સુપ્રીમ કોર્ટે નવા યુજીસી નિયમો વિરુદ્ધ દાખલ કરાયેલી અરજી પર કેન્દ્ર સરકાર,યુજીસી અને અન્ય લોકો પાસેથી જવાબ માંગતી નોટિસ જારી કરી છે. કોર્ટે તેને મૂળ અરજી સાથે પણ ટેગ કરી છે. આ અરજી ભારતીય ક્ષત્રિય મહાસભાના રાષ્ટÙીય અધ્યક્ષ અને ભૂતપૂર્વ સંસદ સભ્ય કુંવર હરિવંશ સિંહ દ્વારા દાખલ કરવામાં આવી હતી. અરજીમાં સરકાર પર યુજીસી દ્વારા સમાજને વિભાજીત કરવાનો આરોપ મૂકવામાં આવ્યો છે. અરજદારે એમ પણ જણાવ્યું છે કે જાતિ ભેદભાવ ફક્ત અનામત શ્રેણીઓમાં જ નહીં પરંતુ કોઈપણ શ્રેણીમાં થઈ શકે છે. તેથી, તે ચોક્કસ સમુદાયો સુધી મર્યાદિત ન હોવો જાઈએ.
૨૯ જાન્યુઆરીના રોજ, સુપ્રીમ કોર્ટે યુજીસી (ઉચ્ચ શિક્ષણ સંસ્થાઓમાં સમાનતાનો પ્રચાર) નિયમો પર સ્ટે આપ્યો હતો, જે ૧૩ જાન્યુઆરીના રોજ સૂચિત કરવામાં આવ્યા હતા. કોર્ટે જણાવ્યું હતું કે આ નિયમો “મુખ્યત્વે અસ્પષ્ટ” હતા અને તેના “વ્યાપક પરિણામો” આવી શકે છે. કોર્ટે એમ પણ કહ્યું હતું કે તે સમાજમાં વિભાજન તરફ દોરી શકે છે. આ નિયમોથી સમગ્ર દેશમાં ભારે વિરોધ થયો.
તાજેતરમાં, રાજપૂત કરણી સેનાએ યુજીસી (ઉચ્ચ શિક્ષણ સંસ્થાઓમાં સમાનતાનો પ્રચાર) નિયમો, ૨૦૨૬ સામે જયપુરમાં વિરોધ પ્રદર્શન કર્યું હતું, તેને પાછો ખેંચવાની માંગ કરી હતી. સંગઠનના પ્રમુખ, મહિપાલ સિંહ મકરાણાએ જણાવ્યું હતું કે સંગઠન યુવાનો સાથે અન્યાય થવા દેશે નહીં. દેશના ઘણા ભાગોમાં અને શૈક્ષણિક સંસ્થાઓમાં આ નિયમો સામે વિરોધ પ્રદર્શનો થયા છે.
અરજીઓમાં વાંધો ઉઠાવવામાં આવ્યો છે કે નિયમો જાતિ આધારિત ભેદભાવને ફક્ત અનુસૂચિત જાતિ, અનુસૂચિત જનજાતિ અને અન્ય પછાત વર્ગના સભ્યો સામેના ભેદભાવ તરીકે વ્યાખ્યાયિત કરે છે. નવા યુજીસી નિયમોના વિરોધીઓ દલીલ કરે છે કે આ કાયદામાં ભેદભાવની વ્યાખ્યા એવું દર્શાવે છે કે જાતિ આધારિત ભેદભાવ ફક્ત એસસી,એસટી અનેઓબીસી સામે જ થાય છે. સામાન્ય શ્રેણીના વિદ્યાર્થીઓને કોઈ સંસ્થાકીય સુરક્ષા પૂરી પાડવામાં આવતી નથી, ન તો તેમના માટે કોઈ ફરિયાદ નિવારણ વ્યવસ્થા છે.
