ક્રિકેટમાં ક્યારેક એક ખેલાડી આખી મેચનો માર્ગ બદલી શકે છે. શાદાબ ખાને લાહોરમાં આવું જ કર્યું. પાકિસ્તાન હાર તરફ આગળ વધી રહ્યું હતું, પરંતુ ૮ નંબર પર બેટિંગ કરી રહેલા શાદાબે ઈંગ્લેન્ડના બોલરોની બધી મહેનત પર પાણી ફેરવી દીધું. ૯૬ બોલમાં તેના અણનમ ૧૧૩ રનથી પાકિસ્તાનને એક વિકેટથી રોમાંચક વિજય મળ્યો અને ટીમને ત્રિકોણીય શ્રેણીની ફાઇનલમાં પહોંચાડી. આ હાર સાથે, ઇંગ્લેન્ડને સતત ત્રીજી હારનો સામનો કરવો પડ્યો.શાદાબનો દાવ પણ ખાસ હતો કારણ કે, એક સમયે, તે ૨૮ બોલમાં ૧૯ રન બનાવી રહ્યો હતો. ત્યારબાદ તેણે ગતિ પકડી અને લગભગ દરેક ઓવરમાં બાઉન્ડ્રી ફટકારીને મેચનો માર્ગ બદલી નાખ્યો. આઠ વિકેટ ગુમાવ્યા પછી પણ પાકિસ્તાને પોતાની હિંમત જાળવી રાખી અને છેલ્લી બે ભાગીદારીને કારણે લક્ષ્ય હાંસલ કર્યું. આ મેચમાં ઘણા રેકોર્ડ બન્યા, જે તેને વનડે ક્રિકેટમાં સૌથી યાદગાર મેચોમાંની એક બનાવી.
આઠમી વિકેટના પતન પછી પાકિસ્તાને ૧૧૨ રન બનાવ્યા, જેમાં શાદાબ ખાને એકલા ૧૦૦ રનનું યોગદાન આપ્યું. શાદાબ ખાન અને હરિસ રઉફે ૧૦મી વિકેટ માટે અણનમ ૮૯ રન ઉમેરીને પાકિસ્તાનને જીત અપાવી. આ મેચમાં બંને ટીમો વચ્ચે ૧૦મી વિકેટની ભાગીદારી પણ ચર્ચાનો વિષય બની હતી. ઇંગ્લેન્ડે તેમની ઈનિંગમાં દસમી વિકેટ માટે ૪૦ રન ઉમેર્યા, જ્યારે શાદાબ અને રઉફે પાકિસ્તાન માટે અણનમ ૮૯ રનની ભાગીદારી કરી. દસમી વિકેટની ભાગીદારીમાં આ કુલ ૧૨૯ રન, એક નવો વનડે રેકોર્ડ હતો. અગાઉ, આ રેકોર્ડ ૨૦૦૯ માં પાકિસ્તાન અને ન્યુઝીલેન્ડ વચ્ચેની મેચમાં સ્થાપિત થયો હતો, જ્યારે દસમી વિકેટની ભાગીદારી કુલ ૧૧૬ રન હતી.
૧૯૯૬ અને ૨૦૦૩ માં ઇંગ્લેન્ડને ફક્ત બે વનડે સતત બે જ વાર બે વિકેટથી હારનો સામનો કરવો પડ્યો છે. આ વખતે, ઇંગ્લેન્ડ પહેલા શ્રીલંકા સામે બે વિકેટથી અને પછી પાકિસ્તાન સામે એક વિકેટથી હારનો સામનો કરવો પડ્યો હતો. આ ટીમો એવી ટીમોની યાદીમાં જાડાય છે જેમણે સતત બે વનડે નજીકનો પરાજય સહન કર્યો છે. ૨૦૧૪ ના એશિયા કપમાં ભારતનો પણ આવી જ પરિÂસ્થતિનો સામનો કરવો પડ્યો હતો, જેમાં પહેલા શ્રીલંકા સામે બે વિકેટથી અને પછી પાકિસ્તાન સામે એક વિકેટથી હારનો સામનો કરવો પડ્યો હતો. લાહોરમાં આ વિજય પુરુષોના વનડે ક્રિકેટમાં ઇંગ્લેન્ડ સામે પાકિસ્તાનનો પ્રથમ એક વિકેટથી વિજય હતો. વનડે ઇતિહાસમાં આ પાકિસ્તાનનો નવમો એક વિકેટથી વિજય હતો. દરમિયાન, ઇંગ્લેન્ડ છ વખત આ માર્જિનથી હારી ગયું છે.
