વિશ્વનું સૌથી મોટું સંકટ સમાપ્ત થવાના આરે છે. અમેરિકા અને ઈરાન વચ્ચે યુદ્ધ બંધ થઈ ગયું છે. બંને દેશોએ એક કરારની જાહેરાત કરી છે. વ્હાઇટ હાઉસમાંથી સફેદ ધુમાડો જાવા મળ્યો હતો, જે પરંપરાગત રીતે પુષ્ટિ કરે છે કે શાંતિ કરાર પર હસ્તાક્ષર થયા છે. વડા પ્રધાન નરેન્દ્ર મોદીએ આ શાંતિ કરારનું સ્વાગત કર્યું છે. પીએમ મોદીએ તેમના સોશિયલ મીડિયા પ્લેટફોર્મ પર લખ્યું, “પશ્ચિમ એશિયામાં સંઘર્ષનો અંત લાવવા માટે અમેરિકા અને ઈરાન વચ્ચે થયેલા કરારનું હું સ્વાગત કરું છું. આ સંઘર્ષથી વિશ્વભરમાં ગંભીર આર્થિક ઉથલપાથલ થઈ છે અને ઘણા દેશોમાં જાનમાલનું નુકસાન થયું છે.”
તેમણે આગળ લખ્યું, “ભારતને આશા છે કે આ કરારના અમલીકરણથી પ્રદેશમાં શાંતિ અને સ્થીરતા પુનઃસ્થાપિત કરવામાં મદદ મળશે અને અવરજવર અને વેપારની સ્વતંત્રતા સુનિશ્ચિત થશે. અમને આશા છે કે બાકીના મુદ્દાઓ પર વાટાઘાટો કાયમી અને અંતિમ સમાધાન તરફ દોરી જશે.”
યુએસ પ્રમુખ ટ્રમ્પે સોશિયલ મીડિયા પર લખ્યું કે ઈરાન સાથે એક કરાર થયો છે. ઈરાને એક નિવેદન પણ જારી કર્યું કે અમેરિકા સાથે મહિનાઓની લાંબી અને મુશ્કેલ વાટાઘાટો પછી, બંને દેશોએ યુદ્ધવિરામ સમજૂતીને અંતિમ સ્વરૂપ આપ્યું છે. ટ્રમ્પે કહ્યું કે હોર્મુઝ સ્ટ્રેટ ફરીથી ખોલવામાં આવશે. તેમણે ઈરાની બંદરો પર યુએસ નૌકાદળના નાકાબંધીને તાત્કાલિક હટાવવા માટે મંજૂરી આપી. અમેરિકા અને ઈરાન બંને ૧૪ શરતો પર સંમત થયા છે. બંને દેશો ૧૯ જૂને સ્વિટ્ઝર્લૅન્ડના જીનીવામાં શાંતિ કરાર પર હસ્તાક્ષર રવિયા કરશે.
જા જીનીવામાં કરાર પર હસ્તાક્ષર થાય છે, તો તેહરાન અને વોશિંગ્ટન વચ્ચે ૪૭ વર્ષમાં આ પ્રથમ ઉચ્ચ-સ્તરીય બેઠક હશે. ઈરાનના નાયબ વિદેશ પ્રધાન, કાઝેમ ઘરીબબાદીએ જણાવ્યું હતું કે જા અમેરિકા શાંતિ કરાર જાળવી રાખવા માંગે છે, તો તેણે પહેલા ત્રણ મુખ્ય પગલાં લેવા પડશેઃ નૌકાદળ નાકાબંધી સમાપ્ત કરવી, તમામ દુશ્મનાવટ અને લશ્કરી કામગીરી બંધ કરવી અને ઈરાનના સ્થીર ભંડોળને મુક્ત કરવું.
આ દરમિયાન, ઈરાની મીડિયાએ અમેરિકા સાથેના કરારમાં ૧૪ શરતોનો અહેવાલ આપ્યો છે. ઈરાની મીડિયા અહેવાલો અનુસાર, ૧૨ બિલિયન ડોલરની છૂટ, તેલ પ્રતિબંધો હટાવવા અને નાકાબંધી સમાપ્ત ન થાય ત્યાં સુધી ૧૪ શરતો પર અંતિમ વાટાઘાટો શરૂ થશે નહીં.
