ગુજરાતમાં અત્યારે હવામાનના બે અલગ-અલગ મિશ્ર મિઝાજ એટલે કે ડબલ ઋતુનો ચમકારો જાવા મળી રહ્યો છે. રાજ્યના નાગરિકો એકતરફ કાળઝાળ ગરમી અને અસહ્ય ઉકળાટનો સામનો કરી રહ્યા છે, ત્યારે જ હવામાન વિભાગ તરફથી એક મોટા સમાચાર સામે આવ્યા છે. રાજ્યમાં વેસ્ટર્ન ડિસ્ટર્બન્સ સક્રિય થવાને કારણે આકરી ગરમીની વચ્ચે જ અણધાર્યા વરસાદની આગાહી કરવામાં આવી છે. આ સિસ્ટમની સીધી અસર હેઠળ દક્ષિણ ગુજરાત અને સૌરાષ્ટÙના કેટલાય વિસ્તારોમાં ગાજવીજ સાથે હળવોથી મધ્યમ વરસાદ પડી શકે છે, જ્યારે અન્ય જિલ્લાઓમાં વાતાવરણ વાદળછાયું રહેશે.
હવામાન વિભાગના સત્તાવાર બુલેટિન અનુસાર, આગામી દિવસોમાં ગુજરાતના નીચે દર્શાવેલા વિસ્તારોમાં કમોસમી વરસાદ પડવાની પૂરેપૂરી સંભાવના છેઃ
દક્ષિણ ગુજરાતઃ નવસારી, ડાંગ, તાપી અને વલસાડ જિલ્લાઓમાં મધ્યમ વરસાદની શક્્યતા છે. આ ઉપરાંત સુરત અને નર્મદા જિલ્લામાં પણ વરસાદી ઝાપટાં પડી શકે છે.
કેન્દ્રશાસિત પ્રદેશઃ દમણ તેમજ દાદરા નગર હવેલીના વિસ્તારોમાં પણ વાતાવરણ પલટાશે.
સૌરાષ્ટÙઃ દેવભૂમિ દ્વારકા, જૂનાગઢ અને અમરેલી જિલ્લાના કેટલાક ભાગોમાં ગાજવીજ સાથે હળવો વરસાદ થવાની સંભાવના વ્યક્ત કરાઈ છે.
રાહતના સમાચારની વચ્ચે મુશ્કેલી એ છે કે વરસાદની આ આગાહી છતાં રાજ્યમાં ગરમી અને બફારાનો પ્રકોપ બિલકુલ ઓછો નહીં થાય. વાતાવરણમાં ભેજનું પ્રમાણ વધવાને કારણે ઉકળાટ બેવડાશે. આગામી દિવસોમાં મોટાભાગના શહેરોમાં મહત્તમ તાપમાન ૪૦ થી ૪૨ ડિગ્રીની આસપાસ જ નોંધાશે અને ગરમ પવનો ફૂંકાવાનું ચાલુ રહેશે.
હવામાન વિભાગના આંકડા પર નજર કરીએ તો રાજ્યના મુખ્ય શહેરો ભઠ્ઠીની જેમ શેકાયા છે, જેમાં અમદાવાદ ૪૨.૮ ડિગ્રી તાપમાન સાથે રાજ્યમાં સૌથી વધુ ગરમ રહ્યું છે. આ સિવાય સુરેન્દ્રનગરમાં ૪૨.૩ ડિગ્રી, ગાંધીનગર અને ભાવનગરમાં ૪૨.૧ ડિગ્રી, રાજકોટમાં ૪૧.૨ ડિગ્રી તથા આણંદ (વિદ્યાનગર)માં ૪૦.૯ ડિગ્રી તાપમાન નોંધાયું છે. જ્યારે અન્ય શહેરોની વાત કરીએ તો અમરેલીમાં ૪૦.૫ ડિગ્રી, ઉત્તર ગુજરાત (ડીસા)માં ૪૦.૩ ડિગ્રી, વડોદરામાં ૩૯.૪ ડિગ્રી અને સુરતમાં ૩૫.૪ ડિગ્રી તાપમાન નોંધાયું છે. બપોરના સમયે અસહ્ય લૂ અને ગરમ પવનો ફૂંકાવાને કારણે લોકોને ઘરમાં પુરાઈ રહેવાની ફરજ પડી રહી છે, તેવામાં આ અણધાર્યો વરસાદ લોકોને ગરમીથી થોડી રાહત આપશે કે પછી ભેજ વધારીને બફારો અસહ્ય બનાવશે તે જાવું રહ્યું
