ખાલિદા ઝિયાના જનાજામાં ભારત તરફથી વિદેશ મંત્રી એસ. જયશંકર સામેલ થવા માટે બાંગ્લાદેશ પહોંચ્યા છે. આ અવસર પર પાકિસ્તાનના નેશનલ અસેમ્બલી સ્પીકર અયાઝ સાદિક પણ બાંગ્લાદેશના પૂર્વ પ્રધાનમંત્રીને અલવિદા કહેવા આવ્યા છે. આ દરમિયાન બંને દેશોના પ્રતિનિધિઓનો આમનો સામનો થયો અને આ નજારો જોવા લાયક હતો. ગમગીન માહોલમાં બંને ખાલિદા ઝિયાના દીકરા તારિક રહમાન સાથે મુલાકાત કરી. બાદમાં ભારતીય અને પાકિસ્તાન એનએ સ્પીકરે બંને એકબીજાનું સન્માન કરતા મીટ-ગ્રીટની ઔપચારિકતા પૂરી કરી. ભારત-પાકિસ્તાન તણાવની વચ્ચે આ મુલાકાત બહુ મોટી વાત માનવામાં આવી રહી છે.
ખાલિદા ઝિયાના જનાજા પર સામેલ થવા માટે કેટલાય દેશોના પ્રતિનિધિ પહોંચ્યા હતા. ભારત તરફથી તેમને શ્રદ્ધાંજલિ આપવા માટે જયશંકર પહોંચ્યા હતા, જ્યારે પાકિસ્તાન તરફથી નેશનલ અસેમ્બલી સ્પીકર અયાઝ સાદિક આવ્યા હતા. કહેવાય છે કે બાંગ્લાદેશના પૂર્વ પ્રધાનમંત્રીના જનાજાની નમાઝ દરમિયાન જયશંકરનો સામનો અયાઝ સાદિક સામે થઈ ગયો. લોકલ મીડિયા રિપોર્ટ્સ અનુસાર, બંનેએ એકબીજાને જોતા હેન્ડશેક કર્યું અને હસતા હસતા મળ્યા હતા. કહેવાય છે કે બંને વચ્ચે અમુક સેકન્ડ સુધી વાતચીત પણ થઈ અને ત્યાર બાદ પોતપોતાની સીટ પર બેસવા માટે નીકળી ગયા હતા.
આપને જણાવી દઈએ કે, અયાઝ સાદિક ત્યારે ભારતમાં જબરદસ્ત ચર્ચામાં રહ્યા હતા, જ્યારે તેઓ ૨૦૨૦માં પાકિસ્તાનની સંસદમાં વિંગ કમાન્ડર અભિનંદન વર્ધમાનની મુક્તિ પર બોલ્યા હતા. તેમણે અભિનંદન પર બોલતા એવું રહસ્ય ખોલ્યું હતું કે પોતાના જ દેશના વિદેશમંત્રીની ફજેતી કરી નાખી. સાદિકે જણાવ્યું હતું કે જ્યારે અભિનંદનની ધરપકડ થઈ તો પાકિસ્તાનમાં હાઈ લેવલ મીટિંગ કરી હતી. આ મીટિંગ દરમિયાન પાકિસ્તાનના વિદેશ મંત્રી શાહ મહમૂદ કુરૈશીએ કહ્યું હતું કે ખુદા કા વાસ્ત હૈ અભિનંદન કો જાને દો, કેમ કે ભારત આજે રાતે ૯ વાગ્યે હુમલો કરવાનું છે. તેમણે દાવો કર્યો હતો કે પાકિસ્તાનના આર્મી ચીફ જનરલ બાઝવાના પગ ધ્રુજી રહ્યા હતા અને ચહેરા પર પરસેવો હતો.
