પંજાબના પટિયાલા જિલ્લામાં રાજપુરા અને શંભુ રેલ્વે સ્ટેશનો વચ્ચે ડેડિકેટેડ ફ્રેઇટ કોરિડોર રેલ્વે લાઇન પર ગઈકાલે મોડી રાત્રે એક શક્તિશાળી વિસ્ફોટ થયો. વિસ્ફોટથી વિસ્તારમાં વ્યાપક ગભરાટ ફેલાયો. અહેવાલો દર્શાવે છે કે વિસ્ફોટ એટલો શક્તિશાળી હતો કે તેનો અવાજ દૂર દૂર સુધી સંભળાયો, જેનાથી આસપાસના વિસ્તારોમાં ગભરાટ ફેલાઈ ગયો.
ઘટનાની માહિતી મળતાં, રેલવે પ્રોટેક્શન ફોર્સ આરપીએફ, જીઆરપી અને સ્થાનિક પોલીસના વરિષ્ઠ અધિકારીઓ ભારે પોલીસ દળ સાથે ઘટનાસ્થળે પહોંચ્યા. હાલમાં, કોઈ નુકસાનના અહેવાલ નથી, પરંતુ મોટા ષડયંત્રની શંકા વ્યક્ત કરવામાં આવી રહી છે. સુરક્ષા એજન્સીઓને એલર્ટ કરવામાં આવી છે. તેમણે સમગ્ર વિસ્તારને સીલ કરી દીધો છે અને તપાસ શરૂ કરી છે.
નોંધનીય છે કે હાલમાં, આ ઘટનામાં કોઈ નુકસાનના કોઈ અહેવાલ નથી. જાકે, રેલવે ટ્રેક પરની આ ઘટનાને કોઈ મોટા આતંકવાદી કાવતરા અથવા ટ્રેકને નુકસાન પહોંચાડવાના પ્રયાસ સાથે જાડી શકાય છે. ગુપ્તચર એજન્સીઓ આ ઘટના પાછળ કોઈનો હાથ છે કે કેમ તે તપાસ કરી રહી છે. થોડા દિવસ પહેલા, ચંદીગઢના સેક્ટર ૩૭ માં પંજાબ ભાજપ કાર્યાલયની બહાર પા‹કગમાં વિસ્ફોટ થયો હતો.
સોમવારે સાંજે, ગુરદાસપુરમાં ગીતા મંદિર રોડ બજારમાં વિસ્ફોટક જેવી શંકાસ્પદ વસ્તુ મળી આવતાં ખળભળાટ મચી ગયો હતો. પોલીસે વિસ્તારને ઘેરી લીધો હતો. એક દુકાનદારના જણાવ્યા મુજબ, મોટરસાઇકલ પર આવેલા કેટલાક અજાણ્યા માણસો દુકાનની બહાર કંઈક ફેંકી ભાગી ગયા હતા. માહિતી મળતાં, પોલીસ ટીમ ઘટનાસ્થળે પહોંચી હતી.
કોઈને પણ પ્રવેશ ન મળે તે માટે સમગ્ર વિસ્તારને સીલ કરી દેવામાં આવ્યો છે. પોલીસ અધિક્ષક ડીકે ચૌધરીએ જણાવ્યું હતું કે તેઓ હજુ પણ તપાસ કરી રહ્યા છે કે આ વસ્તુ ખરેખર વિસ્ફોટક છે કે બીજું કંઈક. પોલીસ હાલમાં આ બાબતની તપાસ કરી રહી છે અને રહેવાસીઓની પૂછપરછ કરી રહી છે.
નોંધનીય છે કે આ વર્ષે થોડા મહિના પહેલા, પંજાબના ફતેહગઢ સાહિબ જિલ્લામાં માલગાડી લાઇન પર મોડી રાત્રે એક શક્તિશાળી વિસ્ફોટ થયો હતો. સરહિંદ વિસ્તારમાં રાત્રે ૧૧ વાગ્યાની આસપાસ થયેલા આ વિસ્ફોટમાં રેલવે ટ્રેકનો લગભગ ૧૫ ફૂટ ભાગ સંપૂર્ણપણે ઉડી ગયો હતો, જ્યારે પસાર થતી માલગાડીના એન્જિનને પણ નુકસાન થયું હતું. આ ઘટનામાં માલગાડીના લોકો પાયલોટ ઘાયલ થયા હતા.
