પશ્ચિમ બંગાળ સરકારે અભિનેતા મિથુન ચક્રવર્તીને માહિતી અને સાંસ્કૃતિક બાબતોના વિભાગમાં સલાહકાર તરીકે નિયુક્ત કર્યા છે. સરકારે તેમને કેબિનેટ મંત્રીનો દરજ્જા પણ આપ્યો છે. સૂચના અનુસાર, મિથુનને તાત્કાલિક અસરથી માહિતી અને સાંસ્કૃતિક બાબતોના વિભાગમાં સાંસ્કૃતિક સલાહકાર તરીકે નિયુક્ત કરવામાં આવ્યા છે. મુખ્યમંત્રી સુવેન્દુ અધિકારીએ તાજેતરમાં જાહેરાત કરી હતી કે મિથુન ચક્રવર્તીને પશ્ચિમ બંગાળ સરકારના સાંસ્કૃતિક સલાહકાર તરીકે નિયુક્ત કરવામાં આવશે.મિત્યુન ચક્રવર્તીની નિમણૂકની જાહેરાત મુખ્યમંત્રી સુવેન્દુ અધિકારી દ્વારા સુપ્રસિદ્ધ અભિનેતા ઉત્તમ કુમારના જન્મ શતાબ્દી ઉજવણી સંબંધિત એક કાર્યક્રમ દરમિયાન કરવામાં આવી હતી. રાજ્ય સરકાર આ ઉત્સવો દ્વારા બંગાળના ફિલ્મ વારસાને પ્રોત્સાહન આપવા અને રાજ્યને એક મુખ્ય સાંસ્કૃતિક અને સિનેમેટિક હબ તરીકે સ્થાપિત કરવા પર ભાર મૂકી રહી છે. સરકારે એક નવા અત્યાધુનિક થિયેટર સંકુલની યોજનાઓની પણ જાહેરાત કરી છે, જેમાં મુખ્યમંત્રીએ બંગાળના સાંસ્કૃતિક ઇકોસિસ્ટમને મજબૂત બનાવવાની અને ફિલ્મ ઉદ્યોગને વધુ ટેકો આપવાની જરૂરિયાત પર ભાર મૂક્્યો છે. તેથી ચક્રવર્તીની નિમણૂક માત્ર ભાજપ સાથેના તેમના રાજકીય જાડાણને કારણે જ નહીં પરંતુ તેમના લાંબા સમયથી ચાલતા સંબંધોને કારણે પણ મહત્વપૂર્ણ છે.
મિથુન ચક્રવર્તી લાંબા સમયથી પશ્ચિમ બંગાળના રાજકારણમાં સક્રિય છે. તેઓ ભાજપના મુખ્ય પ્રચારક હતા અને પાર્ટી માટે ચૂંટણી પ્રચારમાં ભાગ લીધો હતો. ૨૦૨૬ની પશ્ચિમ બંગાળ વિધાનસભા ચૂંટણી દરમિયાન, મિથુન ચક્રવર્તીએ ભાજપ માટે પ્રચાર કર્યો હતો. ચૂંટણીમાં, ભાજપે તૃણમૂલ કોંગ્રેસને હરાવી અને રાજ્યમાં સરકાર બનાવી, જેમાં સુવેન્દુ અધિકારી પશ્ચિમ બંગાળના પ્રથમ ભાજપ મુખ્યમંત્રી બન્યા.
