બિહારના મુખ્યમંત્રી નીતિશ કુમારે આજે દિલ્હીમાં રાજ્યસભા સાંસદ તરીકે શપથ લીધા. શપથ ગ્રહણ સમારોહમાં નીતિશ કુમાર સાથે કેન્દ્રીય મંત્રી લલ્લન સિંહ પણ હાજર રહ્યા હતા. જદયુના રાષ્ટ્રીય કાર્યકારી પ્રમુખ સંજય ઝા અને બિહારના નાયબ મુખ્યમંત્રી સમ્રાટ ચૌધરી પણ હાજર રહ્યા હતા. નીતિશ કુમાર આજે રાજ્યસભા સાંસદ તરીકે પોતાનો કાર્યકાળ શરૂ કરી રહ્યા છે, જ્યારે બિહારમાં નવી સરકારની રચના માટે તૈયારીઓ શરૂ થઈ ગઈ છે. આજે દિલ્હીમાં ભાજપ કોર ગ્રુપની બેઠક યોજાશે, જ્યાં પાર્ટી મુખ્યમંત્રીના ચહેરાના નામને અંતિમ સ્વરૂપ આપે તેવી અપેક્ષા છે.
અગાઉ, ગુરુવારે દિલ્હી પહોંચ્યા પછી, નીતિશે કહ્યું હતું કે તેઓ લાંબા સમયથી બિહારમાં છે અને હવે દિલ્હીથી કામ કરશે. આને બિહારમાં સત્તા પરિવર્તનના સંકેત તરીકે જાવામાં આવી રહ્યું છે.
રાજ્યસભામાં શપથ લીધા પછી, નીતિશ કુમાર પીએમ મોદીને પણ મળશે. લલ્લન સિંહ અને સંજય ઝા તેમની સાથે રહેશે. આજે દિલ્હીમાં બિહાર ભાજપ કોર ગ્રુપની બેઠકમાં રાજ્યના નવા મુખ્યમંત્રીનું નામ અંતિમ સ્વરૂપ આપવામાં આવશે. નવા મુખ્યમંત્રી ૧૫ એપ્રિલે શપથ લે તેવી અપેક્ષા છે.
આ પહેલાં, નીતિશ કુમારે તાજેતરમાં જ તેમના પદ પરથી રાજીનામું આપ્યું હતું, જેનાથી બિહારમાં મુખ્યમંત્રી પરિવર્તનની પુષ્ટિ થઈ હતી. નીતિશ કુમાર ૨૦૦૫ થી સતત બિહારના મુખ્યમંત્રી તરીકે સેવા આપી રહ્યા છે (નવ મહિનાના વિરામ સિવાય). તેઓ લાંબા સમય સુધી ગેરહાજરી પછી કેન્દ્રીય રાજકારણમાં પાછા ફરી રહ્યા છે.
ગુરુવારે દિલ્હી પહોંચ્યા પછી મુખ્યમંત્રી નીતિશ કુમારનું પહેલું નિવેદન પણ બહાર પાડવામાં આવ્યું છે. દિલ્હીના નિવાસસ્થાને પહોંચ્યા પછી, નીતિશ કુમાર મીડિયા સાથે વાત કરવા માટે બહાર આવ્યા. આ દરમિયાન, નીતિશ કુમારે કહ્યું, “હું ૨૦ વર્ષ ત્યાં (બિહાર) રહ્યો. હવે હું અહીં (દિલ્હી) પણ કામ કરીશ. એટલા માટે હું પાછો ફર્યો છું.”
નીતિશ કુમારના તાજેતરના નિવેદનથી હવે સ્પષ્ટ થાય છે કે નેતૃત્વ પરિવર્તન નિકટવર્તી છે. દરમિયાન, બિહારના મંત્રી વિજય ચૌધરીએ કહ્યું કે સમગ્ર દ્ગડ્ઢછ, જેમાં ભાજપ અને તેના સાથી પક્ષોનો સમાવેશ થાય છે, નીતિશ કુમારના શાસન મોડેલને આગળ વધારવા માટે એક છે.
