ચીનના રાષ્ટ્રપતિ શી જિનપિંગે દક્ષિણ કોરિયામાં ચાલી રહેલા એપીઇસી સમિટમાં ટ્રમ્પની ટીકા કરી. તેમણે એશિયા-પેસિફિક ક્ષેત્રના નેતાઓને કહ્યું કે તેમનો દેશ વાર્ષિક આર્થિક પ્રાદેશિક મંચ પર વૈશ્વિક મુક્ત વેપારનું રક્ષણ કરવામાં મદદ કરશે, જેને યુએસ પ્રમુખ ડોનાલ્ડ ટ્રમ્પે અવગણ્યું.દક્ષિણ કોરિયાના ગ્યોંગજુ શહેરમાં શરૂ થયેલી એશિયા-પેસિફિક ઇકોનોમિક કોઓપરેશન (એપીઇસી) સમિટમાં શી જિનપિંગે કેન્દ્ર સ્થાન મેળવ્યું હતું, જ્યારે ટ્રમ્પ ચીનના રાષ્ટ્રપતિ સાથે વધતા વેપાર યુદ્ધને શાંત કરવા માટે કરાર કર્યા પછી એક દિવસ પહેલા દેશ છોડીને ગયા હતા.આ વર્ષની બે દિવસીય એપીઇસી સમિટ ટ્રમ્પ-શી બેઠકથી નોંધપાત્ર રીતે ઢંકાઈ ગઈ હતી, જે સમિટની બાજુમાં યોજાઈ હતી. ટ્રમ્પે ગુરુવારે શી જિનપિંગ સાથેની તેમની બેઠકને જબરદસ્ત સફળતા ગણાવી હતી, અને કહ્યું હતું કે તેઓ ચીન પર ટેરિફ ઘટાડશે, જ્યારે બેઇજિંગ દુર્લભ ખનિજાના નિકાસને મંજૂરી આપવા અને અમેરિકન સોયાબીન ખરીદવા સંમત થયા હતા. તેમના કરારો વિશ્વની બે સૌથી મોટી અર્થવ્યવસ્થાઓ વચ્ચે વેપાર તણાવથી ઝઝૂમી રહેલા વૈશ્વિક અર્થતંત્ર માટે આવકારદાયક રાહત છે. એપીઇસીથી દૂર રહેવાનો ટ્રમ્પનો નિર્ણય મોટા, બહુરાષ્ટ્રીય મંચો પ્રત્યેના તેમના વારંવારના અણગમો દર્શાવે છે. જાકે,એપીઇસી પ્રત્યેની તેમની અવગણનાથી વિશ્વની લગભગ ૪૦ ટકા વસ્તી અને અડધાથી વધુ વૈશ્વિક કોમોડિટી વેપારનું પ્રતિનિધિત્વ કરતા પ્લેટફોર્મ પર અમેરિકાની પ્રતિષ્ઠાને નુકસાન થવાનું જાખમ છે.શીએ કહ્યું, “આપણે સાથે મળીને કામ કરવું જાઈએ.” એપીઇસીના ઉદ્ઘાટન સત્ર દરમિયાન, શીએ કહ્યું, “સમય જેટલો વધુ તોફાની હશે, તેટલો જ વધુ એકતામાં આપણે સાથે મળીને કામ કરવું જાઈએ. વિશ્વ ઝડપી પરિવર્તનમાંથી પસાર થઈ રહ્યું છે, અને આંતરરાષ્ટ્રીય પરિસ્થિતિ વધુને વધુ જટિલ અને અસ્થિર બની રહી છે.” યુએસ ટ્રેઝરી સેક્રેટરી સ્કોટ બેસન્ટે ટ્રમ્પ વતી સમિટમાં હાજરી આપી હતી.બેસન્ટે કહ્યું કે તેના વેપાર સંબંધોને ફરીથી સંતુલિત કરવાના યુએસના પગલાથી ખાતરી થશે કે “દરેક દેશ વાજબી અને પારસ્પરિક શરતો પર કાર્ય કરે છે.” તેમણે કહ્યું કે યુએસ “તેના વેપાર ભાગીદારો સાથે રોકાણ કરી રહ્યું છે જેથી સ્થિતિસ્થાપક ઉત્પાદન નેટવર્ક બનાવવામાં આવે જે સંવેદનશીલ ક્ષેત્રો પર નિર્ભરતા ઘટાડે છે.
