કચ્છના દરિયાકાંઠે મરીન કમાન્ડો દ્વારા સઘન પેટ્રોલિંગ અને ચેકિંગ હાથ ધરવામાં આવ્યું હતું. જખૌ સેક્ટરના સંવેદનશીલ વિસ્તારોમાં સુરક્ષા વ્યવસ્થાને વધુ મજબૂત બનાવવાના ભાગરૂપે આ ડ્રાઈવ યોજાઈ હતી.ડીવાયએસપી આર.એમ. ચૌધરીના નેતૃત્વ હેઠળ જખૌ સેક્ટરની મરીન કમાન્ડો ટીમે જખૌ બંદરથી મોહાડી, નિમલી વાંઢ, કેરવાંઢ અને કોશા સુધીના દરિયાકાંઠાના વિસ્તારોમાં સઘન ચેકિંગ કર્યું હતું.
દરિયાઈ સરહદને અડીને આવેલા સંવેદનશીલ વિસ્તારોમાં સુરક્ષા એજન્સીઓ દ્વારા સતત નજર રાખવામાં આવી રહી છે. પેટ્રોલિંગ દરમિયાન દરિયાકાંઠા તેમજ આસપાસના વિસ્તારોમાં થતી અવરજવર અને સંભવિત શંકાસ્પદ હિલચાલનું નિરીક્ષણ કરવામાં આવ્યું હતું.
ચેકિંગ દરમિયાન મરીન કમાન્ડોની ટીમે સ્થાનિક માછીમારો સાથે વાતચીત કરી હતી. દરિયામાં કોઈ અજાણી વ્યક્તિ, શંકાસ્પદ બોટ અથવા અસામાન્ય હિલચાલ જાવા મળે તો તાત્કાલિક સુરક્ષા તંત્રને જાણ કરવા માછીમારોને સૂચના આપવામાં આવી હતી.દરિયાઈ માર્ગે થતી કોઈપણ અસામાન્ય પ્રવૃત્તિ સામે સતર્ક રહેવા અને સુરક્ષા એજન્સીઓને સહકાર આપવા પણ અપીલ કરવામાં આવી હતી.કચ્છ દરિયાકાંઠાની સુરક્ષા આંતરરાષ્ટÙીય સરહદ નજીકના ભૌગોલિક સ્થાનને કારણે અત્યંત મહત્વપૂર્ણ છે. આ વિસ્તારમાં દરિયાઈ માર્ગે થતી અવરજવર પર નજર રાખવા માટે મરીન કમાન્ડોની ટીમો દ્વારા પેટ્રોલિંગ વધારવામાં આવ્યું છે.મરીન ટાસ્ક ફોર્સના અમિત વિશ્વકર્મા,ડીઆઇજીપી એ.એમ. મુનિયા અને એસ.પી. એસ.જે. પરમારના માર્ગદર્શન હેઠળ રાજ્યના વિવિધ દરિયાઈ વિસ્તારોમાં સુરક્ષા ડ્રાઈવનું આયોજન કરવામાં આવ્યું છે.
દરિયાઈ સુરક્ષા વ્યવસ્થાને વધુ અસરકારક બનાવવા માટે સુરક્ષા એજન્સીઓ દ્વારા દરિયાકાંઠાના સંવેદનશીલ વિસ્તારોમાં નિયમિત પેટ્રોલિંગ અને ચેકિંગ કરવામાં આવી રહ્યું છે.મરીન કમાન્ડોનું પેટ્રોલિંગ, સ્થાનિક માછીમારો સાથે સંકલન અને શંકાસ્પદ પ્રવૃત્તિઓ અંગે તાત્કાલિક માહિતી મેળવવાની વ્યવસ્થા દરિયાઈ સુરક્ષામાં મહત્વની ભૂમિકા ભજવી રહી છે.આ ડ્રાઈવનો મુખ્ય હેતુ દરિયાઈ સરહદ પર સુરક્ષા વ્યવસ્થા મજબૂત બનાવવી અને કોઈપણ સંભવિત અસામાન્ય પ્રવૃત્તિ સામે અગાઉથી તકેદારી રાખવાનો છે.
