યમનમાં હુથી બળવાખોરો અને સાઉદી અરેબિયા વચ્ચે તણાવ વધી રહ્યો છે. હુથી દળોએ યમનના એડનમાં અલ-માશિક રાષ્ટÙપતિ મહેલને નિશાન બનાવ્યો. હુમલામાં બે સુરક્ષા કર્મચારીઓ માર્યા ગયા અને છ અન્ય ઘાયલ થયા. અલ અરેબિયા અનુસાર, યમનના યુવા મંત્રી, નાયફ સાલેહ અલ-બકરીએ જણાવ્યું હતું કે એડનમાં હાજર તમામ કેબિનેટ મંત્રીઓ સુરક્ષિત છે. તેમણે સ્પષ્ટતા કરી કે હુમલા છતાં, સરકારી સભ્યો શહેર છોડશે નહીં.આ હુમલો એવા સમયે થયો છે જ્યારે હુથી ચળવળ અને સાઉદી અરેબિયા વચ્ચે લશ્કરી સંઘર્ષ વધી રહ્યો છે. એક દિવસ પહેલા, હુથીઓએ સાઉદી અરેબિયાના ઉર્જા સ્થાપનો અને રિયાધ આંતરરાષ્ટÙીય વિમાનમથકને નિશાન બનાવવાનો દાવો કર્યો હતો.
હુથી લશ્કરી પ્રવક્તા યાહ્યા સરીએ દાવો કર્યો હતો કે જૂથે બેલીસ્તિક મિસાઇલો, ક્રુઝ મિસાઇલો અને ડ્રોનનો ઉપયોગ કરીને સાઉદી અરેબિયામાં અનેક લક્ષ્યો પર હુમલો કર્યો હતો. સોશિયલ મીડિયા પ્લેટફોર્મ ઠ પર જાહેર કરાયેલા એક નિવેદનમાં, સરીએ જણાવ્યું હતું કે આ હુમલાઓમાં પૂર્વીય પ્રાંતમાં સાઉદી અરામકો સુવિધાઓ, રાસ તનુરા રિફાઇનરી અને રિયાધના કિંગ ખાલિદ આંતરરાષ્ટÙીય વિમાનમથકને નિશાન બનાવવામાં આવ્યા હતા. હુથી પ્રવક્તાના જણાવ્યા અનુસાર, આ હુમલાઓમાં લક્ષિત સ્થળોએ વિનાશ અને આગ લાગી હતી. જા કે, આ દાવાઓની સ્વતંત્ર રીતે પુષ્ટિ થઈ નથી.સરીએ ચેતવણી આપી હતી કે સાઉદી અરેબિયા સામે હુથી કાર્યવાહી આગામી દિવસોમાં ચાલુ રહેશે. તેમણે એરપોર્ટ અને તેલ સ્થાપનોને સંભવિત લક્ષ્યો તરીકે વર્ણવ્યા હતા, આંતરરાષ્ટÙીય શિપિંગ કંપનીઓ, નાગરિકો અને સંબંધિત સુવિધાઓ પર કામ કરતા કર્મચારીઓને આ સ્થળોથી દૂર રહેવાની સલાહ આપી હતી. હુથીઓએ આ સ્થળોને તેમના સશ† દળો માટે “કાયદેસર લક્ષ્યો” તરીકે વર્ણવ્યા હતા.વધતા તણાવ વચ્ચે, સાઉદી-નેતૃત્વ ગઠબંધને મંગળવારે યમનની રાજધાની સનામાં હુથી-નિયંત્રિત પ્રદેશમાં સ્થિત યમન ઓઇલ કંપનીના અલ-સબાહ સેન્ટ્રલ સ્ટેશનને ખાલી કરવાનો આદેશ આપ્યો. ગઠબંધનના પ્રવક્તા મેજર જનરલ તુર્કી અલ-મલિકીએ નાગરિકોને સંભવિત લશ્કરી કાર્યવાહી પહેલા પરિસર છોડી દેવા વિનંતી કરી. તેમણે સોશિયલ મીડિયા પ્લેટફોર્મ એકસ પર સાઇટનો પ્રતીકાત્મક નકશો પણ શેર કર્યો.
આ દરમિયાન, સાઉદી-નેતૃત્વ ગઠબંધને દક્ષિણપશ્ચિમ સાઉદી અરેબિયામાં ખામિસ મુશૈત તરફ છોડવામાં આવેલી બે બેલિÂસ્ટક મિસાઇલોને અટકાવવાનો દાવો કર્યો હતો. તેણે રિયાધની ઉત્તરે ત્રણ માનવરહિત હવાઈ વાહનો (ડ્રોન) ને નિષ્ક્રિય કરવાનો પણ અહેવાલ આપ્યો હતો. દરમિયાન, હુથીઓએ સાઉદી જાસૂસી વિમાનને તોડી પાડવાનો દાવો કર્યો હતો. આ દાવાઓની સ્વતંત્ર રીતે પુષ્ટિ પણ થઈ નથી.યમનમાં તાજેતરના વિકાસથી પ્રાદેશિક સુરક્ષા, ઉર્જા પુરવઠા અને દરિયાઈ વેપાર અંગે ચિંતાઓ વધી છે. ખાસ કરીને લાલ સમુદ્ર અને બાબ અલ-મંડેબ સ્ટ્રેટની સુરક્ષા અંગે ચિંતા વ્યક્ત કરવામાં આવી છે, જે આંતરરાષ્ટ્રીય દરિયાઈ વેપાર માટે મહત્વપૂર્ણ જળમાર્ગ છે.એ નોંધનીય છે કે યમનમાં સંઘર્ષ ૨૦૧૪ માં વધ્યો હતો જ્યારે હુથીઓએ રાજધાની સના પર કબજા કર્યો હતો અને આંતરરાષ્ટ્રીય સ્તરે માન્યતા પ્રાપ્ત સરકારને સત્તા પરથી ઉથલાવી દીધી હતી. ત્યારબાદ, ૨૦૧૫ માં, સાઉદીની આગેવાની હેઠળના ગઠબંધને યમનની સરકારના સમર્થનમાં લશ્કરી હસ્તક્ષેપ કર્યો હતો.
