દુર્ગાપુરમાં તૃણમૂલ કોંગ્રેસના નેતા સુકુમાર દત્તાને કોર્ટમાં લઈ જવામાં આવી રહ્યા હતા ત્યારે ભાજપના કાર્યકરો અને સમર્થકોએ વિરોધ કર્યો. તેમના પર ઇંડા ફેંકવાની ઘટનાથી વિસ્તારમાં તણાવ સર્જાયો હતો. અહેવાલો અનુસાર, સુકુમાર દત્તા સામે ભ્રષ્ટાચાર, આતંક ઉશ્કેરવા અને કથિત ખંડણી (તોલાબાજી) ના આરોપસર ફરિયાદ દાખલ કરવામાં આવી હતી. આ આરોપોના આધારે, દુર્ગાપુરના ન્યૂ ટાઉનશીપ પોલીસ સ્ટેશને તેમની ધરપકડ કરી.
ગુરુવારે સવારે, જ્યારે પોલીસ સુકુમાર દત્તાને ન્યૂ ટાઉનશીપ પોલીસ સ્ટેશનથી દુર્ગાપુર મેજિસ્ટ્રેટ કોર્ટમાં સુનાવણી માટે લઈ જઈ રહી હતી, ત્યારે મોટી સંખ્યામાં ભાજપના કાર્યકરો અને સમર્થકો પોલીસ સ્ટેશન પરિસરની બહાર એકઠા થયા અને તેમના વિરુદ્ધ સૂત્રોચ્ચાર કરીને વિરોધ કરવાનું શરૂ કર્યું.
પ્રત્યક્ષદર્શીઓના જણાવ્યા અનુસાર, વિરોધ દરમિયાન કેટલાક લોકોએ સુકુમાર દત્તા પર વારંવાર ઇંડા ફેંક્યાં. ઘટના બાદ, લાંબા સમય સુધી ઘટનાસ્થળે અંધાધૂંધી અને તણાવ ફેલાયો. ન્યુ ટાઉનશીપ પોલીસ સ્ટેશનને પરિસ્થીતિને કાબૂમાં લેવા અને સુકુમાર દત્તાને સુરક્ષિત રીતે કોર્ટમાં લઈ જવા માટે સંઘર્ષ કરવો પડ્યો. વધારાના પોલીસ દળોની મદદથી પરિસ્થીતિને કાબૂમાં લેવામાં આવી. પોલીસ હાલમાં સમગ્ર ઘટનાની સમીક્ષા કરી રહી છે. આ ઘટનાએ દુર્ગાપુરના રાજકારણમાં એક નવો વિવાદ ઉભો કર્યો છે. સુકુમાર દત્તા સામે દાખલ કરાયેલા કેસોની તપાસ ચાલુ છે, અને કોર્ટમાં હાજર થયા પછી વધુ કાનૂની કાર્યવાહી શરૂ કરવામાં આવી છે.
પશ્ચિમ બંગાળમાં મમતા બેનર્જીની સરકારના પતન પછી, ઘણા ટીએમસી નેતાઓ મુશ્કેલીનો સામનો કરી રહ્યા છે. સ્થાનિક લોકોએ અનેક નેતાઓ પર ખંડણી અને ગુંડાગીરીનો આરોપ લગાવ્યો છે. આવા જ એક નેતાનું ઘર ગુસ્સે ભરાયેલા ટોળાએ ઘેરી લીધું હતું. ડરથી, ટીએમસી નેતા પોતાના ઘરની અંદર એક પલંગ નીચે છુપાઈ ગયા. ત્યારબાદ પોલીસ આવી અને નેતાને લઈ ગઈ. ઘણા લોકોને તેમના પૈસા પણ પાછા મળી ગયા છે. રિફંડની જાહેરાત દર્શાવતો એક વીડિયો સામે આવ્યો છે.
