તૃણમૂલ કોંગ્રેસ સાંસદ મહુઆ મોઇત્રાએ બુધવારે આરોપ લગાવ્યો કે પશ્ચિમ બંગાળમાં એક રેસ્ટોરન્ટની બહાર ભેગા થયેલા ટોળાએ તેમના પર ઇંડા ફેંક્્યા. મોઇત્રાએ તેના એકસ એકાઉન્ટ પર એક વીડિયો શેર કર્યો છે, જેમાં રસ્તા પર ભેગા થયેલા ભીડના કેટલાક સભ્યો સાંસદ પર ઇંડા ફેંકતા જાવા મળે છે. આ વીડિયોમાં ઈંડા ફેંકવામાં આવી રહ્યા હતા ત્યારે ભીડ પાસે હાજર કેટલાક પોલીસ અધિકારીઓ દેખાય છે. કૃષ્ણનગરના સાંસદે આરોપ લગાવ્યો હતો કે આ હુમલો ભાજપના કાર્યકરો દ્વારા કરવામાં આવ્યો હતો, જ્યારે રાજ્ય પોલીસ મૂક પ્રેક્ષક બની રહી હતી.
ઘટનાના બે વીડિયો સામે આવ્યા છે, જે અલગ અલગ ખૂણાથી રેકોર્ડ કરવામાં આવ્યા છે. એક વીડિયોમાં પુરુષો અને મહિલાઓ નજીકના રસ્તા પર વાહનો પસાર થતાં ઇંડા ફેંકતા અને સૂત્રોચ્ચાર કરતા દેખાય છે. બીજા વીડિયો મોઇત્રાએ પોતે રેકોર્ડ કર્યો હતો. ફૂટેજમાં બારીઓ પર ઇંડા અથડાતા દેખાય છે, જ્યારે કૃષ્ણનગરના સાંસદ સ્થાનિક ટીએમસી નેતાઓ અને પાર્ટી કાર્યકરો સાથે બેઠેલા તેમના મોબાઇલ ફોનથી ઘટના રેકોર્ડ કરતી જાવા મળે છે.
જેમ જેમ ઈંડા કાચની બારીઓ પર અથડાતા રહે છે, તેમ તેમ મહુઆ મોઇત્રા ભારતીય જનતા પાર્ટી (ભાજપ) ના કાર્યકરો પર હુમલો કરવાનો આરોપ લગાવતા સાંભળી શકાય છે. આ વીડિયો સોશિયલ મીડિયા પર વાયરલ થયા છે, અને તૃણમૂલ કોંગ્રેસ આરોપ લગાવે છે કે આ ઘટના પાછળ ભાજપના કાર્યકરોનો હાથ હતો. આ આરોપ પર ભાજપ તરફથી તાત્કાલિક કોઈ પ્રતિક્રિયા આવી નથી.
