દિલ્હી રમખાણોના કાવતરા કેસમાં શરજીલ ઇમામ અને ઉમર ખાલિદે જામીન માટે દિલ્હી કોર્ટનો સંપર્ક કર્યો છે. આ મામલો કરકરડૂમા કોર્ટના એડિશનલ સેશન્સ જજ ડા. સુમેધ સેઠી સમક્ષ આવ્યો છે. સુનાવણી દરમિયાન ન્યાયાધીશે જણાવ્યું હતું કે બંને આરોપીઓની જામીન અરજીઓ પર ૪ જુલાઈએ સુનાવણી કરવામાં આવશે.
સુપ્રીમ કોર્ટની બેન્ચે શાર્જિલ ઇમામ અને ઉમર ખાલિદને જામીન નકારવાના અર્થઘટન પર સવાલ ઉઠાવ્યા બાદ તેમણે જામીન અરજીઓ દાખલ કરી હતી. કરકરડૂમા કોર્ટના એડિશનલ સેશન્સ જજ ડા. સુમેધ સેઠીએ શાર્જિલ ઇમામ અને ઉમર ખાલિદની જામીન અરજીઓ પર નોટિસ જારી કરી હતી અને દિલ્હી પોલીસ પાસેથી જવાબ માંગ્યો હતો. આ કેસની સુનાવણી હવે ૪ જુલાઈએ થશે.
શરજીલ ઇમામની અરજીમાં એમ પણ કહેવામાં આવ્યું છે કે સુપ્રીમ કોર્ટ દ્વારા તેમને જામીન ન આપવાના નિર્ણયને છ મહિનાથી વધુ સમય વીતી ગયો છે. તેમ છતાં, ટ્રાયલ કાર્યવાહીમાં કોઈ નોંધપાત્ર પ્રગતિ થઈ નથી અને આરોપો પર દલીલો હજુ પણ પેન્ડીગ છે. તેમણે દલીલ કરી હતી કે તેઓ આ કેસમાં લગભગ છ વર્ષથી જેલમાં છે.
આ આખો કેસ ૨૦૨૦ ના દિલ્હી રમખાણો સાથે સંબંધિત છે.
દિલ્હી પોલીસે સપ્ટેમ્બર ૨૦૨૦ માં ઉમર ખાલિદની ધરપકડ કરી હતી.
તેના પર ફેબ્રુઆરી ૨૦૨૦ માં દિલ્હીમાં મોટા પાયે હિંસા ભડકાવવાનું કાવતરું ઘડવાનો આરોપ છે. આ મામલે યુએપીએ હેઠળ કેસ નોંધવામાં આવ્યો છે.
ઉમર ખાલિદની સાથે, શરજીલ ઇમામ અને અન્ય ઘણા લોકો પર પણ આ કેસમાં કાવતરાખોર હોવાનો આરોપ છે.
દિલ્હી રમખાણોમાં ઘણા લોકો માર્યા ગયા હતા, જ્યારે ૭૦૦ થી વધુ લોકો ઘાયલ થયા હતા.
સીએએ અને એનઆરસી વિરોધી વિરોધ પ્રદર્શન દરમિયાન હિંસા શરૂ થઈ હતી, જ્યાં ઘણી જગ્યાએ પરિસ્થીતિ નિયંત્રણ બહાર થઈ ગઈ હતી.
