‘તારક મહેતા કા ઉલ્ટા ચશ્મા’ અભિનેતા શૈલેષ લોઢાની પુત્રી સ્વરા લોઢાના થોડા દિવસો પહેલા લગ્ન થયા હતા, અને લગ્નના ફોટા અને વીડિયો ઓનલાઈન ફરતા થઈ રહ્યા છે. શૈલેષ લોઢાની પુત્રીના લગ્ન મુંબઈના બાંદ્રા સ્થિત તાજ લેન્ડ્સ એન્ડ હોટેલમાં થયા હતા, જ્યાં દેશભરની અનેક અગ્રણી હસ્તીઓએ હાજરી આપી હતી. ફિલ્મ સ્ટાર્સ પણ હાજર રહ્યા હતા. જાકે લગ્ન મીડિયાની હાજરી વિના થયા હતા, ત્યાં હાજર મહેમાનોએ સોશિયલ મીડિયા પર લગ્ન સમારોહની ઝલક શેર કરી છે. આ વાયરલ વીડિયોમાં, ‘તારક મહેતા’ તેમની પુત્રીના લગ્નમાં ગાતા જાવા મળે છે.
ગાયકો કૈફ સાબરી અને હમઝા સાબરીએ શૈલેષ લોઢાની પુત્રીના લગ્નમાં પર્ફોર્મ કર્યું હતું, જેની એક ઝલક તેમણે ઇન્સ્ટાગ્રામ પર શેર કરી હતી. ગાયકોએ સમારોહની અંદરના વીડિયો પોસ્ટ કર્યા હતા જે સોશિયલ મીડિયા પર ખૂબ પસંદ કરવામાં આવી રહ્યા છે. આ વીડિયોમાં, ગાયક સાથે, ‘તારક મહેતા’ ફેમ શૈલેષ લોઢા પણ ગાતા, નાચતા અને તેમની પુત્રીના ખાસ દિવસની ઉજવણી કરતા જાવા મળે છે. દરમિયાન, ઇન્ટરનેટ યુઝર્સે ઉજવણીના વીડિયોમાં ભારતના પ્રવાસન મંત્રી ગજેન્દ્ર સિંહ શેખાવતને પણ જાયા છે. શૈલેષ હવે “તારક મહેતા કા ઉલ્ટા ચશ્મા” નો ભાગ નથી, અને આ વીડિયોમાં શોના અન્ય કોઈ કલાકારો દેખાતા નથી. શૈલેષે હજુ સુધી તેની પુત્રીના લગ્નના કોઈ ફોટા કે વીડિયો સોશિયલ મીડિયા પર શેર કર્યા નથી.
“તારક મહેતા કા ઉલ્ટા ચશ્મા” છોડ્યા પછી, શૈલેષ લોઢા ઘણા શોમાં હોસ્ટ તરીકે દેખાયા હતા. તેમનો છેલ્લો ફિક્શન શો “એડવોકેટ અંજલી અવસ્થી” હતો, જેમાં તેમણે એડવોકેટ રમેશ પટેલની ભૂમિકા ભજવી હતી. જાકે, નબળા ટીઆરપી રેટિંગને કારણે, નિર્માતાઓએ આ વર્ષના મે મહિનામાં શો બંધ કરી દીધો. હાલમાં, શૈલેષે સત્તાવાર રીતે કોઈ નવા પ્રોજેક્ટની જાહેરાત કરી નથી જેના પર તે કામ કરી રહ્યો છે.
