મહિલા ટી ૨૦ વર્લ્ડ કપ ૨૦૨૬ ની પહેલી મેચ ઈંગ્લેન્ડ મહિલા અને શ્રીલંકા મહિલા વચ્ચે રમાઈ હતી. ઈંગ્લેન્ડે ૮૭ રનથી જીત મેળવીને ટુર્નામેન્ટની ધમાકેદાર શરૂઆત કરી. ટોસ જીતીને પહેલા બેટિંગ કરવાનો નિર્ણય લેનાર ઈંગ્લેન્ડે ડેની ડબલ્યુ-હોજની સદીની મદદથી ૨૧૯ રન બનાવ્યા. ડેનીએ ૬૨ બોલમાં ૧૩ ચોગ્ગા અને ૧ છગ્ગાની મદદથી ૧૦૫ રનની અણનમ ઇનિંગ રમી. ૨૧૯ રનના લક્ષ્યનો પીછો કરતા શ્રીલંકાની ટીમ ૧૩૨ રનમાં ઓલઆઉટ થઈ ગઈ. આ મેચમાં ઈંગ્લેન્ડે મહિલા ટી૨૦ વર્લ્ડ કપમાં સૌથી વધુ સ્કોર બનાવીને ઇતિહાસ રચ્યો.
આ મેચમાં, ઈંગ્લેન્ડે ૨૦ ઓવર સુધી બેટિંગ કર્યા પછી એક વિકેટ ગુમાવીને ૨૧૯ રન બનાવ્યા. આ મહિલા ટી૨૦ વર્લ્ડ કપના ઇતિહાસમાં સૌથી વધુ સ્કોર છે. આ સંદર્ભમાં, ઈંગ્લેન્ડે પોતાનો જ રેકોર્ડ તોડ્યો. અગાઉ, આ ટુર્નામેન્ટના ઇતિહાસમાં સૌથી વધુ સ્કોરનો રેકોર્ડ ઈંગ્લેન્ડના નામે હતો. તેમની ટીમે ૨૦૨૩માં પાકિસ્તાન સામે બેટિંગ કરતી વખતે પાંચ વિકેટ ગુમાવીને ૨૧૩ રન બનાવ્યા હતા. દક્ષિણ આફ્રિકા યાદીમાં ત્રીજા ક્રમે છે. ૨૦૨૦માં થાઈલેન્ડ સામે ૧૯૫/૩ રન બનાવ્યા હતા. ૨૦૧૮ના વર્લ્ડ કપમાં ન્યૂઝીલેન્ડ સામે ૧૯૪/૫ સાથે ટીમ ઈન્ડીયા આ યાદીમાં ચોથા ક્રમે છે.
આઈસીસી મહિલા ટી૨૦ વર્લ્ડ કપ ૨૦૨૬ની શરૂઆતની મેચમાં ઈંગ્લેન્ડ અને શ્રીલંકા વચ્ચે જારદાર મુકાબલો જાવા મળ્યો હતો, જેમાં બંને ટીમોએ સંયુક્ત રીતે ૩૫૧ રન બનાવ્યા હતા. મહિલા ટી૨૦ વર્લ્ડ કપના ઇતિહાસમાં આ એક જ મેચમાં બે ટીમો દ્વારા બનાવેલ બીજા સૌથી મોટો સ્કોર છે. આ સંદર્ભમાં પહેલો સ્કોર ૨૦૧૮માં ભારત અને ન્યુઝીલેન્ડ વચ્ચેનો છે, જ્યાં બંને ટીમોએ સંયુક્ત રીતે ૩૫૪ રન બનાવ્યા હતા. જા શ્રીલંકાએ આ મેચમાં માત્ર ચાર વધુ રન બનાવ્યા હોત, તો ભારત અને ન્યુઝીલેન્ડનો સૌથી વધુ સ્કોરનો વિશ્વ રેકોર્ડ તૂટી ગયો હોત.
ઈંગ્લેન્ડની યુવા બોલર ફ્રેયા કેમ્પે ટી૨૦ વર્લ્ડ કપ ડેબ્યૂમાં શાનદાર પ્રદર્શન કર્યું હતું, જેમાં ચાર વિકેટ લીધી હતી. તે ટી ૨૦ વર્લ્ડ કપમાં ડેબ્યૂમાં ચાર વિકેટ લેનારી વિશ્વની ત્રીજી અને ઇંગ્લેન્ડની બીજી મહિલા ખેલાડી બની. તેના પહેલા, ઇંગ્લેન્ડની ડેની વ્યાટે ૨૦૧૦ માં તેના પહેલા વર્લ્ડ કપ મેચમાં ચાર વિકેટ લીધી હતી. વધુમાં, ભારતની ડાયના ડેવિડનો પણ આ ખાસ યાદીમાં સમાવેશ થાય છે, જેણે ૨૦૧૦ માં ન્યુઝીલેન્ડ સામેની તેની ડેબ્યૂ મેચમાં ચાર વિકેટ લીધી હતી.
