કેન્દ્રીય ગૃહમંત્રી અમિત શાહે શનિવારે કહ્યું હતું કે લશ્કર-એ-તૈયબાના એક સભ્યનું તાજેતરમાં એક એન્કાઉન્ટરમાં મોત થયું છે. તેમના ગયા પછી, કાશ્મીર ખીણમાં હવે કોઈ સક્રિય સ્થાનિક આતંકવાદી નથી. તેમણે સ્પષ્ટતા કરી હતી કે હાલમાં આ પ્રદેશમાં સક્રિય બધા આતંકવાદીઓ વિદેશી આતંકવાદી છે.
અરુણાચલ પ્રદેશના બાંદરદેવામાં ‘પ્રેસિડેન્ટ્સ પોલીસ કલર્સ’ એવોર્ડ સમારોહમાં બોલતા, કેન્દ્રીય ગૃહમંત્રીએ કહ્યું કે કાશ્મીર પોલીસે લશ્કર-એ-તૈયબા સાથે જોડાયેલા છેલ્લા જાણીતા આતંકવાદીને મારી નાખ્યો છે. તેમણે કહ્યું, “કાશ્મીરના પુલવામામાં, કાશ્મીર પોલીસે લશ્કર સાથે જાડાયેલા છેલ્લા સક્રિય કાશ્મીરી આતંકવાદીને એન્કાઉન્ટરમાં ઠાર માર્યો. આ સાથે, હું આજે ગર્વથી કહી શકું છું કે કાશ્મીર ખીણમાં એક પણ સ્થાનિક આતંકવાદી બચ્યો નથી. જે બાકી છે તે બધા વિદેશી આતંકવાદી છે.
કેન્દ્રીય ગૃહમંત્રી અમિત શાહે કહ્યું, “હું આ દેશના લોકોને ૧૯૯૦ ના દાયકામાં કાશ્મીર ખીણની પરિસ્થિતિ યાદ અપાવવા માંગુ છું, જ્યારે ઘણા લોકોએ પ્રશ્ન કર્યો હતો કે આપણે કાશ્મીર પર કેટલો સમય નિયંત્રણ જાળવી શકીશું. આતંકવાદ તેની ચરમસીમાએ હતો; મુખ્યમંત્રી પોતે ઇંગ્લેન્ડ ભાગી ગયા હતા.” છતાં, આપણા સુરક્ષા દળોની બહાદુરીએ કાશ્મીરને દેશ સાથે એક રાખ્યું હતું.”
કાશ્મીર ખીણમાં વર્તમાન સુરક્ષા પરિસ્થિતિની સરખામણી ૧૯૯૦ ના દાયકાના અશાંતિ સાથે કરતા, શાહે વધુમાં કહ્યું કે ૨૦૧૯ માં કલમ ૩૭૦ નાબૂદ કરવાથી કાશ્મીરી યુવાનોમાં અલગતાવાદી વિચારસરણીનો અંત આવ્યો છે.
રાષ્ટÙપતિ પોલીસ કલર્સ એવોર્ડ સમારોહમાં બોલતા, કેન્દ્રીય ગૃહમંત્રી અમિત શાહે કહ્યું, “આજનો ‘રાષ્ટÙપતિ કલર્સ’ પ્રસ્તુતિ સમારોહ ફક્ત અરુણાચલ પોલીસ માટે જ નહીં, પરંતુ અરુણાચલ પ્રદેશના સમગ્ર લોકો માટે ખૂબ જ ગર્વની વાત છે. આવો મહત્વપૂર્ણ પ્રસંગ કોઈપણ રાજ્યના ઇતિહાસમાં ફક્ત એક જ વાર આવે છે. દિલ્હીથી હજારો કિલોમીટર દૂર ‘ઉગતા સૂર્યની ભૂમિ’ માં સ્થિત, પ્રકૃતિની ગોદમાં અને ખૂબ જ વ્યૂહાત્મક સ્થાન પર, અરુણાચલ પ્રદેશ એક અનોખું સ્થાન ધરાવે છે. તેની સુરક્ષા, શાંતિ, સમૃદ્ધિ અને વિકાસ સમગ્ર દેશ માટે અત્યંત મહત્વપૂર્ણ છે.”
તેમણે એમ પણ કહ્યું, “તે ૧,૮૬૩ કિલોમીટર લાંબી આંતરરાષ્ટ્રીય સરહદ ધરાવે છે, જેમાં ૧,૧૨૬ કિલોમીટર ચીન સાથે, ૫૨૦ કિલોમીટર મ્યાનમાર સાથે અને ૨૧૭ કિલોમીટર ભૂટાન સાથેનો સમાવેશ થાય છે. આ આંતરરાષ્ટ્રીય સરહદની લંબાઈને જાતાં, અરુણાચલ પ્રદેશની સુરક્ષા અને શાંતિ માત્ર રાજ્ય માટે જ નહીં પરંતુ સમગ્ર દેશ માટે અત્યંત મહત્વપૂર્ણ છે.” વધુમાં, આ રાજ્ય ‘ડેથ ટ્રાયંગલ’ કહી શકાય તેવા મુખ પર આવેલું છે. આ ‘ડેથ ટ્રાયંગલ’માંથી દેશના બાકીના ભાગમાં માદક દ્રવ્યો અને ગેરકાયદેસર દવાઓની દાણચોરી થતી હોવાથી, અરુણાચલ પ્રદેશ આ ‘નાર્કો-વેપાર’ને રોકવામાં મહત્વપૂર્ણ ભૂમિકા ભજવે છે.
કેન્દ્રીય ગૃહમંત્રી અમિત શાહે શનિવારે અરુણાચલ પ્રદેશની સિયાંગ ખીણના લોકોને ખાતરી આપી હતી કે પ્રસ્તાવિત ૧૧,૨૦૦ મેગાવોટના સિયાંગ અપર મલ્ટીપર્પઝ પ્રોજેક્ટ અંગેની તેમની ચિંતાઓ વાતચીત દ્વારા ઉકેલવામાં આવશે. તેમણે સ્પષ્ટતા કરી હતી કે પ્રોજેક્ટને આગળ ધપાવતી વખતે પ્રદેશની સંસ્કૃતિ, પરંપરાઓ અને ધાર્મિક માન્યતાઓ સાથે કોઈ સમાધાન કરવામાં આવશે નહીં.







































