બિહારના મુખ્યમંત્રી સમ્રાટ ચૌધરીની અધ્યક્ષતામાં બુધવારે રાજ્ય મંત્રીમંડળની બેઠક મળી. બેઠકમાં કુલ ૨૨ દરખાસ્તોને મંજૂરી આપવામાં આવી હતી, જેમાં રાજ્યમાં ગ્રીનફિલ્ડ સેટેલાઇટ ટાઉનશીપનો વિકાસ, ચાર મુખ્ય કોરિડોર સાથે રિજનલ રેપિડ ટ્રાન્જિટ સિસ્ટમ યોજના, સરકારી ઇમારતો પર ૫૦૦ મેગાવોટના રૂફટોપ સોલાર પ્લાન્ટની સ્થાપના અને મત્સ્યઉદ્યોગ માળખાના વિકાસ માટે નવી કંપનીની રચના જેવા મહત્વપૂર્ણ નિર્ણયોનો સમાવેશ થાય છે.
કેબિનેટ વિભાગના અધિક મુખ્ય સચિવ, અરવિંદ કુમાર ચૌધરીએ બેઠક બાદ મીડિયા સાથે વાત કરતા જણાવ્યું હતું કે રાજ્યમાં ગ્રીનફિલ્ડ સેટેલાઇટ ટાઉનશીપના આયોજિત વિકાસ માટે નામાંકન ધોરણે અમદાવાદ Âસ્થત સેન્ટર ફોર એન્વાયર્નમેન્ટલ પ્લાનિંગ એન્ડ ટેકનોલોજી એડવાઇઝરી ફાઉન્ડેશનને ટેકનિકલ સપોર્ટ યુનિટ તરીકે પસંદ કરવા માટે મંજૂરી આપવામાં આવી છે. તેમણે જણાવ્યું હતું કે સીઇપીટી પ્રસ્તાવિત સેટેલાઇટ ટાઉનશીપ પ્રોજેક્ટ્સ માટે આયોજન, વ્યૂહાત્મક માર્ગદર્શન, નીતિ સહાય, પ્રોજેક્ટ અમલીકરણનું નિરીક્ષણ અને નિયમનકારી અને સંસ્થાકીય માળખાને મજબૂત બનાવવામાં મદદ કરશે.
ચૌધરીએ જણાવ્યું હતું કે આ પહેલ વિવિધ વિભાગો વચ્ચે વધુ સારા સંકલન સ્થાપિત કરવામાં પણ ભૂમિકા ભજવશે, જે પ્રોજેક્ટ્સને સમયસર પૂર્ણ કરવામાં મદદ કરશે. અધિક મુખ્ય સચિવના જણાવ્યા મુજબ, સરકાર માને છે કે આ પહેલ રાજ્યમાં આધુનિક શહેરી વિકાસને વેગ આપશે, અને નવા સેટેલાઇટ ટાઉનશીપના વિકાસથી ઉદ્યોગ, વેપાર, આવાસ, શિક્ષણ અને અન્ય સેવાઓના નવા કેન્દ્રો સ્થાપિત થશે.
તેમણે જણાવ્યું હતું કે આનાથી રોજગારની તકો વધશે, રોકાણ આકર્ષિત થશે અને સંતુલિત અને આયોજિત શહેરી વિકાસને પ્રોત્સાહન મળશે, સાથે સાથે રાજ્યના અર્થતંત્રમાં માળખાકીય ફેરફારો આવશે. અધિક મુખ્ય સચિવે જણાવ્યું હતું કે કેબિનેટે રાજ્યના ચાર મુખ્ય કોરિડોરઃ પટણા-ગયા, પટણા-બેગુસરાય, પટણા-હાજીપુર-સોનપુર અને પટણા-આરા પર પ્રાદેશિક ઝડપી પરિવહન પ્રણાલીના વિકાસ માટે વૈકÂલ્પક વિશ્લેષણ અહેવાલ અને વિગતવાર પ્રોજેક્ટ અહેવાલ તૈયાર કરવાના પ્રસ્તાવને પણ મંજૂરી આપી હતી. તેમણે જણાવ્યું હતું કે આ કાર્યનો ખર્ચ આશરે ૩૧.૫૯ કરોડ થશે.
ચૌધરીએ જણાવ્યું હતું કે કેબિનેટે આગામી પાંચ વર્ષમાં રાજ્યમાં સરકારી ઇમારતો પર ૫૦૦ મેગાવોટની કુલ ક્ષમતાવાળા ગ્રીડ-કનેક્ટેડ રૂફટોપ સોલાર પ્લાન્ટ્સ સ્થાપિત કરવાની યોજનાને પણ મંજૂરી આપી છે. આ યોજના ઇઈજીર્ઝ્રં મોડેલ હેઠળ નાણાકીય વર્ષ ૨૦૨૫-૨૬ થી ૨૦૨૯-૩૦ સુધી લાગુ કરવામાં આવશે. આ યોજના હેઠળ, એક ખાનગી એજન્સી પોતાના ખર્ચે સૌર ઉર્જા પ્લાન્ટ સ્થાપિત કરશે, અને સરકાર તેમાંથી વીજળી ખરીદશે. તેમણે કહ્યું કે સંબંધિત વિભાગોને ડેવલપર સાથે પાવર પરચેઝ એગ્રીમેન્ટ કરવા માટે પણ મંજૂરી આપવામાં આવી છે.
સરકાર માને છે કે આ યોજના સરકારી ઇમારતો માટે વીજળી ખર્ચ ઘટાડશે, સ્વચ્છ ઉર્જાના ઉપયોગને પ્રોત્સાહન આપશે અને રાજ્યમાં નવીનીકરણીય ઉર્જાના વિસ્તરણને વેગ આપશે.આરઇએસસીઓમોડેલ હેઠળ, સરકારે પ્રારંભિક મૂડી રોકાણ કરવાની જરૂર રહેશે નહીં. ખાનગી કંપની પ્લાન્ટ સ્થાપિત કરશે અને તેનું સંચાલન કરશે અને સરકારને નિશ્ચિત દરે વીજળી પૂરી પાડશે.
