સુરતની નવી સિવિલ હોસ્પિટલમાં એમડીનો અભ્યાસ કરતા તબીબ વિદ્યાર્થી યોગેન પ્રજાપતિના મોતના મામલે વિરોધ શરૂ થયો છે. અખિલ ભારતીય વિદ્યાર્થી પરિષદ (એબીવીપી)ના કાર્યકરોએ સરકારી મેડિકલ કોલેજના ડીનની કચેરી બહાર વિરોધ પ્રદર્શન કરી સમગ્ર ઘટનાની તટસ્થ તપાસની માગ કરી છે એબીવીપીના કાર્યકરો ડીન ઓફિસ ખાતે એકત્રિત થયા હતા અને સૂત્રોચ્ચાર સાથે વિરોધ નોંધાવ્યો હતો. ત્યારબાદ કાર્યકરોએ કચેરીમાં બેસીને હનુમાન ચાલીસાના પાઠ કર્યા હતા. સંગઠન દ્વારા રેગિંગ અને માનસિક ત્રાસના આક્ષેપોની ઊંડાણપૂર્વક તપાસ કરવાની માગ કરવામાં આવી છે.એબીવીપી કાર્યકર્તાઓએ મેડિકલ કેમ્પસમાં રેગિંગ તથા વિદ્યાર્થીઓ પર થતા કથિત માનસિક ત્રાસ અંગે ગંભીર સવાલો ઉઠાવ્યા હતા. સંગઠનનું કહેવું છે કે તબીબ વિદ્યાર્થીના મોત પાછળ કોઈ પ્રકારની હેરાનગતિ અથવા રેગિંગની ભૂમિકા હતી કે કેમ તે અંગે નિષ્પક્ષ તપાસ થવી જરૂરી છે.એબીવીપી દ્વારા જવાબદાર લોકો સામે કાયદેસરની કાર્યવાહી કરવાની પણ માગ કરવામાં આવી છે. સાથે જ લેખિત આશ્વાસન ન મળે ત્યાં સુધી આંદોલન ચાલુ રાખવાની ચીમકી આપવામાં આવી હતી.
એબીવીપીના સુરત મહાનગર મંત્રી શુભમ સિંહે દાવો કર્યો હતો કે નવી સિવિલ હોસ્પીટલના કેમ્પસમાં આશરે એક મહિનાના સમયગાળામાં આ બીજી આવી દુઃખદ ઘટના છે. તેમણે જણાવ્યું હતું કે અગાઉ પણ એક તબીબ વિદ્યાર્થીના મોતનો બનાવ બન્યો હતો અને તેમાં રેગિંગ તથા માનસિક ત્રાસના આક્ષેપો થયા હતા. આ પૃષ્ઠભૂમિને ધ્યાનમાં રાખીને યોગેન પ્રજાપતિના કેસમાં પણ રેગિંગ કે માનસિક હેરાનગતિની શક્યતા અંગે તપાસ થવી જાઈએ તેવી માગ કરવામાં આવી છે.એબીવીપીએ હોસ્પિટલ પ્રશાસન તરફથી મૃતક તબીબ વિદ્યાર્થી અંગે ડ્રગ્સના સેવન સાથે જાડાયેલા દાવાઓ કરવામાં આવતા હોવાનો આક્ષેપ કર્યો હતો. વિદ્યાર્થી પરિષદે સવાલ ઉઠાવ્યો છે કે આવા દાવા પાછળ કોઈ આધાર છે કે નહીં અને શું આવા આક્ષેપો દ્વારા મૃતકની છબી અંગે ગેરસમજ ઊભી થઈ રહી છે? સંગઠને આ મુદ્દાની પણ નિષ્પક્ષ તપાસ કરવાની માગ કરી છે. જાકે, મૃતક તબીબ અંગે ડ્રગ્સના સેવન સંબંધિત આક્ષેપોની સ્વતંત્ર પુષ્ટિ થવાની બાકી છે. આ અંગે સત્તાવાર તપાસ અથવા પુરાવા સામે આવ્યા બાદ જ હકીકત સ્પષ્ટ થઈ શકે છે.
એબીવીપી દ્વારા ડીનને આવેદનપત્ર આપવામાં આવ્યું હતું. તેમાં સમગ્ર ઘટનાની તપાસ માટે તટસ્થ કમિટી રચવાની માગ કરવામાં આવી છે. સંગઠનનું કહેવું છે કે તપાસ દરમિયાન રેગિંગ, માનસિક ત્રાસ સહિત તમામ સંભવિત પાસાઓની તપાસ થવી જાઈએ અને જા કોઈ વ્યÂક્તની જવાબદારી સામે આવે તો તેની સામે કાયદેસરની કાર્યવાહી કરવામાં આવે.હાલ સમગ્ર મામલે હોસ્પિટલ પ્રશાસન અને સંબંધિત સત્તાધિકારીઓની તપાસ તથા સત્તાવાર સ્પષ્ટતા મહત્વપૂર્ણ રહેશે. યોગેન પ્રજાપતિના મોતનું ચોક્કસ કારણ અને તેમાં કોઈ વ્યક્તિ કે પરિસ્થિતિની ભૂમિકા હતી કે કેમ તે તપાસ પૂર્ણ થયા બાદ જ સ્પષ્ટ થઈ શકે છે.









































