પણ જાહેરાત કરવામાં આવી હતી
એ નોંધનીય છે કે કાવેરી જળ નિયમન સમિતિએ કેન્દ્ર સરકાર દ્વારા જૂન ૨૦૧૮ માં કર્ણાટક, તમિલનાડુ, પુડુચેરી અને કેરળ વચ્ચે કાવેરી નદીના પાણીની વહેંચણી અને નિયંત્રણની દેખરેખ માટે રચાયેલી સમિતિ છે. કાવેરી જળ નિયમન સમિતિ સુપ્રીમ કોર્ટના આદેશો અને કાવેરી જળ વિવાદ ટ્રિબ્યુનલના નિર્ણય અનુસાર જળાશયોમાંથી છોડવામાં આવનાર પાણીનું પ્રમાણ નક્કી કરે છે. તમિલનાડુમાં કાવેરી નદીના પાણીનું મહત્વ એ નોંધીને સમજી શકાય છે કે ૨૦૨૧ માં, જ્યારે ચોમાસા પહેલા કાવેરી નદી છલકાઈ ગઈ, ત્યારે મહિલાઓએ પાણી આગળ નમીને તેનું સ્વાગત કર્યું.
કાવેરી જળ વિવાદ કર્ણાટક અને તમિલનાડુ વચ્ચે કાવેરી નદીના પાણીની વહેંચણી અંગે લાંબા સમયથી ચાલતો કાનૂની અને રાજકીય વિવાદ છે. કેરળ અને પુડુચેરી પણ તેમાં સામેલ છે. કાવેરી નદી કર્ણાટકના કોડાગુ જિલ્લામાં પશ્ચિમ ઘાટના બ્રહ્મગિરિ ટેકરીઓમાંથી ઉદ્ભવે છે. તેનો †ોત તલકાવેરી છે, જે સમુદ્ર સપાટીથી આશરે ૧,૩૪૧ મીટરની ઊંચાઈ પર સ્થિત એક પહાડી ગામ છે. કાવેરી નદી કર્ણાટક અને તમિલનાડુમાંથી વહે છે, પછી તમિલનાડુમાં પુમપુહાર નજીક બંગાળની ખાડીમાં વહે છે.
