મુખ્ય ચૂંટણી કમિશનર જ્ઞાનેશ કુમારના રાજીનામા અને મતદાર યાદીના સ્પેશિયલ ઇન્ટેન્સિવ રિવિઝન (એસઆઇઆર) ની માંગણી પર રાજકીય તોફાન ચાલી રહ્યું છે. આ દરમિયાન, કેન્દ્રીય મંત્રી કિરેન રિજિજુએ કોંગ્રેસ પર નિશાન સાધ્યું છે. હકીકતમાં, આવતીકાલે, ૧ નવેમ્બરના રોજ, લોકસભામાં વિરોધ પક્ષના નેતા રાહુલ ગાંધીના નેતૃત્વમાં વિરોધ પક્ષોના ઈન્ડિયા બ્લોક દિલ્હીના રામલીલા મેદાનમાં એક રેલી યોજવાનું છે.
કેન્દ્રીય મંત્રી કિરેન રિજિજુએ પાંચ પ્રશ્નો સાથે કોંગ્રેસ પર નિશાન સાધ્યું છે. તેમણે સોશિયલ મીડિયા પ્લેટફોર્મ ઠ પર પોસ્ટ કરીને પાર્ટીને આ પ્રશ્નોના જવાબ આપવા પડકાર ફેંક્્યો છે. રિજિજુએ લોકસભા ચૂંટણીમાં કોંગ્રેસની હાર, મુખ્ય ચૂંટણી કમિશનરની નિમણૂક, મતદાર યાદીમાંથી નામો કાઢી નાખવા અને સ્પેશિયલ ઇન્ટેન્સિવ રિવિઝન પ્રક્રિયા અંગે પ્રશ્નો ઉઠાવ્યા.
રિજિજુએ પૂછ્યું કે કોંગ્રેસ સરકાર દરમિયાન ચૂંટણી કમિશનરોની નિમણૂક કરવામાં આવી હોવા છતાં, ૨૦૧૪ની લોકસભા ચૂંટણીમાં કોંગ્રેસે માત્ર ૪૪ બેઠકો કેવી રીતે જીતી?
તેમણે બીજા પ્રશ્ન ઉઠાવ્યોઃ ૨૦૨૪માં જ્ઞાનેશ કુમાર મુખ્ય ચૂંટણી કમિશનર ન હતા ત્યારે કોંગ્રેસને સતત ત્રીજી ચૂંટણી હારનો સામનો કેવી રીતે કરવો પડ્યો?
કેન્દ્રીય મંત્રીએ પૂછ્યું કે શું વર્તમાન કોંગ્રેસના મુખ્યમંત્રીઓએ ૨૦૧૪ થી ૨૦૨૬ વચ્ચે બનેલી સરકારોમાંથી રાજીનામું આપવું જાઈએ અને તેમના કાર્યો માટે માફી માંગવી જાઈએ.
તેમણે મતદાર યાદી અંગે પણ પ્રશ્નો ઉઠાવ્યા. રિજિજુએ પૂછ્યું કે શું ગેરકાયદેસર ઇમિગ્રન્ટ્સ, મૃત લોકો, સ્થળાંતર કરનારા મતદારો અને ઘણી વખત નોંધણી કરાવનારાઓને મતદાર યાદીમાંથી દૂર કરવા જાઈએ.
પાંચમા પ્રશ્નમાં, રિજિજુએ પૂછ્યું કે શું ૧૯૫૨-૫૬, ૧૯૫૮-૬૧, ૧૯૬૫-૬૬, ૧૯૮૩-૮૪, ૧૯૮૭-૮૮, ૧૯૯૩, ૧૯૯૫ અને ૨૦૦૨-૨૦૦૪ દરમિયાન કરવામાં આવેલા સ્પેશિયલ ઇન્ટેન્સિવ રિવિઝન ગેરકાયદેસર હતા?
તેમણે આરોપ લગાવ્યો કે એક પરિવાર સંચાલિત પાર્ટી, બાહ્ય દળો સાથે મળીને, બંધારણ અને ભારતીય લોકશાહીનો નાશ કરવાનો પ્રયાસ કરી રહી છે.
૧ નવેમ્બરના રોજ રામલીલા મેદાનમાં કોંગ્રેસની પ્રસ્તાવિત મેગા રેલીને લઈને દિલ્હીના વેપારીઓમાં ગભરાટનું વાતાવરણ છે. દિલ્હીના વેપારીઓ અને ઉદ્યોગસાહસિકોના સર્વોચ્ચ સંગઠન, ચેમ્બર ઓફ ટ્રેડ એન્ડ ઇન્ડસ્ટ્રીએ ઈન્ડિયા બ્લોકના નેતાઓ અખિલેશ યાદવ, મમતા બેનર્જી, તેજસ્વી યાદવ અને ઉદ્ધવ ઠાકરે સહિત તમામ ઘટક પક્ષોને પત્ર લખીને માંગ કરી છે કે રેલી દિવાળી પછી યોજવામાં આવે.
સીટીઆઈના ચેરમેન બ્રિજેશ ગોયલ કહે છે કે વેપારી સમુદાય રેલીનો વિરોધ કરી રહ્યો નથી, પરંતુ ધનતેરસ અને દિવાળી પહેલાની તૈયારીઓ માટે ૧ નવેમ્બરનો દિવસ શિખર પર છે. જા મેગા રેલી યોજાશે, તો ૨૦ ઐતિહાસિક બજારોમાં ૧૦-૧૨ હજાર કરોડ રૂપિયાનો દૈનિક વ્યવસાય ઠપ્પ થઈ જશે.
