૨૦૨૭ ઉત્તર પ્રદેશ વિધાનસભા ચૂંટણીને લઈને રાજકીય ગતિવિધિઓ તેજ થઈ ગઈ છે. દરમિયાન, ઓલ ઈÂન્ડયા મજલિસ-એ-ઇત્તેહાદુલ મુસલમીન (એઆઇએમઆઇએમ)ના વડા અને હૈદરાબાદના સાંસદ અસદુદ્દીન ઓવૈસીએ યુપી ચૂંટણી માટે ગઠબંધન અંગે એક મોટું નિવેદન આપ્યું છે. કાનપુરમાં એક રેલી દરમિયાન, ઓવૈસીએ કહ્યું કે તેમની પાર્ટી ઉત્તર પ્રદેશ ચૂંટણી એકલા નહીં પણ ગઠબંધનમાં લડવા માંગે છે. તેમણે કહ્યું કે આ અંગે નિર્ણય ૨ ઓક્ટોબર સુધીમાં લેવામાં આવશે.કાનપુરના કેન્ટોનમેન્ટ વિસ્તારમાં બાબુપુરવા ઇદગાહ ગ્રાઉન્ડ ખાતે એક જાહેર સભાને સંબોધતા, ઓવૈસીએ કહ્યું કે એઆઇએમઆઇએમ કોઈપણ સંભવિત રાજકીય ગઠબંધનની જાહેરાત કરતા પહેલા ૨ ઓક્ટોબર સુધી રાહ જાશે. તેમણે વિપક્ષી પક્ષોને એક સાથે આવવાનું આહ્વાન કર્યું. તેમણે કહ્યું, ” એઆઇએમઆઇએમએ સ્પષ્ટ કરી દીધું છે કે અમે નથી ઇચ્છતા કે ભાજપ ઉત્તર પ્રદેશમાં ત્રીજી વખત સરકાર બનાવે. અમે બધા રાજકીય પક્ષોને કહ્યું છેઃ જા તમે ભાજપને સત્તામાં પાછા ફરતા રોકવા માંગતા હો, તો એઆઇએમઆઇએમ સાથે હાથ મિલાવીને આવો. સાથે મળીને, અમે ‘બાબા’ને ફરીથી ઉત્તર પ્રદેશના મુખ્યમંત્રી બનતા અટકાવીશું.”
તેમણે કહ્યું, “જા કોઈ પણ રાજકીય પક્ષના સભ્યો મારા વારંવારના નિવેદનોને નબળાઈના સંકેત તરીકે અર્થઘટન કરે છે, તો હું તેમને પૂરા આદર સાથે કહેવા માંગુ છું કે આ મૌન તોફાન પહેલાની શાંતિ છે. આને નબળાઈ ન સમજા… અમે તમારી સાથે હાથ મિલાવવા તૈયાર છીએ. બિહાર ચૂંટણી દરમિયાન જ્યારે અમે છ બેઠકો માંગી હતી જેથી અમે સાથે ચૂંટણી લડી શકીએ ત્યારે તમે મારી ઓફરને નકારી કાઢી હતી. પરંતુ તમે અમારી મજાક ઉડાવી અને અને મારા પર ખોટા આરોપો લગાવ્યા.”ઓવૈસીએ આગળ કહ્યું, “અખિલેશ યાદવે તેમની પાર્ટીના ૩-૪ મુસ્લિમ સાંસદોને સીમાંચલ મોકલ્યા… છતાં, સીમાંચલના લોકોએ તમારા જૂઠાણાનો જવાબ તેમની એકતાથી આપ્યો. તેઓએ તમારા આરોપોનો જવાબ તેમના રાજકીય સ્થાનને મજબૂત બનાવવા માટે તેમના મતદાનના અધિકારનો મજબૂત રીતે ઉપયોગ કરીને આપ્યો. તમે કિશનગંજ, કટિહાર અને અરરિયામાં તમારા મુÂસ્લમ સાંસદોને મેદાનમાં ઉતાર્યા, પરંતુ હું સીમાંચલની પુત્રીઓ, માતાઓ અને બહેનોને સલામ કરું છું. તેઓએ આ લોકોના જૂઠાણાને ઓળખી કાઢ્યા અને કહ્યું, ‘અસદુદ્દીન ઓવૈસી અમારા ભાઈ, અમારા પુત્ર, અમારા નેતા છે; અમે તેમની પાર્ટીને મત આપીશું.’ તો, હું ફક્ત આટલું જ કહી શકું છુંઃ ચૂંટણી પછી રડશો નહીં… આપણે ૨ ઓક્ટોબર સુધી રાહ જાઈશું, અને પછી, આપણે જેની સાથે પણ ગઠબંધન કરીશું, આપણે તે દિવસે તેની જાહેરાત કરીશું અને તેમની સાથે મળીને યુપી ચૂંટણી લડીશું.”
