વંદે માતરમ અંગે કોંગ્રેસ નેતાઓ સોનિયા ગાંધી અને રાહુલ ગાંધી વિરુદ્ધ પોલીસ ફરિયાદ દાખલ કરવામાં આવી છે. સુપ્રીમ કોર્ટના વકીલ શુભમ શર્મા દ્વારા ૧૬ ઓગસ્ટના રોજ દિલ્હીના આઈપી એસ્ટેટ પોલીસ સ્ટેશનમાં ફરિયાદ દાખલ કરવામાં આવી હતી. આ ફરિયાદ ૧૫ ઓગસ્ટના રોજ કોંગ્રેસ મુખ્યાલયમાં આયોજિત સ્વતંત્રતા દિવસના કાર્યક્રમ સાથે સંબંધિત છે.ફરિયાદમાં આરોપ મૂકવામાં આવ્યો છે કે “વંદે માતરમ” ગાતી વખતે સોનિયા ગાંધીએ ઈશારા કર્યા હતા જે સૂચવે છે કે તેમને ગીત ચાલુ રાખવા સામે વાંધો છે. ફરિયાદમાં રાહુલ ગાંધીના એક વીડિયોનો પણ ઉલ્લેખ છે, જેમાં તેઓ કથિત રીતે કહેતા જાવા મળે છે કે, “અમે વંદે માતરમ નથી ગાતા.”
ફરિયાદીએ તપાસ અને બંને પક્ષો સામે એફઆઈઆર નોંધવાની માંગણી કરી છે. ફરિયાદમાં રાષ્ટÙગીત ગાવાથી ઇરાદાપૂર્વક અટકાવવા અથવા કાર્યક્રમમાં ખલેલ પહોંચાડવા સંબંધિત કાનૂની જાગવાઈઓનો પણ ઉલ્લેખ કરવામાં આવ્યો છે. શુભ શર્માએ માંગ કરી છે કે પોલીસ આ મામલાની નિષ્પક્ષ રીતે તપાસ કરે અને જવાબદાર લોકો સામે કાર્યવાહી કરે.
આ ફરિયાદ અંગે ડીસીપી સેન્ટ્રલનું નિવેદન બહાર પાડવામાં આવ્યું છે. પોલીસ વિભાગે જણાવ્યું હતું કે, “૧૫ ઓગસ્ટ, ૨૦૨૬ ના રોજ કોંગ્રેસ મુખ્યાલયમાં આયોજિત સ્વતંત્રતા દિવસની ઉજવણી દરમિયાન વંદે માતરમ ગાતી વખતે બનેલી કથિત ઘટના અંગે ફરિયાદની તપાસ કરવામાં આવી રહી છે.”આ દરમિયાન, ભાજપ યુવા મોરચાના ઓડિશા એકમે રવિવારે ખારવેલ નગર પોલીસ સ્ટેશનમાં કોંગ્રેસ પ્રમુખ મલ્લિકાર્જુન ખડગે, સોનિયા ગાંધી અને રાહુલ ગાંધી વિરુદ્ધ સ્વતંત્રતા દિવસની ઉજવણી દરમિયાન વંદે માતરમનું અપમાન કરવા બદલ ફરિયાદ નોંધાવી હતી.ભાજપ યુવા મોરચાના પ્રદેશ પ્રમુખ અભિલાષ પાંડાએ જણાવ્યું હતું કે પાર્ટીએ કોંગ્રેસ નેતાઓ વિરુદ્ધ રાષ્ટÙગીતનું “અપમાન” કરવા અને ગાવામાં અવરોધ ઊભો કરવા બદલ કાર્યવાહીની માંગ કરી છે. પાંડાએ આરોપ લગાવ્યો હતો કે, “વંદે માતરમનું અપમાન કરીને અને તેના ગાનમાં અવરોધ ઊભો કરીને, તેમણે સજાપાત્ર ગુનો કર્યો છે.”જાકે, કોંગ્રેસ પાર્ટીએ આરોપને ફગાવી દીધો છે, અને કહ્યું છે કે રાષ્ટÙગીતને રોકવાનો કોઈ પ્રયાસ કરવામાં આવ્યો નથી. પાર્ટીએ કહ્યું કે સોનિયા ગાંધી ખડગે માટે ફક્ત ખુરશી માંગી રહ્યા હતા, કારણ કે તેઓ થોડા સમય માટે ઉભા હતા.આ દરમિયાન, ભાજપના ભુવનેશ્વર જિલ્લા એકમના કાર્યકરોએ રાજ્ય પાર્ટી કાર્યાલયથી માસ્ટર કેન્ટીન સ્ક્વેર ખાતે કોંગ્રેસ ભવન સુધી મૌન કૂચ યોજી હતી. ભાજપના કાર્યકરોએ આરોપ લગાવ્યો હતો કે કોંગ્રેસના નેતાઓના વર્તનથી દેશભરના લોકોની લાગણીઓને ઠેસ પહોંચી છે.
