બિહાર વિધાનસભા ચૂંટણી પછી, રાજ્યમાં રાજકીય સમીકરણો ઝડપથી બદલાઈ રહ્યા છે.રાજદમાંથી હાંકી કાઢવામાં આવેલી રીતુ જયસ્વાલ ભાજપ માં જાડાઈ ગઈ છે. ભાજપના પ્રદેશ પ્રમુખ સંજય સરાવગીએ તેમને પાર્ટીનું સભ્યપદ આપ્યું. રીતુ જયસ્વાલ આરજેડી મહિલા પાંખના પ્રમુખ રહી ચૂક્્યા છે. તેમણે શિવહરથી આરજેડી ટિકિટ પર છેલ્લી લોકસભા ચૂંટણી લડી હતી.
પરિહારથી ટિકિટ નકારવામાં આવી, અપક્ષ તરીકે ચૂંટણી લડી
રીતુ જયસ્વાલ લાંબા સમયથી આરજેડીનો એક અગ્રણી ચહેરો રહી ચૂક્યા છે. તેમને મુખિયા દીદી તરીકે ઓળખવામાં આવે છે. જોકે, છેલ્લા કેટલાક મહિનાઓથી તેઓ પાર્ટી નેતૃત્વ (ખાસ કરીને તેજસ્વી યાદવ) થી નાખુશ હતા. આ અસંતોષનું મુખ્ય કારણ ૨૦૨૫ ની બિહાર વિધાનસભા ચૂંટણીમાં પરિહાર બેઠક પરથી ટિકિટનો ઇનકાર હતો. ટિકિટ ન મળવાથી ગુસ્સે ભરાયેલા રીતુએ પાર્ટી સામે બળવો કર્યો અને અપક્ષ તરીકે ચૂંટણી લડી, જાકે તેઓ હારી ગયા. આ અનુશાસનહીનતાને પગલે, આરજેડી નેતૃત્વએ તેમને છ વર્ષ માટે પાર્ટીમાંથી હાંકી કાઢ્યા.
ભાજપમાં જોડાયા બાદ, રીતુ જયસ્વાલે વડા પ્રધાન નરેન્દ્ર મોદી અને કેન્દ્ર સરકારની નીતિઓની પ્રશંસા કરી. પાર્ટી સભ્યપદ લીધા પછી, તેણીએ કહ્યું, “ભાજપ રાષ્ટ્રને પ્રથમ રાખે છે. વડા પ્રધાન દેશ માટે સારું કામ કરી રહ્યા છે.”
આ દરમિયાન, રીતુ જયસ્વાલે તેજસ્વી પર કટાક્ષ કરતા કહ્યું, “વડાપ્રધાનની યોજનાઓ છેવાડાના માનવી સુધી પહોંચે છે. આજથી, હું ભાજપ નેતા છું. હું ભાજપમાં જાડાઈ કારણ કે હું વડા પ્રધાન નરેન્દ્ર મોદી અને કેન્દ્ર સરકાર દ્વારા અમલમાં મુકવામાં આવતી યોજનાઓથી ખૂબ ખુશ છું.”
