મહારાષ્ટ્રના શિક્ષણવિદ્ અશોક વિખે પાટીલની પુત્રી નીલા વિખે પાટીલ સ્વીડનમાં સંસદ સભ્ય તરીકે ચૂંટાઈ આવી છે. ૪૧ વર્ષીય ગ્રીન પાર્ટીના નેતા ૧૩ સપ્ટેમ્બરના રોજ યોજાયેલી રાષ્ટ્રીય ચૂંટણીમાં સ્ટોકહોમ સિટી મતવિસ્તારમાંથી સંસદ સભ્ય તરીકે ચૂંટાયા હતા. દેશની ડાબેરી વિપક્ષી પાર્ટીએ ૧૭૬ બેઠકોની પાતળી બહુમતી મેળવી ત્યારે તેમણે સ્વીડનની ૩૪૯ સભ્યોની સંસદ (રિક્સડાગ)માં પ્રવેશ કર્યો. ચૂંટણી જીત્યા પછી, નીલા વિખેએ કહ્યું, “૩૪૯ સભ્યોની સંસદનો ભાગ બનવું સારું લાગે છે. હું શહેર અને દેશના વિકાસમાં યોગદાન આપવા આતુર છું. હું એવા લોકો માટે અવાજ બનવા માંગુ છું જેઓ મતદાન કરી શકતા નથી. હું એવા સમાજના નિર્માણમાં યોગદાન આપવા માંગુ છું જ્યાં દરેક બાળકને સારા ભવિષ્યની તક મળે. આપણને સ્વચ્છ પાણી, જીવંત પ્રકૃતિ અને માનવસર્જિત કુદરતી આફતોને ઓછી કરવા માટે રહેવા યોગ્ય ગ્રહની જરૂર છે.”
સ્વીડનમાં જન્મેલી નીલા વિખે પાટિલે પોતાના શરૂઆતના વર્ષો મહારાષ્ટÙના અહમદનગરમાં વિતાવ્યા. તે એશિયાની પ્રથમ સહકારી ખાંડ ફેક્ટરીના સ્થાપક વિઠ્ઠલરાવ વિખે પાટિલના પ્રપૌત્રી અને સ્વર્ગસ્થ કેન્દ્રીય મંત્રી બાળાસાહેબ વિખે પાટિલના પૌત્રી છે. નીલા વિખે મહારાષ્ટ્ર ભાજપના નેતા અને મંત્રી રાધાકૃષ્ણ વિખે પાટિલના ભત્રીજી છે. તેણીએ અર્થશા† અને કાયદામાં સ્નાતકની ડિગ્રી અને ગોથેનબર્ગ સ્કૂલ ઓફ બિઝનેસમાંથી એમબીએ કર્યું છે. તેણીએ મેડ્રિડની કોમ્પ્લુટેન્સ યુનિવર્સિટીમાંથી એમબી પણ કર્યું છે.
તેણીએ અગાઉ સ્ટેફન લોફવેન વહીવટ દરમિયાન સ્વીડિશ વડા પ્રધાન કાર્યાલયમાં રાજકીય સલાહકાર તરીકે કામ કર્યું હતું, જ્યાં તેણીએ નાણા, કરવેરા અને આવાસ પર ધ્યાન કેન્દ્રિત કર્યું હતું. તેણીએ સ્ટોકહોમ સિટી કાઉન્સીલના સભ્ય તરીકે પણ સેવા આપી છે. નીલા વિખે છેલ્લા ૨૫ વર્ષથી ગ્રીન પાર્ટી સાથે સંકળાયેલી છે અને સ્ટોકહોમ ગ્રીન પાર્ટીની ચૂંટણી સમિતિની સભ્ય છે. ૨૦૨૦ થી, તેણી પ્રાઇસવોટરહાઉસકૂપર્સમાં કાર્યરત છે, જે એક વૈશ્વિક વ્યાવસાયિક સેવાઓ નેટવર્ક છે, જ્યાં તેણી વ્યૂહરચના, સંચાલન, ટેકનોલોજી અને જાખમ સલાહકારમાં સામેલ છે. એપ્રિલ ૨૦૨૫ માં, તેણી ચાર્ટર્ડ પબ્લિક એકાઉન્ટન્ટ બની.સ્વીડિશ ચૂંટણી સત્તામંડળ અનુસાર, ૧૩ સપ્ટેમ્બરની ચૂંટણીમાં સ્વીડનના ડાબેરી વિરોધ પક્ષે પાતળી બહુમતી મેળવી હતી. દેશની સંસદ, રિક્સડાગમાં ૩૪૯ બેઠકોમાંથી ચાર વિરોધ પક્ષોએ ૧૭૬ બેઠકો જીતી હતી. આઉટગોઇંગ રૂઢિચુસ્ત સરકારને ટેકો આપનારા અથવા તેની સાથે જાડાણ કરનારા ચાર પક્ષોએ ૧૭૩ બેઠકો જીતી હતી.
