પાકિસ્તાન ક્રિકેટ ટીમ આગામી ટી ૨૦ વર્લ્ડ કપ ૨૦૨૬ પહેલા તેની તૈયારીઓનું પરીક્ષણ કરવા માટે ઓસ્ટ્રેલિયા સામે ઘરેલુ મેદાન પર ત્રણ મેચની ટી ૨૦ શ્રેણી રમશે.પીસીબીએ આ શ્રેણી માટે ટીમોની જાહેરાત કરી દીધી છે, જેમાં મોટાભાગની નજર વર્લ્ડ કપમાં રમનારા ખેલાડીઓના પ્રદર્શન પર કેન્દ્રિત છે. સૌથી વધુ ચર્ચામાં રહેનાર નામોમાંનું એક બાબર આઝમ છે, જેણે તાજેતરમાં ઓસ્ટ્રેલિયામાં રમાઈ રહેલી ફ્રેન્ચાઇઝી-આધારિત બિગ બેશ લીગમાં સિડની સિક્સર્સ માટે રમ્યો હતો, અને તેનું પ્રદર્શન અપેક્ષાઓ મુજબ નહોતું. દરમિયાન, ઓસ્ટ્રેલિયા સામેની ટી ૨૦ શ્રેણીના એક દિવસ પહેલા યોજાયેલી પ્રેસ કોન્ફરન્સ દરમિયાન, પાકિસ્તાની ટીમના કેપ્ટન સલમાન આગાને આ વિશે પૂછવામાં આવતા તે થોડા ગુસ્સે ભરાયા હતા.
પાકિસ્તાની ટીમ લાહોરના ગદ્દાફી સ્ટેડિયમમાં ઓસ્ટ્રેલિયા સામેની ત્રણ મેચની ટી ૨૦ શ્રેણીની બધી મેચ રમશે. પ્રેસ કોન્ફરન્સમાં બાબર આઝમના ફોર્મ વિશે પૂછવામાં આવતા, પાકિસ્તાની કેપ્ટન સલમાન આગાએ કહ્યું, “મારી એકમાત્ર ઇચ્છા છે કે એક દિવસ હું પ્રેસ કોન્ફરન્સમાં આવું અને બાબર વિશે કોઈ પ્રશ્ન ન પૂછવામાં આવે.” મારા કહેવાનો અર્થ એ છે કે ટીમમાં ૧૧ કે ૧૪ અન્ય ખેલાડીઓ છે. તમે તેમના વિશે પણ પ્રશ્નો પૂછી શકો છો. તમે બાબરને બહાર રાખી શકો છો અને તેને બેટિંગ કરવા દો. તે હાલમાં ખૂબ સારી બેટિંગ કરી રહ્યો છે, અને બિગ બેશ લીગમાં તેના ફોર્મની વાત કરીએ તો, ભલે તેણે તેની ટીમ માટે અપેક્ષા મુજબ સારું પ્રદર્શન કર્યું ન હોય, તે આપણા માટે ખૂબ સારું રમી રહ્યો છે અને પોતાની ભૂમિકા સારી રીતે નિભાવી રહ્યો છે. મારા માટે આ સૌથી મહત્વપૂર્ણ બાબત છે. બિગ બેશ લીગમાં જે બન્યું તેનો આપણા સાથે કોઈ સંબંધ નથી.
બિગ બેશ લીગ ૨૦૨૫-૨૬ માં, બાબર આઝમને સિડની સિક્સર્સ તરફથી રમવાની તક મળી, જ્યાં તેણે કુલ ૧૧ મેચ રમી, પરંતુ તેમાંથી કોઈ પણમાં તે એવી ઇનિંગ રમી શક્યો નહીં જેના વખાણ થાય. ૧૧ બીબીએલ મેચોમાં બાબરની બેટિંગ એવરેજ ફક્ત ૨૨.૪૪ હતી, જેમાં તેણે કુલ ૨૦૨ રન બનાવ્યા. બાબર આઝમે ફાઇનલ પહેલા ટીમ છોડી દીધી, જેના કારણે પીસીબીને તેની પ્રતિષ્ઠા બચાવવા માટે દરમિયાનગીરી કરવાની ફરજ પડી અને તેને રાષ્ટÙીય શિબિરનું કારણ ટાંકીને પાકિસ્તાન બોલાવવાની ફરજ પડી.
