હિન્દી અને મરાઠી સિનેમાના દિગ્ગજ અભિનેતા નાના પાટેકર હવે આપણી સાથે નથી. લગભગ ચાર દાયકા સુધી પોતાના શÂક્તશાળી અવાજ, સ્પષ્ટવક્તા શૈલી અને દરેક પાત્રને જીવંત બનાવવાની ક્ષમતાથી દર્શકોના દિલ પર રાજ કરનારા નાના પાટેકરનું ૭૫ વર્ષની વયે અવસાન થયું છે. ૮ ઓક્ટોબર, ૨૦૨૬ ના રોજ સવારે ગોવામાં તેમના ઘરે આ અભિનેતાએ અંતિમ શ્વાસ લીધા. પ્રારંભિક અહેવાલો અનુસાર, તેમને કાર્ડિયાક અરેસ્ટ થયો હતો.
નાના પાટેકર વહેલી સવારે તેમની તબિયત બગડ્યા બાદ તેમના ગોવાના ઘરે બેભાન અવસ્થામાં મળી આવ્યા હતા. તેમને મણિપાલ હોÂસ્પટલમાં લઈ જવામાં આવ્યા હતા, જ્યાં ડોકટરોએ લગભગ ૪૫ મિનિટ સુધી દ્વારા તેમને જીવંત કરવાનો પ્રયાસ કર્યો, પરંતુ તેઓ જીવિત થઈ શક્્યા નહીં. તેમને સવારે લગભગ ૫ઃ૨૦ વાગ્યે મૃત જાહેર કરવામાં આવ્યા હતા.નાના પાટેકરે ૧૯૭૮ માં નીલકંઠી પાટેકર સાથે લગ્ન કર્યા હતા. બંને તેમના મરાઠી થિયેટરના દિવસોમાં મળ્યા હતા. નીલકંઠી પોતે થિયેટર અને ફિલ્મોમાં સામેલ રહી છે અને મરાઠી સિનેમામાં અભિનય કર્યો છે. તેમને મહારાષ્ટÙ સરકારના શ્રેષ્ઠ અભિનેત્રી પુરસ્કારથી પણ સન્માનિત કરવામાં આવ્યા હતા. નાના અને નીલકંઠીને બે પુત્રો હતા. તેમના મોટા પુત્ર, દુર્વાસા પાટેકરનું બાળપણમાં લગભગ અઢી વર્ષની ઉંમરે અવસાન થયું હતું. તેમના પરિવારમાં તેમનો નાનો પુત્ર, મલ્હાર પાટેકર છે.
નાના અને નીલકંઠી પરિણીત હોવા છતાં લાંબા સમયથી અલગ રહેતા હતા. મીડિયા રિપોર્ટ્સ અનુસાર, બંને ઘણા વર્ષોથી અલગ રહેતા હતા, પરંતુ તેમના કાયદેસર રીતે છૂટાછેડા થયા ન હતા. નાનાએ એક જૂના ઇન્ટરવ્યુમાં પણ સ્વીકાર્યું હતું કે તેમની વચ્ચે મતભેદો હતા અને તેથી જ તેમણે અલગ રહેવાનું નક્કી કર્યું.નાના પાટેકરના નાના પુત્ર, મલ્હાર પાટેકરે પણ ફિલ્મ ઉદ્યોગમાં પ્રવેશ કર્યો, પરંતુ તેના પિતાની જેમ કેમેરા સામે અભિનય કરવાને બદલે પડદા પાછળ કામ કરવાનું પસંદ કર્યું. અહેવાલો અનુસાર, મલ્હારે રામ ગોપાલ વર્માની ફિલ્મ “ધ એટેક્સ ઓફ ૨૬/૧૧” માં સહાયક દિગ્દર્શક તરીકે કામ કર્યું હતું અને નાના પાટેકરના પ્રોડક્શન હાઉસ સાથે પણ સંકળાયેલા છે. તેમના પિતાની જેમ, તે પણ લાઈમલાઈટથી દૂર રહેવાનું પસંદ કરે છે.નાના પાટેકર તેમની સાદગી માટે પણ જાણીતા હતા. ઘણા અહેવાલોમાં તેમની કુલ સંપત્તિ ૫૦ થી ૮૦ કરોડની વચ્ચે હોવાનો અંદાજ છે. આ આંકડો સત્તાવાર રીતે જાહેર કરવામાં આવ્યો નથી. તેમની પાસે મુંબઈમાં આશરે ૭૫૦ ચોરસ ફૂટનો ફ્લેટ છે. તેમની પાસે ગોવામાં એક ઘર અને પુણેમાં એક ઘર પણ છે.રિપોર્ટ્સમાં નાના પાટેકર પાસે મહિન્દ્રા જીપ, મહિન્દ્રા સ્કોર્પિયો અને ઓડી ઊ૭ જેવા વાહનો હોવાનો ઉલ્લેખ છે. જાકે, તેમની અંદાજિત સંપત્તિની તુલનામાં નાનાની જીવનશૈલી એકદમ સરળ માનવામાં આવતી હતી.
