ઉદ્ધવ ઠાકરેને વધુ એક મોટો ફટકો પડ્યો છે. શિવસેના-યુબીટી વિધાન પરિષદ (એમએલસી) સભ્ય સચિન આહિર ઉદ્ધવ ઠાકરે જૂથ છોડીને એકનાથ શિંદેની આગેવાની હેઠળની શિવસેનામાં જોડાયા છે.
આ પક્ષપલટા પછી તરત જ, શિંદે જૂથે વિધાન પરિષદના ઉપાધ્યક્ષ પદ માટે ઉમેદવારી નોંધાવી. આ ઘટનાક્રમને એકનાથ શિંદેના “ઓપરેશન ટાઇગર” ના આગામી તબક્કા તરીકે જોવામાં આવી રહ્યો છે.
અગાઉ, ઉદ્ધવ ઠાકરેના પક્ષના નવ લોકસભા સાંસદોમાંથી છ અચાનક તેમનો પક્ષ છોડીને એકનાથ શિંદેના જૂથમાં જાડાયા હતા. આને “ઓપરેશન ટાઇગર” કહેવામાં આવતું હતું કારણ કે રાજકારણમાં, જ્યારે કોઈ પક્ષના નેતાઓને ગુપ્ત રીતે આકર્ષિત કરવામાં આવે છે, ત્યારે તેને ઘણીવાર કોડ નામ આપવામાં આવે છે. આ વખતે, તેને “ઓપરેશન ટાઇગર” નામ આપવામાં આવ્યું હતું.
કાયદા મુજબ, જા કોઈ પક્ષના બે તૃતીયાંશ નેતાઓ એક સાથે પક્ષ છોડી દે છે, તો તેમનું સંસદીય સભ્યપદ રદ થતું નથી. ઉદ્ધવ ઠાકરેના નવ સાંસદોમાંથી છ, અથવા કુલ બે તૃતીયાંશ, પક્ષપલટા કરી ચૂક્યા છે, તેથી તેમની બેઠકો સુરક્ષિત છે.
જાકે, રવિવારે પરભણીમાં એક રેલીને સંબોધિત કરતી વખતે, ઉદ્ધવ ઠાકરેએ બળવાખોર સાંસદોને તાત્કાલિક ગેરલાયક ઠેરવવાની માંગ કરી. સમગ્ર ઘટનાને એક મોટું રાજકીય ષડયંત્ર ગણાવતા, તેમણે તેને “ઓપરેશન દેવેન્દ્ર” ગણાવ્યું અને ભાજપના કેન્દ્રીય નેતૃત્વ પર ગંભીર આરોપો પણ લગાવ્યા.
ઉદ્ધવ ઠાકરેએ લોકસભા અધ્યક્ષ ઓમ બિરલાને પક્ષપલટા વિરોધી કાયદા હેઠળ કડક કાર્યવાહી કરવા અપીલ કરી. તેમણે કહ્યું, “જો આ દેશમાં કાયદાનું શાસન પ્રવર્તે છે, તો આ છ સાંસદોને તાત્કાલિક ગેરલાયક ઠેરવવા જાઈએ. મને હજુ પણ લોકસભા અધ્યક્ષમાં વિશ્વાસ છે. અમે તેમની સત્તાનો આદર કરીએ છીએ, તેમની વ્યક્તિગત ઇચ્છાઓનો નહીં. જા તેઓ પોતે કાયદાનું પાલન નહીં કરે, તો આપણે અન્ય લોકો પાસેથી આવું કેવી રીતે અપેક્ષા રાખી શકીએ?”
ઠાકરેએ જણાવ્યું હતું કે તેમના વફાદાર સાંસદોએ લોકસભા અધ્યક્ષને એક ઔપચારિક પત્ર સુપરત કર્યો છે, જેમાં તેમનો પક્ષ રજૂ કરવા માટે સમય માંગ્યો છે. આ મામલાની ગંભીરતાનો અંદાજ એ હકીકત પરથી લગાવી શકાય છે કે પક્ષના સાંસદ અરવિંદ સાવંતને સુનાવણી વહેલી હોવાને કારણે કારગિલની તેમની સત્તાવાર મુલાકાત અધવચ્ચેથી પરત ફરવું પડ્યું.
